Matayo 12:50 - Indagano Inyaaya mu-Chijita

⁵⁰ Okubha omuunu woonewoone unu kaakora okwenda kwa Raata waani unu ari mu‑rwire, oyo niwe omumura waasu, omuyara waasu na maayi.”

INDAGANO INYA:YA

⁵⁰ Kwo kuba unu wo:ne kakora ebyo Rata wa mu rwire kenda, oyo niwe omumura wa:su no muyara wa:su na mai.

Matayo 12:50 ပူးပေါင်းရင်းမြစ်များ

Matayo 12:49

Niwo ˆnaasomeeresya abheeyigisibhwa bhaaye, ˆnaayika ati, “Ringira, bhanu nibho bhamaayi na abhamura bhaasu!

Matayo 13:1

Orusuku orwoorwo, Yeesu ˆnaawuruka mu‑nju omwo, ˆnaagenda okwinyanja ku‑njekekera ya inyanja.

Matayo 17:5

Omwanya gunu Peetero aariga achaaroma, awoawo eriire rinu ryariga niringʼarabhya niriija na okubhafundikira. Nibheeya nibhoongwa obhuraka okusooka mu‑riire eryo nibhwayika ati, “Unu niwe Omwana waani omwendwa, niwe kaankondisya. Mumutegeresyega!”

Matayo 25:40

Niwo anye Omukama, niribhasubhya ati, ‘Ni chimari enibhabhwira ati, choonechoone chinu ꞉mwakoreeye woonewoone mu‑bharuubhirisya bhaani unu kaabhonekana wuti atari wa obhusibhusi, mbe ꞉mwakoreeye anye.’

Matayo 25:45

Niwo anye niribhasubhya ati, ‘Ni chimari enibhabhwira ati, choonechoone chinu ꞉mutaakoreeye woonewoone mu‑bharuubhirisya bhaani unu kaabhonekana wuti atari wa bhusibhusi, mbe ꞉mwaremere okukorera anye.’

Matayo 28:10

Niwo Yeesu ˆnaabhabhwira ati, “Musige okuubhaya! Mugenda mubhwire abhayiri bhaani bhagende Gariraaya, eyo niyo abhaja okundora.”

Mariko 3:35

Omuunu woonewoone unu kaakora okwenda kwa Nyamuwanga, oyo niwe omumura waasu, maayi na omuyara waasu.”

Ruuka 8:21

Yeesu ˆnaabhasubhya ati, “Maayi na abhamura bhaasu ni bhanu abhoongwa omusango gwa Nyamuwanga na okugugayuka.”

Yowana 15:14

Araabha mukakora jinu nibharagiriiye, emwe muri bhasaani bhaani.

Yowana 20:17

Yeesu ˆnaamubhwira ati, “Nuusige okungwata‑ko. Nichaari okugenda mu‑rwire ku‑Raata. Mbe, genda ubhwire abhayiri bhaani, ati enigenda mu‑rwire ku‑Raata waani, unu ari Esomwana wone, ku‑Nyamuwanga waani unu ari Nyamuwanga weemwe wone.”

Yowana 6:29

Yeesu ˆnaabhasubhya ati, “Omusango gunu Nyamuwanga keenda mukore, ni kunyikirisya anye, unu omwene ꞉aatumire.”

Yowana 6:40

Omusango gunu Raata waani keenda ni ati, bhuri muunu unu kaasombookerwa ati, anye niri Mwana waaye na okunyikirisya, abhe na obhuwanga bhwa akajaanende koone. Oyo niwe anye nirisuurura ku‑rusuku rwa obhuteero.”

Ebikorwa 17:30

Kara awo, abhaanu bhaariga nibhakora ejo mu‑bhumuumu, Nyamuwanga aariga atakuringira obhumuumu obhwo. Nawe woori, kaabhwira abhaanu bhoone bha bhuri rubhaara ati bhasige ebhibhiibhi bhyebhwe.

