Matayo 13:55 - Indagano Inyaaya mu-Chijita

⁵⁵ Unu atari mwana wa omubhuya urya? Nyiramwene atari unu kaatogwa Maryamu? Abhatooto bhaaye bhatari Yakobho, Jejefu, Simooni na Yuuda?

INDAGANO INYA:YA

⁵⁵ ?Unu tari niwe Omwana wo mubuya? ?Nyiramwene tari niwe katogwa Maryamu? ?Na bamura ba:bo tari Yakobo, na Yose, na Simoni, na Yuda?

Matayo 13:55 ပူးပေါင်းရင်းမြစ်များ

Matayo 27:56

Mu‑bhagasi abho, bhaariga bhari‑mo Maryamu okusooka mu‑musi gwa Magidara, Maryamu nyiramwene Yakobho na Jejefu, na nyiramwene abhaana bha Jebhedaayo.

Mariko 15:40

Bhaariga bhari‑wo abhagasi bhanu bhaariga nibharingira bhari kura‑wo. Mu‑bhagasi abho aariga ari‑mo Maryamu okusooka mu‑musi gwa Magidara, Saroome na Maryamu nyiramwene Yakobho omutooto na Yoose.

Mariko 15:47

Maryamu okusooka mu‑musi gwa Magidara, na Maryamu nyiramwene Yakobho omutooto na Yoose, bhoone nibharora anu ꞉bhaamusiikire.

Mariko 6:3

Unu atari mubhuya wurya, omwana wa Maryamu? Abhamura bhaabho bhatari Yakobho, Yoose, Yuuda na Simooni? Angu, abhayara bhaabho bhatari bhanu chiikaaye nabho anu?” Nibhamubhiyirirwa, nibharema okumwikirisya.

Ruuka 1:27

ˆNaagenda ku‑muyarajuma umwi risiina ryaye ˆnaatogwa Maryamu. Omuyarajuma oyo, aariga ari‑ko obhuko na omuunu umwi risiina ryaye ˆnaatogwa Jejefu. Jejefu unu, aariga ari wa mu‑ruganda rwa omukama Dawudi.

Ruuka 24:10

Abhagasi bhanu ꞉bhaabhwiriiye jitumwa ja Yeesu emisango ejo, ni Maryamu okusooka mu‑musi gwa Magidara, Yoana na Maryamu nyiramwene Yakobho, aamwi na abhagasi bhanu bhaariga bhari aamwi nabho.

Ruuka 3:23

Omwanya gunu Yeesu ꞉aambire emirimu jaaye ja okuraasya omusango, aariga ari na miguuga wuti makumi gasatu kutya. Abhaanu bhaariga nibheetogera ati aariga ari mwana wa Jejefu. Jejefu wa Yeeri.

Ruuka 4:22

Yeesu ejire aamara okwiyigisya, abhaanu bhoone nibhaayika ati, “Aayika emisango ja ekisi!” Nibharuguurira muno emisango jaaye ja obhwitiriranya jinu ꞉aayikire. Nibheeya nibhabhuusyanya ati, “Angu, unu atari niwe omwana wa Jejefu?”

Ruuka 8:20

Abhaanu abhandi nibhabhwira Yeesu ati, “Nyokomwana na abhamura bhaanyu, bheemereeguuyu anja, abhakena okubhugana nawe.”

Yowana 19:25

Mbe, bhaariga bhari‑wo abhagasi bhana bhanu bhaariga bheemereeguuyu ayeeyi na omusarabha gwa Yeesu. Abhagasi abho bhaariga bhari nyiramwene Yeesu, omuyara oweejaabho, Maryamu omugasi wa Kuroopa, na Maryamu okusooka mu‑musi gwa Magidara.

Yowana 6:42

Nibhabhuusyanya ati, “Angu, omuunu unu atari Yeesu, omwana wa Jejefu? Noorwo abheebhusi bhaaye chibhamenyere. Woori, kaatura kutiki okwayika ati eekire okusooka mu‑rwire?”

Yowana 9:29

Eswe chimenyere ati Nyamuwanga ꞉aayikire na Muusa, nawe chitakumenya ati omuunu oyo asookere aaki.”

Bagalatia 1:19

Nawe ꞉nitaarorere jitumwa ejindi, tari Yakobho, omumura waabho Raatabhugenyi Yeesu.

Yuuda 1:1

Inyarubha inu, niikaamire anye Yuuda. Anye, niri mukosi wa Yeesu Kirisito, ka wone, niri mumura waabho Yakobho. Enikaamira emwe abhaanu bhanu mubhirikiiywe na Raata Nyamuwanga. Omwene kaabheenda, na kaabhaangarira kisi okukingira anu Yeesu Kirisito ariijira.