Matayo 13:11 - Indagano Inyaaya mu-Chijita

¹¹ ˆNaabhasubhya ati, “Emwe, Nyamuwanga abhayaaye obhuturo bhwa okusombookerwa emisango jinu jichaari mbisike inguru ya obhukama bhwaye. Nawe abheene bhatayaaywe obhuturo bhwa okujisombookerwa.

INDAGANO INYA:YA

¹¹ Nabaindura nababwira ati, Emwe mwayabirwe okumenya ebyo bumbise ebyo bukama bwa mu rwire, nawe abe:ne batayabirwe.

Matayo 13:11 ပူးပေါင်းရင်းမြစ်များ

Matayo 13:10

Abheeyigisibhwa bha Yeesu, nibhamuuja‑ko, nibhamubhuusya ati, “Ni kurwa ki owaayika na abhaanu ku‑bhijekekanyo?”

Matayo 16:17

Yeesu ˆnaabhwira Peetero ati, “Awe Simooni omwana wa Yoona, uri na ribhando, kwa okubha atari‑wo omuunu woonewoone unu akuswerurira echimari echo, tari Raata waani wa mu‑rwire.

Matayo 19:11

Yeesu ˆnaabhasubhya ati, “Bhatari abhaanu bhoone bhanu abhatura okwikirisya omusango gunu omwayika, tari bhanu Nyamuwanga ayaanire obhuturo bhwa okusiga okutwara.

Matayo 20:23

Yeesu ˆnaabhabhwira ati, “Chimari omuja okunyaaka rwa kutyo enija okunyaaka, nawe okwinyanja orubhaara rwani rwa ebhuryo amwi rwa ebhumoosi, ogwo gutari murimu gwani okubheekirisisya. Jimbaara ejo ni ja bhanu Raata waani aamarire okwiraabhira.”

Mariko 10:40

Nawe, omuunu okwinyanja aamwi na anye, orubhaara rwani rwa ebhuryo amwi rwa ebhumoosi, ogwo gutari murimu gwani okubheekirisisya. Jimbaara ejo ni ja bhanu Nyamuwanga aamarire okwiraabhira.”

Mariko 4:11

ˆNaabhasubhya ati, “Emwe muyaaywe okusombookerwa emisango jinu jiri mbisike inguru ya obhukama bhwa Nyamuwanga. Nawe abhaanu bhanu bhatakunduubha, enibhabhwira joone ku‑bhijekekanyo,

Ruuka 8:10

Omwene ˆnaabhasubhya ati, “Kara emisango ja obhukama bhwa Nyamuwanga jaariga jiiserekere. Emwe muri na amabhando, kwa okubha Nyamuwanga aabhaswerurira abhwerubhweru emisango ejo, korereki mujisombookerwe. Nawe abhandi, enibhabhwira kwa ebhijekekanyo, korereki jikuumire jinu omuragi Iisaya ꞉aayikire ati, ‘Omwanya gunu abharingira, bhabhe wuti bhatakurora. Noorwo kutyo abhoongwa, bhabhe wuti bhatakusombookerwa.’

Yowana 6:65

Mbe, ˆnaagenderera okubhabhwira ati, “Eyo niyo isonga inu yaakora nimbabhwira ati, atari‑wo omuunu unu kaatura okuuja kw‑anye, araabha atatangasiibhwe na Raata.”

Yowana 7:17

Omuunu woonewoone unu keenda okukora kutyo Nyamuwanga keenda, oyo kaja okusombookerwa ati, ameeyigisyo gaani gasookere ku‑Nyamuwanga. Ka wone kaja okusombookerwa ati, nitakwayika ku‑bhuturo bhwani omwene.

Ebikorwa 16:14

Mu‑bhanu bhaachitegeresyaga, aariga ari‑mo omugasi umwi, asookere mu‑musi gwa Tiyaatira, risiina ryaye aatogwaga Riidiya. Riidiya oyo, aariga ari omugusi wa emyenda ja ekisi ja ijambarawu na aaramyaga Nyamuwanga. Pawuro ejire aabhabhwira Emisango ja Ekisi, Raatabhugenyi ˆneegura mutima gwa Riidiya, ˆnaategeresya kisi omusango gunu Pawuro aariga ˆnaaraasya.

Barumi 11:25

Abhayiri bhaani, eneenda mumenye inguru ya obhutinge bhwa imbisike ya Nyamuwanga bhunu ꞉bhwabhisirwe kara, korereki mwasiga okwirora ati muri bheengeeso muno. Mumenye ati ni Bhayisirayeeri bharebhe abha emyoyo emikomeeye, bhanu bharigenderera okukingira omwanya gunu Nyamuwanga ariikirisya ati obhukumi bhwa abhaanu bhanu bhatari Bhayisirayeeri okuramira obhuchungusi bhwakuumira.

