Matayo 14:3 - Indagano Inyaaya mu-Chijita

³ Yeroode ꞉aayikire kutyo, kwa okubha niwe ꞉aagwatire Yowana, ˆnaamubhoya amaseega, ˆnaamutuura mw‑ibhoyero. ꞉Aamubhoyere, ku‑songa ya emisango jinu Yowana ꞉aayikire inguru ya obhutwarwa bhwa Yeroode na Yerodiya. Yerodiya oyo, ku‑bhwambiro aariga ari mugasi wa Firipo, omumura waabho Yeroode.

INDAGANO INYA:YA

³ Okuba Erode ariga agwatire Yoana namuboya, namuta mu nyumba yo buboywa kurwa Erodiya, omugasi wa Filipo wa:bo.

Matayo 14:3 ပူးပေါင်းရင်းမြစ်များ

Matayo 11:2

Omwanya ogwo, Yowana Omubhatiija aariga abhoyerwe mw‑ibhoyero. Ari mw‑ibhoyero omwo, ˆnoongwa jinu Kirisito aakoraga. Niwo ˆnaaragirira abheeyigisibhwa bhaaye abharebhe, bhaje okumubhuusya ati,

Matayo 14:6

Rwejire rwakinga orusuku rwa ichikukuru ya okwichuka okwibhurwa kwa Yeroode, omuyaasya wa Yerodiya ˆnaaja, ˆnaabhina imbere ya abhagenyi bhoone. Yeroode ˆnaakonderwa muno.

Matayo 4:12

Mbe, Yeesu ejire oongwa ati, Yowana Omubhatiija abhoyerwe mw‑ibhoyero, Yeesu ˆnaagenda mu‑mukoowa gwa Gariraaya.

Mariko 6:14

Omukama Yeroode Atipaasi ꞉oonguuwe emisango ja Yeesu, kwa okubha Yeesu aariga akumuukire woone. Abhaanu abhandi bhaariga nibhaayika inguru ya Yeesu ati, “Oyo niwe Yowana Omubhatiija aasuurukire okusooka mu‑bhafuuwe, niyo isonga ari na amanaga ga okukora ebhiruguusyo rwa ebhyo.”

Mariko 6:17

Yeroode Atipaasi aariga atwaye Yerodiya unu aariga ari mugasi wa Firipo, omumura waabho Yeroode. Yowana aamubhwiraga ati, “Okuruubhana na ebhiraagiro bhya Nyamuwanga, jitari ja kisi okutwara omugasi wa omumura waanyu.” Emisango ejo nijireterera Yerodiya abhiyirirwe Yowana muno, na ˆnaayenjeresyaga injira ya okumwita, nawe ˆnaataamibhwa. Mbe okwenda okukondisya Yerodiya, Yeroode Atipaasi ˆnaatuma abhasirikare bhagwate Yowana na okumubhoya mw‑ibhoyero. Nawe bhaariga nibhamurinda, korereki Yerodiya aasiga okumwita, kwa okubha Yeroode ꞉oobhayire Yowana na okumenya ati, Yowana ni murengeresi na omweru ku‑Nyamuwanga. Yeroode Atipaasi eendaga okutegeresya Yowana muno, nawe ejire aamutegeresya, ˆnaasurumbara muno.

Mariko 6:22

Omwanya gunu abhagenyi bhaariga bheenyanjire, omuyaasya wa Yerodiya ˆneengira, ˆnaabhina. Yeroode na abhagenyi bhaaye nibhakonderwa. Niwo omukama ˆnaabhwira omuyarakaji oyo ati, “Nuunsabhwe choonechoone chinu oweenda, enija okukuyaana.”

Mariko 8:15

Yeesu ˆnaabhakengya ati, “Mwiyangarire muno na okwikenga echifwimbya cha Abhafarisaayo na echa Yeroode.”

Ruuka 13:1

Omwanya ogwoogwo, abhaanu abhandi nibhaaja nibhabhwira Yeesu ati, “Omutungi Piraato ꞉eetire Abhagariraaya abhandi, bhanu bhaariga nibheeta ebhitunganwa bhya ebhitambwa. Isagama ya abhaanu bhanu ꞉bheetirwe niisaasibhwa na orwamba rwa ebhitambwa bhinu bhaasoosisyaga Nyamuwanga.”

Ruuka 13:31

Omwanya ogwoogwo, Abhafarisaayo abhandi nibhaaja ku‑Yeesu nibhamubhwira ati, “Sooka anu, ugende orubhaara orundi, kwa okubha omukama Yeroode Atipaasi keenda okukwita.”

Ruuka 23:11

Yeroode na abhasirikare bhaaye, nibhaamba okusiijaaka Yeesu, nibhamuseka, nibhamufwafya omwingiro gwa echikama. Neeya, Yeroode ˆnaasubhya Yeesu ku‑Piraato.

Ruuka 23:7

Ejire aasombookerwa ati, Yeesu ni Mugariraaya wa mu‑bhutungi bhwa Yeroode Atipaasi, ˆnaabhabhwira bhamusire ku‑Yeroode oyo, kwa okubha mu‑siku ejo Yeroode aariga ari Yerusareemu awo.

Ruuka 3:1

Ku‑muguuga gwa ekumi na etaanu gwa obhutungi bhwa Kayisaari Tibheeriyo, Pootiyo Piraato omwene, aariga ari mutungi wa Yuudeya. Yeroode Atipaasi, aariga ˆnaatunga Gariraaya. Owaabho unu aatogwaga Firipo, omwene aariga atungire omukoowa gwa Itureeya na ogwa Turakooniti. Risaniya, aariga ˆnaatunga omukoowa gwa Abhireene.

Ruuka 8:3

Aariga ari‑wo wone Yoana, omugasi wa Kuja. Kuja oyo, niwe aariga ari mubhiiki omukuru wa ebhiinu bhya omukama Yeroode Atipaasi. Aariga ari‑wo Susana, na abhagasi abhandi bhaafu, bhanu bhaasoosyaga ebhiinu bhyebhwe okusakira Yeesu na abheeyigisibhwa bhaaye.

Ebikorwa 12:1

Mu‑siku ejo, omukama Yeroode, ˆnaamba okugwata abheekirisya abharebhe bha Yerusareemu na okubhanyaasya.

Ebikorwa 4:27

“Okubha ni chimari ati mu‑musi gunu Yeroode Atipaasi na Pootiyo Piraato ꞉bhaabhugeene aamwi na abhaanu bhanu bhatari Bhayawudi na Abhayisirayeeri, korereki bhareme Yeesu, omukosi waawo omweru unu ꞉waasorere abhe Kirisito.