Matayo 14:19 - Indagano Inyaaya mu-Chijita

¹⁹ Mbe, ˆnaaragirira abhaanu bharya ati, bheenyanje aasi ku‑bhunyaasi. ˆNaagega emikaate etaanu jirya na jiiswi ebhiri jirya, ˆnaaragamira ku‑rwire, ˆnaasiima Nyamuwanga. Neeya, ˆnaabheganya emikaate jirya, ˆnaayaana abheeyigisibhwa bhaaye, abheene wone nibhagabhira abhaanu emikaate aamwi na jiiswi ejo.

INDAGANO INYA:YA

¹⁹ Naragirira ecise okwiyanja ku bunyasi. Nagega emikate eta:nu na jiswi ibiri, narore:rera inguru mu rwire, nasi:ma nabeganyamo emikate, najiyana abe:igisibwa, abe:igisibwa nibajigabira ebise.

Matayo 14:19 ပူးပေါင်းရင်းမြစ်များ

Matayo 14:18

Yeesu ˆnaabhabhwira ati, “Mubhindeetere anu.”

Mariko 6:39

Yeesu ˆnaabhabhwira ati, “Mubhwire abhaanu bhoone bhatege jinenda ku‑bhunyaasi.”

Mariko 6:41

Yeesu ˆnaagega emikaate etaanu ejo na jiiswi ebhiri jirya, ˆnaaragamira ku‑rwire, ˆnaasiima Nyamuwanga. Neeya ˆnaabheganya emikaate, ˆnaayaana abheeyigisibhwa bhaaye korereki bhagabhire abhaanu. ˆNaabhayaana na jiiswi ebhiri jirya bhabhagabhire.

Mariko 7:34

Yeesu ˆnaaragamira ku‑rwire, ˆneesya omwika, ˆnaamubhwira ati, “Eefata,” nikwo okwayika ati, “Iiguka.”

Ruuka 22:17

ˆNaagega omutawo gwa echifuufu, ˆnaasiima Nyamuwanga, ejire aamara, ˆnaabhabhwira ati, “Mugege munywe bhoone!

Ruuka 22:19

Neeya ˆnaagega omukaate, ˆnaasiima Nyamuwanga, ˆnaagubheganya, ˆnaayaana abheeyigisibhwa bhaaye, ˆnaabhabhwira ati, [“Gunu nigwo omubhiri gwani gunu oguja okusoosibhwa inguru yeemwe. Mubhega nimukora kutyo, mu‑kunyichuka!”

Ruuka 24:30

Omwanya gunu ꞉bhaategere inenda okurya ebhiryo, Yeesu ˆnaagega omukaate, ˆnaasiima Nyamuwanga, ˆnaagubheganya, ˆnaabhayaana.

Ruuka 9:14

Abhaanu bhanu ꞉bhaariiye ebhiryo awo, abharume era, bhaariga nibhakinga wuti bhiwumbi bhitaanu (5,000). Mbe, Yeesu ˆnaabhwira abheeyigisibhwa bhaaye ati, “Mubhwire abhaanu bhanu bhatege jinenda, bhuri nenda ibhe na abhaanu makumi gataanu.”

Ruuka 9:16

Yeesu ˆnaagega emikaate etaanu ejo, na jiiswi ebhiri, ˆnaaragamira ku‑rwire, ˆnaasiima Nyamuwanga. Neeya ˆnaabheganya emikaate, ˆnaayaana abheeyigisibhwa bhaaye, korereki bhagabhire abhaanu emikaate na jiiswi.

Yowana 11:41

Mbe, nibhasoosya‑ko ribhuyi eryo. Yeesu ˆnaaragamira ku‑rwire, ˆnaasabhwa ku‑Nyamuwanga ati, “Raata, enikusiima kwa okubha woongwa risabhwa ryani.

Yowana 6:23

Niwo, abhaanu abhandi nibhaaja na jingama okusooka mu‑musi gwa Tibheeriyo, nibhakinga anu echise cha abhaanu ꞉bhaariiye emikaate, omwanya gunu Raatabhugenyi Yeesu ꞉aamarire okusiima Nyamuwanga.

Ebikorwa 27:35

Ejire aamara okwayika kutyo, ˆnaagega omukaate, ˆnaasoosya risiima ku‑Nyamuwanga imbere yeebhwe bhoone, ˆnaagubheganya, ˆnaamba okurya.

Barumi 14:6

Omuunu unu kaarora ati orusuku orurebhe ruri na obhugajuro okukira jisiku ejindi, kaakora kutyo kwa okubha keenda okukondisya Raatabhugenyi Yeesu. Owundi unu kaarya choonechoone chirya, kaakora kutyo korereki akondisye Raatabhugenyi Yeesu, kwa okubha kaarya enu ˆnaasiimaga Nyamuwanga. Owundi unu kaarya emikubhi era, kaakora kutyo kwa okubha keenda okukondisya Raatabhugenyi Yeesu. Oyo wone kaasiima Nyamuwanga.

1 Bakorinto 10:16

Omwanya gunu echisiima Nyamuwanga inguru ya omutawo gurya gwa amabhando ga ebhiryo bhya Raatabhugenyi, owubha chitakusangira aamwi isagama ya Yeesu Kirisito? Ka wone, omwanya gunu echibheganya omukaate, owubha chitakusangira aamwi omubhiri gwa Kirisito?

1 Bakorinto 10:31

Mbe woori, gwonegwone gunu omukora, kubhe ni kurya, kubhe ni kunywa, amwi noorwo omusango ogundi, mugukorega inguru ya okukusya Nyamuwanga.

1 Bakorinto 11:24

ˆnaasiima Nyamuwanga, ˆnaagubheganya, ˆnaayika ati, “Gunu nigwo omubhiri gwani gunu oguja okusoosibhwa inguru yeemwe. Mubhega nimukora kutyo, mu‑kunyichuka!”

Bakolosai 3:17

Omusango gwonegwone gunu omwayika, amwi echiinu choonechoone chinu omukora, mubhikore kw‑isiina rya Raatabhugenyi Yeesu, nimusiimaga Raata Nyamuwanga okutura ku‑mwene.