Barumi 16:25

Woori, chikusye Nyamuwanga! Omwene kaatura okukora mubhe nimurumatana mu‑riikirisya ryemwe, okutura ku‑Misango ja Ekisi inguru ya Yeesu Kirisito jinu naariga nindaasya kw‑imwe. Emisango ejo nijo obhutinge bhwa imbisike bhunu bhwariga bhubhisirwe kara,

1 Bakorinto 13:2

Ka wone noorwo nikasoosya obhuragi na okusombookerwa jimbisike joone na okumenya joone kisi, noorwo nikabha na eriikirisya enene rya okutura okufurusya ebhiima, nawe araabha nitari na eryenda, anye nitari chiinu.

1 Bakorinto 15:51

Mutegeresye, enibhabhwira imbisike ati, eswe chitarimaama nyombe bhoone, nawe bhoone chiriyindurwa.

1 Bakorinto 2:14

Nawe omuunu unu atari na Mwoyo wa Nyamuwanga, atakuramira jinu ejisooka ku‑Mwoyo wa Nyamuwanga, isonga iri ati ku‑muunu oyo ejo ni ja chimuumu. Ka wone atakutura okujisombookerwa, kwa okubha ejimenyekana era ku‑bhusakisi bhwa Mwoyo wa Nyamuwanga.

1 Bakorinto 2:7

Obhwengeeso bhunu echiraasya ni mbisike ya Nyamuwanga, inu yaariga ichaari okuswerurwa ku‑bhaanu. Omwanya gunu Nyamuwanga aariga achaari okubhumba echaaro, ꞉aaramuuye okukorera emirimu obhwengeeso obhwo, inguru ya rikusyo ryeswe.

1 Bakorinto 4:1

Abhaanu bhachibhare ati eswe chiri bhakosi bha Kirisito, chiyaaywe emirimu ja okuraasya obhutinge bhwa imbisike ya Nyamuwanga bhunu bhwariga bhubhisirwe.

1 Bakorinto 4:7

Woori, niga unu aakukora ubhe omukuru muno okukira owundi? Ni chiinu ki chinu uri nacho chinu utayaaywe na Nyamuwanga? Araabha uyaaywe, kurwa ki owikuuya wuti utayaaywe?

Baefeso 1:18

Enimusabhwa wone, eegure ameeso ga emitima jeemwe, korereki mumenye obhwiyikanyo bhwa obhubhirikisi bhwaye kw‑imwe kutyo bhuri. Nyabhuriko mumenye rikusyo ryafu rya omwandu gwaye ku‑bheeru kutyo riri.

Baefeso 1:9

꞉Aakorere kutyo, omwanya gunu ꞉aachisweruriiye imbisike ya okwenda kwaye, okuruubhana na obhukarariiye bhwaye okusookerera kara mu‑Kirisito.

Baefeso 5:32

Imbisike eyo ikomeeye turuturu, nawe anye enisimura inguru ya Kirisito na rikanisa.

Baefeso 6:19

Munsabhirwe anye wone, korereki Nyamuwanga anaane emisango ja okwayika, niraasye kwa ribhaasi obhutinge bhwa imbisike yaaye bhunu bhusweruriiywe mu‑Misango ja Ekisi.

Bakolosai 2:2

Enikora kutyo, korereki emyoyo jeemwe bhoone, jisimbiisibhwe na okugwatanyibhwa aamwi mu‑ryenda. Eneenda murumatane chimwi mu‑kusombookerwa, na okumenya obhutinge bhwa imbisike ya Nyamuwanga bhunu ku‑bhwambiro bhwariga bhubhisirwe. Imbisike eyo nikwo okumenya Kirisito omwene.

1 Timoteo 3:16

Echimari chinu Nyamuwanga asweruuye ni cha okuruguusya na nicho chinu, Kirisito ꞉eesweruuye mu‑mubhiri, ˆnaayikwa na Mwoyo Mweru ati ni murengeresi, ˆnaabhonekana ku‑bhamaraayika, ˆnaaraasibhwa mu‑maanga goone, ˆneekirisibhwa na abhaanu bha mu‑chaaro, ˆnaagegwa okuja inguru mw‑ikusyo.

1 Timoteo 3:9

Tari, bhabhe abhaanu bhanu abhagwatana mu‑mutima gwa ekisi na echimari cha eriikirisya chinu Nyamuwanga asweruuye.

Yakobo 1:5

Nawe araabha ari‑wo omuunu mw‑imwe unu akeeyeeywe obhwengeeso, kaakenwa asabhwe Nyamuwanga, omwene arimuyaana. Okubha Nyamuwanga kaayaana abhaanu bhoone, ku‑bhwafu, noorwo atakugonya wuri.

1 Yoana 2:20

Nawe emwe, Yeesu Omweru abhayaanire Mwoyo waaye, kurwa ejo, woori bhoone omumenya echimari.

1 Yoana 2:27

Nawe emwe, Kirisito abhayaaye Mwoyo Mweru unu ari mu‑myoyo jeemwe. Mutakukena omuunu owundi wa okubheeyigisya emisango ja echimari. Okubha Mwoyo Mweru kaabheeyigisya bhuri chiinu chinu omukena okumenya. Ameeyigisyo gaaye ni ga echimari, gatari ga orubheeyi. Kurwa ejo, mugenderere okubha na obhumwi na Kirisito.