Matayo 12:46 - Indagano Inyaaya mu-Chijita

⁴⁶ Omwanya gunu Yeesu aariga achaayika na echise cha abhaanu abho, abhamura bhaabho Yeesu nibhaaja aamwi na nyiramwene, nibheemereeguru anja, nibhakenaga okusimura nage.

INDAGANO INYA:YA

⁴⁶ Anu ariga aca:ika ne bise, mbe, nyiramwene na ba:na ba:bo, bariga be:mereguyu anja, nibenda okwaikana nage.

Matayo 12:46 ပူးပေါင်းရင်းမြစ်များ

Matayo 1:18

Woori, emisango ja okwibhurwa kwa Yeesu Kirisito, ꞉jaakorekeene ku‑njira inu. Maryamu nyiramwene Yeesu, aariga ari‑kwo obhuko na omuunu umwi ˆnaatogwaga Jejefu. Nawe bhachaari okutwarana, Maryamu ˆneefurwa ari na inda ku‑bhuturo bhwa Mwoyo Mweru.

Matayo 12:47

Mbe, omuunu umwi ˆnaamubhwira ati, “Ringira nyokomwana na abhamura bhaanyu bheemereeguuyu anja, abhakena okusimura na awe.”

Matayo 13:55

Unu atari mwana wa omubhuya urya? Nyiramwene atari unu kaatogwa Maryamu? Abhatooto bhaaye bhatari Yakobho, Jejefu, Simooni na Yuuda?

Matayo 2:11

Mbe, nibheengira mu‑nju, nibharora omwana aamwi na Maryamu nyiramwene, nibheefukama nibharamya omwana oyo. Nibhasuruumura jisagwa jeebhwe, nibhasoosya‑mo ebhiyaanwa bhya inaaryo, obhubhaani na amafuta amarange, nibhayaana omwana oyo.

Matayo 2:20

ˆnaamubhwira ati, “Iimuka! Ugege omwana na nyiramwene, musubhe mu‑chaaro cha Yisirayeeri, kwa okubha abhaanu bhanu bhaariga nibheenda okwita omwana oyo, bhaafuuwe.”

Mariko 2:21

“Ka wone, atari‑wo omuunu unu kaabhariirira echirepa echiyaaya ku‑mwenda omukokoro. Araabha aakakora kutyo, echirepa echiyaaya echo chiryongesya okutemura omwenda ogwo, na riwundu ryagwo riribha egari muno.

Mariko 6:3

Unu atari mubhuya wurya, omwana wa Maryamu? Abhamura bhaabho bhatari Yakobho, Yoose, Yuuda na Simooni? Angu, abhayara bhaabho bhatari bhanu chiikaaye nabho anu?” Nibhamubhiyirirwa, nibharema okumwikirisya.

Ruuka 1:43

Naanye ga, okukingira nyiramwene Raatabhugenyi waani, aaje okunkeesya?

Ruuka 2:33

Emisango jinu Simiyooni ꞉aayikire inguru ya omwana oyo, nijiruguusya esemwene na nyiramwene.

Ruuka 2:34

Simiyooni ˆnaabhasabhirwa amabhando, ˆnaabhwira Maryamu nyiramwene omwana oyo ati, “Ringira! Omwana unu asorerwe na Nyamuwanga ati, asingaarisye Abhayisirayeeri bhaafu, na arichungura Abhayisirayeeri abhandi bhaafu. Aribha echibharikisyo chinu chiriremwa na abhaanu.

Ruuka 2:48

Abheebhusi bhaaye bhejire bhaamurora, nibharuguura muno. Nyiramwene ˆnaamubhuusya ati, “Omwana waani, ni kurwa ki waachikorera kutya? Rora anye na esomwana, chaari nichikuyenja chiyayire muno!”

Ruuka 2:51

Mbe, ˆnaasubha nabho Najareeti na aariga ˆnaabhagayuka. Joone jinu ꞉jaakorekeene, nyiramwene ˆnaajituura mu‑mutima gwaye ˆnaajiiganirisyaga.

Ruuka 8:10

Omwene ˆnaabhasubhya ati, “Kara emisango ja obhukama bhwa Nyamuwanga jaariga jiiserekere. Emwe muri na amabhando, kwa okubha Nyamuwanga aabhaswerurira abhwerubhweru emisango ejo, korereki mujisombookerwe. Nawe abhandi, enibhabhwira kwa ebhijekekanyo, korereki jikuumire jinu omuragi Iisaya ꞉aayikire ati, ‘Omwanya gunu abharingira, bhabhe wuti bhatakurora. Noorwo kutyo abhoongwa, bhabhe wuti bhatakusombookerwa.’

Yowana 19:25

Mbe, bhaariga bhari‑wo abhagasi bhana bhanu bhaariga bheemereeguuyu ayeeyi na omusarabha gwa Yeesu. Abhagasi abho bhaariga bhari nyiramwene Yeesu, omuyara oweejaabho, Maryamu omugasi wa Kuroopa, na Maryamu okusooka mu‑musi gwa Magidara.

Yowana 2:1

Mbe, jejire jaatura siku ebhiri, nibhukorekana obhuregesi mu‑musi gwa Kaana, mu‑mukoowa gwa Gariraaya. Mu‑bhuregesi obhwo, nyiramwene Yeesu wone aariga ari‑wo.

Yowana 2:12

Obhuregesi bhwejire bhwawa, Yeesu ˆnooromoka okugenda mu‑musi gwa Kaperinaawumu ari aamwi na nyiramwene, abhatooto bhaaye, na abheeyigisibhwa bhaaye. Nibheekara eyo siku nooto.

Yowana 2:5

Niwo nyiramwene ˆnaabhwira abhakosi ati, “Omusango gwonegwone gunu araabhabhwire, mugukore.”

Yowana 7:10

Abhatooto bhaaye bhejire bheemuka okugenda Yerusareemu mu‑chikukuru eyo, Yeesu wone ˆnaagenda eyo, nawe bhumbise, okwiswerura abhwerubhweru wuri.

Yowana 7:3

Niwo abhatooto bhaaye nibhamubhwira ati, “Sooka anu, ugende Yuudeya, korereki abheeyigisibhwa bhaawo bharore ebhiruguusyo bhinu owukora.

Yowana 7:5

Abhatooto bhaaye ꞉bhaayikire kutyo, kwa okubha noorwo abheene ꞉bhataamwikirisiisye.

Ebikorwa 1:14

Abho bhoone bhaariga nibheekomeesya okwikofyanya aamwi okusabhwa Nyamuwanga. Aamwi na abho, bhaariga bhari‑wo abhagasi abhandi na Maryamu nyiramwene Yeesu na abhamura bhaabho Yeesu.

1 Bakorinto 9:5

Woori, omwitogera ati eswe chitari na obhwitaage bhwa okugenda na abhagasi abheekirisya, mu‑rugendo rwa okuraasya emisango inguru ya Kirisito, rwa kutyo jitumwa ejindi, na abhamura bhaabho Raatabhugenyi Yeesu abhagenda nabho, noorwo Keefa?

Bagalatia 1:19

Nawe ꞉nitaarorere jitumwa ejindi, tari Yakobho, omumura waabho Raatabhugenyi Yeesu.