Matayo 13:19 - Indagano Inyaaya mu-Chijita

¹⁹ Omuunu woonewoone unu koongwa emisango inguru ya obhukama bhwa mu‑rwire, nawe atakujisombookerwa, omuunu oyo, ari rwa jimbibho jinu ꞉jaaguuwe ku‑njira. Omubhiibhi urya ˆnaaja na okusaakura jinu Nyamuwanga abhibhire mu‑mwoyo gwaye.

INDAGANO INYA:YA

¹⁹ Omu:nu wo:ne unu kongwa omusango gwo bukama, akarema okusombo:kerwa, omubi:bi oyo na:ja naciso:syamo cinu cabibirwe mu mutima gwae. Oyo niwe unu abibirwe ku njira.

Matayo 13:19 ပူးပေါင်းရင်းမြစ်များ

Matayo 12:26

Nikwo kutyo jiri ati, araabha Syetaani, kaasoosya‑ko Syetaani, obhukama bhwaye obhubha bhusokeene. Obhukama bhwaye obhutura kutiki okugenderera okubha‑wo?

Matayo 13:20

Jimbibho jinu ꞉jaaguuwe ku‑rutare, jiri rwa omuunu unu koongwa emisango inguru ya obhukama bhwa mu‑rwire, awoawo ˆnaajiikirisya kwa rikonderwa.

Matayo 13:38

Risambu ni chaaro, jimbibho ja ekisi ni bhaanu bha obhukama bhwa mu‑rwire, na amagorogoro ni bhaanu bha Omubhiibhi urya Syetaani.

Matayo 4:23

Yeesu aaturaga enu na erya mu‑mukoowa gwone gwa Gariraaya. Eengiraga mu‑nju ja ameekofyanyo ga Abhayawudi na okwiyigisya abhaanu omwo. Aariga wone ˆnaaraasisya abhaanu Emisango ja Ekisi inguru ya obhukama bhwa mu‑rwire na okuwosya abhaanu abha amarwara ga mbaga nyafu.

Matayo 5:37

Mwayikega ati, ni chimari ikabha iri chimari, mwayikega ati, ni wuri jikabha jiri wuri. Emisango joone jinu ejikira ejo, ejisooka ku‑Mubhiibhi urya.

Mariko 4:15

Abhaanu abhandi abhasusana na amayaru ga ku‑njira, anu omusango gwa Nyamuwanga ogubhibhwa. Omwanya gunu abhaguungwa era, Syetaani kaaja, na okusoosya‑mo omusango ogwo mu‑mitima jeebhwe.

Ruuka 10:9

Abharwaye bhanu bhari mu‑musi ogwo, mubhawosye. Mubhwire abhaanu bhoone ati, ‘Obhukama bhwa Nyamuwanga bhwakingire kw‑imwe.’

Ruuka 9:2

Neeya ˆnaabhatuma bhagende okuraasisya abhaanu, emisango inguru ya obhukama bhwa Nyamuwanga, na okuwosya abharwaye.

Yowana 18:38

Piraato ˆnaamubhuusya ati, “Echimari niki?” Piraato ejire aayika ejo, ˆnaawuruka anja rindi, ˆnaabhwira abhatangasya bha Abhayawudi ati, “Anye nitaarora echikayo choonechoone cha okusitaakira omuunu unu.

Yowana 8:43

Kurwa ki mutakusombookerwa jinu enaayika? Mutakutura okujisombookerwa kwa okubha mutakwenda okutegeresya emisango jinu enibhabhwira.

Ebikorwa 17:32

Abhakuru abho, bhejire bhoongwa ati Pawuro kaayika inguru ya okusuuruka kwa abhafuuwe, abhaanu bheebhwe abharebhe nibhamuseka na okumugaya. Nawe abhandi nibhamubhwira ati, “Echija okukutegeresya rindi inguru ya emisango ejo.”

Ebikorwa 18:15

Nawe kwa okubha ni inguru ya emisango, amasiina na ebhiraagiro bhyemwe, mujimare emwe abheene. Naarema okubha omuramusi wa emisango ejo.”

Ebikorwa 20:25

“Omumenya, naariga nintura agati yeemwe okubheeyigisya inguru ya obhukama bhwa Nyamuwanga. Nawe woori, enimenya ati emwe bhoone mutarindora rindi.

Ebikorwa 28:23

Mbe, nibhaayikana na Pawuro orusuku rwa okubhugana rindi. Orusuku orwo rwejire rwakinga, Abhayawudi ꞉bheekumanyiisye bhaafu muno mu‑nju yaaye. Pawuro ˆnaabhamenyesya bhwa kisikisi inguru ya obhukama bhwa Nyamuwanga, okwambira katondo okukingira keegoro. Aariga ˆnaaregeeja okubhakora bheekirisye emisango ja Yeesu, kwa okukorera Ebhikaame Ebhyeru, ebhiraagiro bhya Muusa na ebhitabho bhya abharagi abhandi.

Barumi 1:28

Mbe, abhaanu bharemere okusombookerwa Nyamuwanga, kurwa ejo Nyamuwanga wone abhasindikire bhabhega nibharuubha obhwiganirisya bhwebhwe bhwa okwiyabhya. Woori abhakora emisango jinu jiteeyire okukorwa.

Barumi 14:17

Okubha emisango ja bhusibhusi mu‑bhukama bhwa Nyamuwanga kutari kurya amwi okunywa, nawe ni kukora eja obhurengeresi imbere ya Nyamuwanga, okubha na omurembe na rikonderwa. Ejo joone ejiturikana ku‑bhusakisi bhwa Mwoyo Mweru.

Barumi 2:8

Nawe aribhiyirwa na okuyaana ebhitiibha abhaanu bhanu okuruubhana na orwango rwebhwe, abharema echimari na abhakora obhujabhi.

Baefeso 3:8

Anye, niri mutooto okukira omutooto woonewoone ku‑bheeru bhoone bha Nyamuwanga. Noorwo kutyo, naanye ꞉naayaaywe obhwitiriranya bhwa okuraasisya abhaanu bhanu bhatari Bhayawudi obhuniibhi bhwa Kirisito bhunu bhutari na indengo.

2 Batesalonika 2:12

Awo niwo bhoone bhanu bhatakwikirisya echimari, tari abhakondererwa ebhibhiibhi, bhariramurwa.

Baeburania 2:1

Kurwa ejo, cheenderwe chiyangarire ku‑misango jinu choonguuwe, korereki chaasiga okujisiga.

1 Yoana 3:12

Chisige okubha rwa omuunu urya kaatogwa ati Kayini unu aariga ari muunu wa Omubhiibhi urya, ka wone ꞉eetire Abheeri, omumura waabho. Ni kurwa ki ꞉aamwitire? Isonga ya okumwita niyo inu, ebhikorwa bhya Kayini bhyariga bhiri bhibhiibhi, nawe ebhya omumura waabho bhyariga bhiri bhya rirenga.

1 Yoana 5:18

Echimenya ati omwana woonewoone wa Nyamuwanga, atakugenderera okukora ebhibhiibhi, kwa okubha Omwana wa Nyamuwanga kaamurinda, Omubhiibhi urya atakutura okumukuunʼya‑ko.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.