Matayo 12:32 - Indagano Inyaaya mu-Chijita

³² Ka wone, Nyamuwanga arifwira echigongo abhaanu bhanu abhanyayika kubhiibhi, anye Omwana wa Omuunu. Nawe atarifwira echigongo abhaanu bhanu abhaayika kubhiibhi Mwoyo Mweru, ku‑mwanya gunu, amwi gunu oguuja.

INDAGANO INYA:YA

³² Unu wo:ne ka:ika omusango gwo kufuma Omwana wo Munu ari:swaririrwa, nawe unu wo:ne ka:ika omusango gwo kufuma Omwoyo Mweru, atari:swaririrwa nakabee ari mu magoro ganu, nakabee ari mu magoro ganu gari:ja.

Matayo 12:32 ပူးပေါင်းရင်းမြစ်များ

Matayo 11:19

Mbe woori, anye Omwana wa Omuunu niijire, enirya ebhiryo na eninywa echifuufu, ka abhaanu abhaayika ati, ‘Ringira! Unu ni munanamba na omukorwa, ka wone ni musaani wa abhatobhesya bha rigooti na abha ebhibhiibhi abhandi!’ Nawe noorwo kutyo, obhwengeeso bhwa Nyamuwanga obhubhuurisibhwa ati, ni bhwa echimari ku‑njira ya ebhikorwa bhya abhaana bhaaye.”

Matayo 12:31

Kurwa ejo, enibhabhwira ati, Nyamuwanga arifwira echigongo abhaanu ebhibhiibhi bhyebhwe bhyone, noorwo araabha bhaariga nibhamwifumirisya. Nawe atarifwira echigongo abhaanu bhanu abheefumirisya Mwoyo Mweru.

Matayo 12:8

Kurwa ejo, anye Omwana wa Omuunu, naanye Raatabhugenyi wa orusuku rwa Isabhaato.”

Matayo 13:22

Jimbibho jinu ꞉jaaguuwe mu‑mawa, jiri rwa omuunu unu koongwa emisango inguru ya obhukama bhwa mu‑rwire, nawe kaajigwa na obhwiganirisya bhwa obhurame bhwa ku‑chaaro na obhurigire bhwa obhuniibhi. Kurwa ejo, emisango ejo ejiyiganywa, nijirema okutwasya amatwasyo mu‑bhurame bhwaye.

Matayo 13:39

Omusoko unu ꞉eejire okubhibha amagorogoro ni Syetaani omwene. Omwanya gwa okugesa ni bhuteero bhwa echaaro chinu, na abhagesi ni bhamaraayika bha Nyamuwanga.

Matayo 13:40

“Mbe, rwa kutyo amagorogoro ageeywa na okwochiibhwa mu‑muriro, nikwo kutyo jiribha orusuku rwa obhuteero bhwa echaaro chinu.

Matayo 13:55

Unu atari mwana wa omubhuya urya? Nyiramwene atari unu kaatogwa Maryamu? Abhatooto bhaaye bhatari Yakobho, Jejefu, Simooni na Yuuda?

Matayo 8:20

Yeesu ˆnaamusubhya ati, “Ganyamubhwe gari na jisenga, na jinyonyi jiri na amooswi, nawe anye Omwana wa Omuunu, nitari na omusi anu enitura okumaama!”

Mariko 10:30

Nyamuwanga kaja okumuyaana bhyafu muno okukira bhya okwamba. Noorwo ku‑chaaro chinu ariramira jinju, abhamura bhaabho, abhayara bhaabho, bhanyiramwene, abhaana bhaaye na amabhwi. Aamwi na ebhyo bhyone, aribhona ebhinyaasyo. Ku‑chaaro chinu echiija, ariramira obhuwanga bhwa akajaanende koone.

Mariko 3:28

“Ni chimari enibhabhwira ati, Nyamuwanga arifwira echigongo abhaanu ebhibhiibhi bhyebhwe bhyone na okufumirisya kwebhwe kwone.

