Matayo 15:31 - Indagano Inyaaya mu-Chijita

³¹ Abhaanu nibharuguura muno bhejire bhaarora abhajibhi nibharoma, abharema nibhawora, abhafuuwe bha amaguru nibharibhata na abhawofu nibharora. Nibhaamba okukusya Nyamuwanga wa Abhayisirayeeri.

INDAGANO INYA:YA

³¹ Ndijei ebise nibirugu:ra, bejire barora abajibi niba:ika, abarema nibakoba, abatigisi nibaribata, abaofu mbarora. Ebise nibikusya Nyamuanga wa Israeli.

Matayo 15:31 ပူးပေါင်းရင်းမြစ်များ

Matayo 15:30

Abhaanu bhaafu muno nibhagenda ku‑Yeesu, nibhamusirira abhafuuwe bha amaguru, abhawofu, abharema, abhajibhi na abharwaye abhandi bhaafu. Abharwaye abho bhoone nibhatuurwa ayeeyi na amaguru ga Yeesu, omwene ˆnaabhawosya.

Matayo 18:8

Araabha okubhoko kwawo amwi okuguru kwawo nikwo okukureterera okukora ebhibhiibhi, kuteme‑ko na okukwesa kura. Ni akiri wingire mu‑bhuwanga bhwa akajaanende koone utari‑ko okubhoko okumwi amwi utari‑ko okuguru okumwi, okukira okubha na amabhoko goone gabhiri amwi amaguru goone gabhiri, nawe nuweeswa mu‑muriro gwa akajaanende koone.

Matayo 21:14

Mbe, omwanya gunu Yeesu aariga achaari mu‑rubhuga rwa Riyekaru, abhawofu na abharema nibhamuuja‑ko, wone ˆnaabhawosya.

Matayo 8:10

Yeesu ejire oongwa emisango ejo, ˆnaaruguura muno. ˆNaabhwira abhaanu bhanu bhaamuruubhaga ati, “Ni chimari enibhabhwira ati, nichaariga okurora omuunu woonewoone owa eriikirisya enene rwa rinu, mu‑Bhayisirayeeri bhoone!

Matayo 9:32

Omwanya gunu abhawofu abho, bhaasookaga awo, ringira abhaanu abhandi nibhareetera Yeesu omuunu unu aariga awungirwe risambwa rinu ryariga rimukorere okubha omujibhi.

Matayo 9:33

Yeesu ˆnaamusoosya‑ko risambwa eryo, awoawo omuunu oyo, ˆnaamba okwayika. Abhaanu bhanu bhaariga bharya‑wo nibharuguura muno, nibhaayikaga ati, “Mu‑chaaro choone cha Yisirayeeri, guchaariga okukorekana omusango rwa gunu noorwo na akatyari!”

Matayo 9:8

Abhaanu bhejire bhaarora ejo, nibharuguura na okuubhaya muno. Nibhakusya Nyamuwanga unu ayaaye abhaanu obhuturo bhwa imbaga eyo.

Mariko 2:12

Awoawo, omuunu oyo ˆneemereeguru, ˆnaagega riraro ryaye, ˆnaawuruka anja, bhoone bhanu bhaariga bhari arya nibharuguura na okukusya Nyamuwanga, nibhaayikaga ati, “Chichaariga okurora kata echikorwa rwa chinu!”

Mariko 7:37

Nibharuguura muno, nibhaayika ati, “Joone jinu aakora ni ja kisi. Kaawosya abhaanu abha amatwi, bhoongwe, na abhajibhi, bhaayike!”

Mariko 9:43

Ka wone, araabha okubhoko kwawo nikwo okukureterera okukora ebhibhiibhi, kuteme‑ko. Ni akiri wingire mu‑bhuwanga bhwa akajaanende koone utari‑ko okubhoko okumwi, okukira okubha na amabhoko goone gabhiri na okugenda mu‑muriro gwa akajaanende koone. [

Ruuka 14:13

“Nawe, ukeeraabhira abhaanu ebhiryo bhya obhugenyi, uraasisyega abhataka, abharema, na abhawofu.

Ruuka 14:21

“Omugaya oyo ejire aasubha, ˆnaabhwira omwami waaye emisango ejo joone. Mbe, omwami waaye oyo ˆnaabhiyirwa, ˆnaabhwira omugaya waaye ati, ‘Genda bhwangubhwangu ku‑njira jinene na ku‑bhiyira ebhitooto bhya mu‑musi gunu, ubhareete anu abhataka, abhawofu, na abharema.’

Ruuka 18:43

Awoawo, ˆnaarora rindi, ˆnaaruubha Yeesu, enu ˆnaakuuyaga Nyamuwanga. Abhaanu bhoone bhejire bhaarora ejo, nibhakuuya Nyamuwanga.

Ruuka 7:16

Abhaanu abho bhoone, nibharuguura muno, nibhaamba okukusya Nyamuwanga, nibhaayikaga ati, “Omuragi omukuru unu eebhuka okusooka mw‑iswe!” Nibhaayika rindi ati, “Nyamuwanga aaja okusakira eswe abhaanu bhaaye!”

Yowana 9:24

Mbe, abhatangasya bha Abhayawudi nibhabhirikira rindi omuunu unu aariga eebhuuywe ari muwofu, nibhamubhwira ati, “Nuurayire ku‑Nyamuwanga ati, owaayika echimari! Eswe chimenyere ati, omuunu unu ꞉aakuwosiisye, ni mukosi wa ebhibhiibhi.”