Matayo 16:11 - Indagano Inyaaya mu-Chijita

¹¹ Mbawo mutakusombookerwa ati jinu naabhabhwira jitari inguru ya emikaate? Mbe, jinu enaayika ni ati, mwikenge echifwimbya cha Abhafarisaayo na Abhasadukaayo.”

INDAGANO INYA:YA

¹¹ ?Niki cinu ecibabusya okusombo:kerwa ati, nitababwira bya mikate? Nawe mwikenge ecifwimbya ca Bafarisayo ne:ca Basadukayo.

Matayo 16:11 ပူးပေါင်းရင်းမြစ်များ

Matayo 16:1

Niwo Abhafarisaayo na Abhasadukaayo nibhaaja ku‑Yeesu okumuregeeja. Nibhamusabhwa akore echibharikisyo cha okweresya ati, asookere ku‑Nyamuwanga.

Matayo 16:12

Niwo, abheeyigisibhwa bhaaye nibhasombookerwa ati aariga atakubhabhwira okwikenga echifwimbya cha okufwimbya emikaate, tari inguru ya okwikenga ameeyigisyo ga orubheeyi ga Abhafarisaayo na Abhasadukaayo.

Matayo 16:6

Yeesu ˆnaabhabhwira ati, “Mwikenge echifwimbya cha Abhafarisaayo na Abhasadukaayo.”

Matayo 3:7

Nawe Yowana ejire aarora Abhafarisaayo na Abhasadukaayo bhaafu nibhamuuja‑ko, korereki abhabhatiije, ˆnaabhabhwira ati, “Emwe orwibhuro rwa jinjoka! Niga unu ꞉aabhabhwiriiye ati, omutura okwikenga indamu ya Nyamuwanga inu iriija, kwa okubhatiijibhwa era?

Mariko 4:40

Mbe Yeesu ˆnaabhwira abheeyigisibhwa bhaaye ati, “Kurwa ki omuubhaya? Noorwo woori mutari na eriikirisya?”

Mariko 8:15

Yeesu ˆnaabhakengya ati, “Mwiyangarire muno na okwikenga echifwimbya cha Abhafarisaayo na echa Yeroode.”

Mariko 8:21

Neeya ˆnaabhabhuusya ati, “Noorwo woori muchaari kusombookerwa?”

Ruuka 12:1

Omwanya ogwo, abhaanu ebhiwumbi na ebhiwumbi, bhaariga bheekofyanyiisye eyo, nibhakingira okutajana. Yeesu ˆnaamba okubhwira abheeyigisibhwa bhaaye ati, “Mwikenge obhwirimaanya bhwa Abhafarisaayo kwa okubha obhwirimaanya obhwo obhuswirana rwa echifwimbya.

Ruuka 12:56

Emwe abheerimaanya! Kasi mumenyere kisi okusomboora kutyo orususo rwa echaaro na orutumba, oruyindukayinduka. Ejibha kutiki mutaamiibhwe okusombookerwa obhugajuro bhwa emisango jinu ejikorekana ku‑siku jinu?

Yowana 8:43

Kurwa ki mutakusombookerwa jinu enaayika? Mutakutura okujisombookerwa kwa okubha mutakwenda okutegeresya emisango jinu enibhabhwira.