Matayo 16:17 - Indagano Inyaaya mu-Chijita

¹⁷ Yeesu ˆnaabhwira Peetero ati, “Awe Simooni omwana wa Yoona, uri na ribhando, kwa okubha atari‑wo omuunu woonewoone unu akuswerurira echimari echo, tari Raata waani wa mu‑rwire.

INDAGANO INYA:YA

¹⁷ Yesu naindura namubwira ati, Una ribando Simoni wa Yona, okuba omubiri na manyinga bitakusweruriye eco, tari Rata unu ari mu rwire.

Matayo 16:17 ပူးပေါင်းရင်းမြစ်များ

Ruuka 22:32

Nawe, naakusabhirwa ku‑Nyamuwanga, korereki eriikirisya ryawo ryasiga okugeruka‑ko. Omwanya gunu urinsubha‑ko, ukomeesye abheejaanyu.”

Yowana 1:42

Niwo Andereya ˆnaasira Simooni ku‑Yeesu. Yeesu ˆnaaringira Simooni, ˆnaamubhwira ati, “Awe naawe Simooni, omwana wa Yowana. Nawe okwambira woori, risiina ryawo eribha Keefa.” Risiina eryo mu‑Chiyunaani ni Peetero, obhugajuro bhwaryo ni “Rutare.”

Yowana 6:45

Jikaamirwe mu‑Bhikaame Ebhyeru bhya abharagi ati, ‘Abhaanu bhoone bhariyigisibhwa na Nyamuwanga.’ Mbe, omuunu woonewoone unu kaategeresya na okwiyigira okusooka ku‑Raata, kaaja kw‑anye.

1 Bakorinto 15:50

Abhayiri bhaani mu‑riikirisya, chinu eneenda okwayika ni ati, emibhiri jeeswe jinu ja jinyama na isagama bhitakutura okwanjura obhukama bhwa Nyamuwanga, amwi emibhiri jinu ejinyamuka okwanjura obhurame bhunu bhutakunyamuka.

Bagalatia 1:16

okunswerurira Omwana waaye kutyo ari. ꞉Aaramuuye okukora kutyo, korereki niraasye Emisango ja Ekisi inguru ya Omwana waaye ku‑bhaanu bhanu bhatari Bhayawudi. Anye ꞉nitaayenjere abhaanu bha okuntongera jinu nirikora.

Baefeso 2:8

Okubha muchunguuywe kwa obhwitiriranya bhwaye, ku‑njira ya okwikirisya Yeesu. Obhuchungusi obhwo, bhutasookere kw‑imwe, tari ni chiyaanwa cha Nyamuwanga kw‑imwe.

Baefeso 3:5

Nyamuwanga ꞉ataasweruuye obhutinge bhwa imbisike eyo, ku‑mayimbo agandi ganu gaayitingʼene, nawe woori ku‑njira ya Mwoyo Mweru asweruriiye jitumwa na abharagi bhaaye abheeru.

Baefeso 6:12

Okubha riremo ryeswe, chitakurwana na omubhiri amwi isagama, nawe echirwana na obhutungi, obhuturo, abhakuru bha echisuute cha echinyamwoyo na amayijo ga amasambwa mu‑chaaro chinyatarorwa.

Baeburania 2:14

Mbe, kwa okubha abhaana bhari na emibhiri na isagama, Yeesu wone ꞉eejire ari na omubhiri na isagama rwa abheene. ꞉Aakorere kutyo, korereki ku‑njira ya orufu rwaye, ayige amanaga ga Syetaani, unu ari na obhuturo bhwa orufu.

1 Petero 5:1

Woori, enaayika na emwe abhakaruka bha rikanisa. Anye niri omukaruka oweejaanyu, unu ꞉neeroreeye omwene kutyo Kirisito ꞉aanyaasiibhwe. Ka wone, anye niri omusangisi oweejaanyu wa rikusyo rinu riri yeeyi okuswerurwa. Kurwa ejo, enibheerembeeresya emwe,

1 Yoana 4:15

Omuunu woonewoone unu keekirisya na okutogora ati Yeesu ni Mwana wa Nyamuwanga, Nyamuwanga ari na obhumwi nage, omwene wone ari na obhumwi na Nyamuwanga.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.