Matayo 13:23 - Indagano Inyaaya mu-Chijita

²³ Nawe jimbibho jinu ꞉jaaguuwe mu‑mayaru ga ekisi, jiri rwa omuunu unu koongwa emisango inguru ya obhukama bhwa mu‑rwire na okujisombookerwa. Omuunu oyo, niwe kaabha na amatwasyo mu‑bhurame bhwaye. Jimbibho ejindi ejitwasya amatwasyo egana rimwi, ejindi makumi gataanu na rimwi na ejindi makumi gasatu.”

INDAGANO INYA:YA

²³ Nawe oyo abibirwe ku maaru go bwana niwe unu kongwa omusango no kugusombo:kerwa. Niwe oyo katwasya amatwasyo, oumwi katwasya egana, oundi makumi gata:nu na rimwi, oundi makumi gasatu.

Matayo 13:23 ပူးပေါင်းရင်းမြစ်များ

Matayo 12:33

“Riiti rya ekisi, eritwasya amatwasyo ga ekisi, na riiti ribhiibhi eritwasya amatwasyo amabhiibhi. Owutura okumenya ati, riiti ni rya mbaga ki ku‑matwasyo ganu eritwasya.

Matayo 13:8

Jimbibho ejindi nijigwa mu‑mayaru ga ekisi. Jimbibho ejo jejire jaakura, ejindi nijitwasya amatwasyo egana rimwi, ejindi nijitwasya amatwasyo makumi gataanu na rimwi na ejindi nijitwasya amatwasyo makumi gasatu.

Matayo 3:10

Woori indamu ya Nyamuwanga iri inguru yeemwe rwa imbasa inu iteeywe ku‑masina ga amati. Abhaanu bhanu bhatakukora ebhikorwa bhya ekisi bhariramurwa, rwa kutyo bhuri riiti rinu ritakutwasya amatwasyo ga ekisi eritemwa na okweswa mu‑muriro.

Matayo 3:8

Mbe, mukore ebhikorwa bhinu ebhyeresya ati, chimari mwata ebhibhiibhi bhyemwe ku‑Nyamuwanga.

Mariko 10:15

Ni chimari enibhabhwira ati, woonewoone unu atakwikirisya obhukama bhwa Nyamuwanga rwa omwana omurera, ataringira mu‑bhukama obhwo noorwo na akatyari.”

Mariko 4:20

Jimbibho jinu ꞉jaaguuwe mu‑mayaru ga ekisi ejisusanyibhwa na abhaanu bhanu abhoongwa omusango gwa Nyamuwanga na okuguramira. Abho nibho abhatwasya amatwasyo, owumwi makumi gasatu, owundi makumi gataanu na rimwi na owundi egana rimwi.”

Ruuka 13:9

Araabha rikatwasya amatwasyo, ni kisi! Nawe araabha rikarema okutwasya amatwasyo, uriteme.’”

Ruuka 8:15

“Jimbibho jinu ꞉jaaguuwe mu‑mayaru ga ekisi, ejisusanyibhwa na abhaanu bhanu abhoongwa omusango gwa Nyamuwanga, nibhagugwata mu‑mwoyo gwa echimari, na mu‑bhwigumiirisya bhwebhwe abhatwasya amatwasyo omwanya gwone.

Ruuka 8:8

Jimbibho ejindi nijigwa mu‑mayaru ga ekisi. Nijimera na okutwasya amatwasyo maafu nijiyongesya nijikinga egana okukira jinu aariga abhibhire.” Yeesu ejire aamara okwayika ejo, ˆnaamura obhuraka ˆnaayika ati, “Unu kaategeresya, noongwe!”

Yowana 15:16

Mutari emwe bhanu ꞉mwansorere anye, tari naanye ꞉naabhasorere emwe. ꞉Naabhasorere, korereki mugende mutwasye amatwasyo ganyatawaa‑wo wuri. Mukakora kutyo, joone jinu omuja okusabhwa okutura kw‑isiina ryani, Raata kaja okubhayaana.

Yowana 8:47

Omuunu woonewoone wa Nyamuwanga, oyo kaategeresya emisango jaaye. Emwe mutakutegeresya jinu Nyamuwanga kaayika, kwa okubha mutari bhaanu bhaaye.”