Ebikorwa 26:20

꞉Naaraasisiisye okwamba abhaanu bha Damaasiko eyo na Yerusareemu na echaaro choone cha Yuudeya, ka wone ꞉naakingiiye abhaanu bhanu bhatari Bhayawudi. Naabhakomeeresyaga ati, bhate ebhibhiibhi bhyebhwe, bhayindukire Nyamuwanga. Ka wone okuta kwebhwe kweresibhwe na ebhikorwa bhyebhwe.

Barumi 8:29

Chimenyere ejo, kwa okubha, bhanu Nyamuwanga ꞉aamenyere okusookerera ku‑bhwambiro, ꞉aaramuuye noorwo echaaro chichaari okubhumbwa ati bhabhe rwa Omwana waaye Yeesu Kirisito kutyo ari. ꞉Aaramuuye kutyo, korereki Omwana waaye abhe omutangati agati ya abhayiri bhaafu.

1 Bakorinto 9:5

Woori, omwitogera ati eswe chitari na obhwitaage bhwa okugenda na abhagasi abheekirisya, mu‑rugendo rwa okuraasya emisango inguru ya Kirisito, rwa kutyo jitumwa ejindi, na abhamura bhaabho Raatabhugenyi Yeesu abhagenda nabho, noorwo Keefa?

2 Bakorinto 11:2

Anye enibhafuyira, rifuwa rinu erisooka ku‑Nyamuwanga, kwa okubha muri rwa omuyarajuma, unu ꞉naasandiiye obhuko omurume umwi, omurume oyo niwe Kirisito.

Bagalatia 5:6

Mbe araabha chiri na obhumwi na Kirisito Yeesu, okutendwa amwi okurema okutendwa kutari na obhugajuro bhwonebhwone. Echiinu cha bhusibhusi ni riikirisya ryeswe rinu erikora emirimu mu‑ryenda.

Bagalatia 6:15

Okutendwa amwi okurema okutendwa, kutari na obhugajuro bhwonebhwone bhurya. Omusango gwa bhusibhusi ni kubhumbwa bhuyaaya na Nyamuwanga.

Bakolosai 3:11

Kurwa ejo, bhutari‑wo obhutaasyanya rindi agati ya Omuyawudi na unu atari Muyawudi, unu atenderwe na unu atatenderwe, unu kaasooka mu‑chaaro cha kura amwi omusikisi, omugaya na omwitaage. Tari Kirisito niwe wa bhusibhusi na omwene ari mw‑imwe bhoone.

1 Timoteo 5:2

abhakwekuru ubhatongere rwa bhaanyokomwana na abhayarakaji ubhatongere rwa abhayara bhaanyu. Ukore kutyo kwa omutima omweru.

Baeburania 5:9

Mbe, okuruubhana na emisango ejo, Nyamuwanga ꞉aamukorere abhe Omugabhisi Omukuru unu akuumiiye, ˆnaabha obhusimukwa bhwa obhuchungusi bhwa kajaanende ku‑bhaanu bhoone bhanu abhagayuka Yeesu.

1 Petero 4:2

Ku‑njira eyo, jisiku jaaye joone jinu jisigaaye omwene okwikara ku‑chaaro kunu, ariikara rwa kutyo Nyamuwanga keenda, kutari okuruubha obhurigire bhwa echinyamuunu.

1 Yoana 2:17

Echaaro aamwi na okurigira kwacho okubhiibhi, bhiri na obhuteero. Nawe woonewoone unu kaakora jinu ejikondera Nyamuwanga, kaabha na obhuwanga bhwa akajaanende.

Obhusweruro 22:14

Bharibhona amabhando, abhaanu bhanu abhafura emingiro jeebhwe mu‑sagama ya Omwana wa Inaama, korereki bheekirisibhwe okwingira mu‑musi omuyaaya ogwo okutura ku‑marango gaagwo na okurya amatwasyo ga riiti rinu erisoosya obhuwanga bhwa akajaanende koone.