Matayo 15:2 - Indagano Inyaaya mu-Chijita

² “Kurwa ki abheeyigisibhwa bhaawo abhanyamura jitungwa jinu bhasaaja weeswe ꞉bhaachisigiiye? Mbawo abheene abharya ebhiryo, bhateesaabhire amabhoko geebhwe rwa kutyo jeenderwe!”

INDAGANO INYA:YA

² ?Abe:igisibwa bao niki cinu ecikora nibanyamura ebye cikuru? Kwo kuba abarya ebiryo bate:sa:bire.

Matayo 15:2 ပူးပေါင်းရင်းမြစ်များ

Matayo 15:3

Yeesu ˆnaabhasubhya ati, “Kurwa ki emwe wone omunyamura ebhiraagiro bhya Nyamuwanga kwa okuruubha jitungwa jeemwe?

Mariko 7:5

Niwo Abhafarisaayo na abheeyigisya bha ebhiraagiro bhya Muusa nibhabhuusya Yeesu ati, “Mbawo abheeyigisibhwa bhaawo bhatakuruubha jitungwa ja bhasaaja weeswe? Abheene abharya ebhiryo, bhateesaabhire amabhoko geebhwe rwa kutyo jeenderwe!”

Ruuka 11:38

Omufarisaayo oyo, ˆnaaruguura muno ejire aarora Yeesu ˆnaarya ebhiryo ateesaabhire rwa kutyo jaariga jeenderwe mu‑tungwa jeebhwe.

Bagalatia 1:14

꞉Naayigire abheejaasu bhaafu bha rikura ryani kwa okurwanirira idiini yeeswe ya Echiyawudi. ꞉Neekomeesiisye muno okugwata obhusimukwa bhwa bhasaaja weeswe.

Bakolosai 2:8

Mubhe mwiyangariiye, omuunu woonewoone aasiga okubhayabhya kwa ameeyigisyo ga kutyo era na ga orubheeyi. Ameeyigisyo ago, agaruubhana na obhusimukwa bhwa abhaanu, na obhutinge bhwa akatungiiywe bhwa echaaro chinu. Ameeyigisyo ago gatakusooka ku‑Kirisito,

1 Petero 1:18

Emwe omusombookerwa ati ꞉mweruuywe okusooka mu‑tungwa jeemwe jimbiibhi jinu ꞉mwanjuuwe okusooka ku‑bhasaaja waanyu. ꞉Muteeruuywe okuruubhana na ebhiinu bhinu ebhitura okusingaarika, rwa jipirya amwi inaaryo.