Matayo 13:47 - Indagano Inyaaya mu-Chijita

⁴⁷ Yeesu ˆnaabhabhwira rindi echijekekanyo echindi, ˆnaayika ati, “Ka wone, obhukama bhwa mu‑rwire bhuri rwa rikokooro rinu abhakokoosi bheesere mu‑nyanja, nirikoma jiiswi ja bhuri mbaga.

INDAGANO INYA:YA

⁴⁷ Rindi, obukama bwa mu rwire obususana na riyega rinu ryeserwe mu nyanja nirikofya jiswi ja jinyami jo:ne.

Matayo 13:47 ပူးပေါင်းရင်းမြစ်များ

Matayo 13:44

Yeesu ˆnaabhabhwira rindi echijekekanyo echindi, ˆnaayika ati, “Obhukama bhwa mu‑rwire bhuri rwa echiinu cha obhugusi obhurambu, chinu chaariga chibhisirwe mw‑isambu. Rusuku rumwi, omuunu umwi ejire aachisongʼana, wone ˆnaachibhisa. Mbe ˆnaakonderwa muno, ˆnaagenda okugusya ebhiinu bhyone bhinu aariga ari nabhyo, ˆnaagura risambu eryo.

Matayo 13:46

Ejire aabhona iruuru imwi ya obhugusi obhurambu muno, ˆnaagenda okugusya ebhiinu bhyone bhinu aariga ari nabhyo, ˆnaayigura.”

Matayo 13:48

Ryejire ryejura jiiswi, abhakokoosi nibharikururira ku‑njekekera. Niwo, nibheenyanja aasi, nibhatuura jiiswi ja ekisi, mu‑bhitukuru. Nawe jiiswi jimbiibhi, nibhajeesa.

Matayo 4:19

Yeesu ˆnaabhabhwira ati, “Muuje, munduubhe! Enija okubhakora mubhe abhategi bha abhaanu.”

Mariko 1:17

Yeesu ˆnaabhabhwira ati, “Muuje, munduubhe! Enija okubhakora mubhe abhategi bha abhaanu.”

Ruuka 5:10

Mu‑ngama eyindi irya, aariga ari‑mo Yakobho na Yowana, abhaana bha Jebhedaayo. Abhamura abho bhaariga nibhasangira aamwi na Simooni emirimu ja okutega. Bhoone abho nibharuguura inguru ya jinu ꞉jaakorekeene. Yeesu ˆnaabhwira Simooni ati, “Siga okuubhaya! Okwambira woori owuja okubha nuwukumanyisya abhaanu rwa kutyo waariga nuutega jiiswi.”

Yowana 15:2

Bhuri tabhi rinu ritakutwasya amatwasyo keenu riri kw‑anye, Raata kaaritema okusooka kw‑anye. Nawe bhuri tabhi rinu eritwasya amatwasyo, Raata kaarikongorera korereki ritwasye amatwasyo maafu muno.

Yowana 15:6

Omuunu woonewoone unu atari na obhumwi na anye kaasusana na ritabhi rinu eryeswa na okuuma. Mbe, abhaanu abharibhooja na okuryesa mu‑muriro, nirisingaarika.

Ebikorwa 20:30

Noorwo agati yeemwe abheene, bhariibhuka‑mo abhaanu bhanu bharyayika emisango jinu jitari ja echimari, korereki bhakurure abheeyigisibhwa, bhabharuubhirire abheene.

1 Bakorinto 11:19

Okwawukana ni bhusibhusi kubhe‑wo agati yeemwe, korereki bhanu bhari bha echimari bhamenyekane.

2 Bakorinto 11:26

Kwiya kaafu mu‑ngʼendo jaani, naariga niri mu‑ngʼanga ya okugegwa na emisima, mu‑ngʼanga ya okugwatwa na abhasaakusi, mu‑ngʼanga ya okusooka ku‑Bhayawudi bheejaasu na okusooka ku‑bhaanu bhanu bhatari Bhayawudi. Naariga niri mu‑ngʼanga mu‑misi, mu‑ngʼanga mw‑ibhara, na mu‑nyanja. Naariga niri mu‑ngʼanga ya okunyaasibhwa na bhanu abheekora wuti ni bheekirisya abheejaasu.

Bagalatia 2:4

Omusango gwa okutenda ogwo ꞉gwabhusiibhwe na abhaanu bhanu bhaariga nibheekora wuti ni bhayiri bheeswe. Abhaanu abho, ꞉bheeyingisiisye mu‑bhumbise okutatirisya obhwitaage bhweswe bhunu ꞉chaayaaywe na Kirisito Yeesu. Obhukarariiye bhwebhwe bhwariga bhuri kuchikora chibhe abhagaya bha ebhiraagiro bhya Muusa.

Obhusweruro 3:1

Niwo omuunu oyo ˆnaagenderera okwayika, ˆnaambwiraga ati, “Ukaamire maraayika wa mw‑ikanisa rya Sariidi kutya, Anye, naanye nitungire emyoyo etaanu na ebhiri ja Nyamuwanga na niri na jinjota etaanu na ebhiri jirya. Mutegeresye jinu enibhabhwira! Enimenya ebhikorwa bhyemwe. Muri na jikuma ja okubha abhaanga echinyamwoyo, keenu mufuuwe.