Matayo 14:27 - Indagano Inyaaya mu-Chijita

²⁷ Awoawo, Yeesu ˆnaabhabhwira ati, “Musiiriike, musige okuubhaya! Naanye.”

INDAGANO INYA:YA

²⁷ Aonao Yesu nababwira ati, Musi:ri:ke, nanye, musige ku:baya.

Matayo 14:27 ပူးပေါင်းရင်းမြစ်များ

Matayo 14:28

Peetero ˆnaamusubhya ati, “Raatabhugenyi, araabha naawe chimari, nuundagirire niribhate ku‑nyanja nikuuje‑ko.”

Matayo 17:7

Yeesu ˆnaabhaja‑ko, ˆnaabhakuunʼya‑ko, ˆnaabhabhwira ati, “Mwimereeguru, musige okuubhaya!”

Matayo 28:10

Niwo Yeesu ˆnaabhabhwira ati, “Musige okuubhaya! Mugenda mubhwire abhayiri bhaani bhagende Gariraaya, eyo niyo abhaja okundora.”

Matayo 28:5

Nawe maraayika oyo, ˆnaabhwira abhagasi bharya ati, “Musige okuubhaya! Enimenya ati mwijire okuyenja Yeesu unu ꞉bhaabhumiiriiye ku‑musarabha.

Matayo 9:2

Ejire aakinga eyo, abhaanu abhandi nibhamureetera omuunu unu aariga afuuwe omubhiri, amaamire kw‑iraro. Yeesu ejire aarora eriikirisya ryebhwe, ˆnaabhwira omurwaye oyo ati, “Omwana waani, siiriika! Waafwirwa echigongo ebhibhiibhi bhyawo.”

Ruuka 1:13

Nawe maraayika oyo, ˆnaamubhwira ati, “Awe Jaakariya, siga okuubhaya! Risabhwa ryawo ku‑Nyamuwanga inguru ya okubhona omwana, aryungwa. Woori omugasi waawo Erijaabheeti, kaja okukwibhurira omwana wa echirume. Risiina ryaye umutoge Yowana.

Ruuka 1:30

Nawe maraayika oyo ˆnaamubhwira ati, “Awe Maryamu, siga okuubhaya, kwa okubha uyaaywe ribhando na Nyamuwanga.

Ruuka 12:32

“Emwe echise echitooto, mwasiga okuubhaya, kwa okubha Esomwana keenda okubhayaana obhukama bhwaye.

Ruuka 2:10

Nawe, maraayika oyo ˆnaabhabhwira ati, “Musige okuubhaya! Niijire okubhareetera emisango ja ekisi, jinu jirikora abhaanu bhoone bhakonderwe muno.

Ruuka 5:10

Mu‑ngama eyindi irya, aariga ari‑mo Yakobho na Yowana, abhaana bha Jebhedaayo. Abhamura abho bhaariga nibhasangira aamwi na Simooni emirimu ja okutega. Bhoone abho nibharuguura inguru ya jinu ꞉jaakorekeene. Yeesu ˆnaabhwira Simooni ati, “Siga okuubhaya! Okwambira woori owuja okubha nuwukumanyisya abhaanu rwa kutyo waariga nuutega jiiswi.”

Yowana 16:33

Naabhabhwira ejo joone, korereki mubhe na omurembe mu‑myoyo jeemwe, kwa okubha muri na obhumwi na anye. Ku‑chaaro anu muribhona ebhinyaasyo bhyafu, nawe mwasiga okuyaya, kwa okubha anye ꞉naayigire echaaro.”

Yowana 6:20

Niwo, Yeesu ˆnaabhabhwira ati, “Musige okuubhaya! Naanye!”

Ebikorwa 23:11

Mu‑ngeta ya orusuku orwoorwo, Raatabhugenyi ˆneemereeguru ayeeyi na Pawuro, ˆnaamubhwira ati, “Fungʼama! Rwa kutyo wansoosisya obhubhambaasi Yerusareemu anu, nikwo kutyo wone ni bhusibhusi unsoosisye obhubhambaasi na mu‑musi gwa Ruumi.”