Ebikorwa 16:14

Mu‑bhanu bhaachitegeresyaga, aariga ari‑mo omugasi umwi, asookere mu‑musi gwa Tiyaatira, risiina ryaye aatogwaga Riidiya. Riidiya oyo, aariga ari omugusi wa emyenda ja ekisi ja ijambarawu na aaramyaga Nyamuwanga. Pawuro ejire aabhabhwira Emisango ja Ekisi, Raatabhugenyi ˆneegura mutima gwa Riidiya, ˆnaategeresya kisi omusango gunu Pawuro aariga ˆnaaraasya.

Ebikorwa 17:11

Abhaanu bha Bherooya awo, bhaariga bhari na obhutinge bhwa kisi okukira abha Tesaroonike. Nibhakora Pawuro, abharaasisye omusango gwa Nyamuwanga, nibhaguramira kwa amanaga goone. Bhaaringiraga mu‑Bhikaame Ebhyeru bhuri rusuku, korereki bhamenye ati ejo aayikaga Pawuro ni ja echimari.

2 Bakorinto 9:10

Nyamuwanga niwe kaayaana omuunu jimbibho ja okuyamba na ebhiryo. Nyabhuriko, aribhayaana jimbibho ja okuyamba na okujoongesya. Nikwo okwayika ati, aribhayaana na okubhoongesya omwoyo gwa obhufura.

Bafilipi 1:11

Obhurame bhwemwe bhuriijura emisango ja rirenga jinu ejibhonekana ku‑njira ya Yeesu Kirisito. Ejo joone jirikumya Nyamuwanga na okumukusya.

Bafilipi 4:17

Nitakwayika kutyo kwa okubha enikena okuramira ebhiinu okusooka kw‑imwe, wuri. Tari eneenda nirore amabhando ganu Nyamuwanga aribhoongesya inguru ya obhufura bhwemwe.

Bakolosai 1:10

Niwo muritura okurama rwa kutyo Raatabhugenyi Yeesu keenda na okumukondisya ku‑misango joone. Obhurame bhwemwe bhurimukondisya inguru ya emirimu jeemwe ja ekisi, ka wone murigenderera okukura mu‑kumenya Nyamuwanga.

Bakolosai 1:6

Emisango ja Ekisi jinu ꞉jaakingire kw‑imwe, woori ejiswirana mu‑chaaro choone. Ejigenderera okukora abhaanu bhatwasye amatwasyo na okukura echinyamwoyo, rwa kutyo ꞉jaakorekeene kw‑imwe okusookerera orusuku runu ꞉mwoonguuwe inguru ya obhwitiriranya bhwa Nyamuwanga na okusombookerwa kisi kutyo obhwitiriranya bhwaye bhuri.

1 Batesalonika 4:1

Mbe, abhayiri bheeswe, ꞉chaabheeyigisiisye kutyo ejikenwa murame, korereki mukondisye Nyamuwanga. Chimari omukora kutyo ꞉mweeyigiiye. Woori, echibheerembeeresya ku‑bhuturo bhwa Raatabhugenyi Yeesu ati, mukore kisi muno okukira kutyo mwariga nimukora.

2 Batesalonika 2:10

Arikora injira yooneyoone irya ya okujiga abhaanu bhanu abhabhura, kwa okubha bhatakwenda echimari korereki bhachunguke.

Baeburania 4:2

Eswe chiraasisiibhwe emisango ja ekisi ejo ja orubhaara rwa okwisya omwoyo rwa kutyo bhasaaja weeswe wone ꞉bhaaraasisiibhwe. Nawe emisango ejo ꞉jitaabhasakiiye gwonegwone, kwa okubha ꞉bhaajuunguuwe tari ꞉bhataajiikirisiisye.

Baeburania 6:7

Iisi inu eyinywa amanji ga ingʼubha inu eyigwa kwiya kaafu, na okumesya ebhiimesya bhinu ebhireeta omuriiro ku‑murimi, iisi eyo eyibhona amabhando okusooka ku‑Nyamuwanga.

Baeburania 8:10

Inu niyo indagano inyaaya inu nirikora na Abhayisirayeeri ku‑siku jinu ejiija. Enija okutuura ebhiraagiro bhyani mu‑bhwiganirisya bhwebhwe, niribhikaama mu‑myoyo jeebhwe. Anye niribha Nyamuwanga weebhwe, abheene wone bharibhaga abhaanu bhaani.

2 Petero 3:18

Tari mugenderere okukura mu‑bhwitiriranya bhwa Raatabhugenyi na Omuchungusi weeswe Yeesu Kirisito, na mu‑kumumenya. Omwene akusibhwe, woori na akajaanende koone. Jibhe kutyo.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.