Mariko 3:29

Nawe, atarifwira echigongo abhaanu bhanu abheefumirisya Mwoyo Mweru. Oyo aribha na risoro rya echibhiibhi akajaanende koone.”

Ruuka 12:10

Bhuri muunu unu kaayika emisango emibhiibhi ja okunyingirira anye Omwana wa Omuunu, Nyamuwanga arimufwira echigongo. Nawe, omuunu unu keefumirisya Mwoyo Mweru, oyo Nyamuwanga atarimufwira echigongo.

Ruuka 16:8

“Mbe, omwami oyo, ejire aamenya emisango ejo, ˆnaakuuya omwangarisi oyo, ku‑bhwenge bhwaye bhunu ꞉aakorere. “Naabhabhwira echijekekanyo echo, kwa okubha, abhaanu bhanu abhanyaakirira emisango ja ku‑chaaro chinu, bhari na obhwengeeso muno bhwa okusakirana abheene kwa abheene, okukira abhaanu bhanu abhagayuka emisango ja Nyamuwanga.

Ruuka 18:30

oyo aribhona ebhiinu bhyafu muno achaari ku‑chaaro anu, okukira ebhiinu bhinu ari nabhyo woori. Ka wone omwanya gunu oguuja, aribhona obhuwanga bhwa akajaanende koone.”

Ruuka 23:34

Yeesu ˆnaayika ati, “Raata! Bhafwire echigongo, kwa okubha bhatakumenya gunu abhakora.” Abhasirikare abho bhejire bhaamara, nibhagabhana emyenda jaaye kwa okwitongya.

Ruuka 7:34

Mbe woori, anye Omwana wa Omuunu niijire, enirya ebhiryo na eninywa echifuufu, ka abhaanu abhaayika ati, ‘Ringira! Unu ni munanamba na omukorwa, ka wone ni musaani wa abhatobhesya bha rigooti na abha ebhibhiibhi abhandi!’

Yowana 7:12

Abhaanu bhaafu bhaayaajanaga inguru ya Yeesu. Abhandi nibhaayika ati, “Yeesu ni muunu wa kisi,” nawe abhandi nibhaayikaga ati, “Wuri, kaajiga abhaanu.”

Yowana 7:39

Yeesu aariga ˆnaayika emisango ejo inguru ya Mwoyo Mweru, unu abhaanu bhanu abheekirisya Yeesu bhaakayaaywe. Omwanya ogwo, Nyamuwanga aariga achaari okutuma Mwoyo waaye ku‑bhaanu abho, kwa okubha Yeesu aariga achaari okwingʼengibhwa inguru mw‑ikusyo.

Yowana 7:52

Abheene nibhasubhya Nikodeemu ati, “Si, noorwo awe wone usookere Gariraaya? Genda utatirisye kisi mu‑Bhikaame Ebhyeru, owuja okusombookerwa ati, atari‑wo omuragi unu kaasookerera mu‑mukoowa gwa Gariraaya.”

Ebikorwa 3:19

Kurwa ejo, mute chimwi ebhibhiibhi bhyemwe na muyindukire Nyamuwanga, korereki abhafwire echigongo. Nikwo kutyo Nyamuwanga aribhasimbiisya emwe, ku‑njira ya okubha ayeeyi na emwe,

Baefeso 1:21

꞉Aamwinamusiisye inguru muno okukira obhutungi bhwone, obhuturo bhwone, amanaga goone, obhukuru bhwone na risiina ryoneryone rinu eritogorwa, itari mu‑chaaro chinu era, tari wone mu‑chaaro chinu chiriija.

1 Timoteo 1:13

noorwo kutyo ku‑bhwambiro naamufumaga na okunyaasya abhaanu bhaaye, naariga niri murakoko. Nawe, omwene ꞉aanfwiriiye echigongo, kwa okubha naariga ninkora ejo mu‑bhumuumu na naariga nitari na eriikirisya.

1 Timoteo 1:15

Omusango gunu ni gwa echimari na gwiyire okwikirisibhwa ati, “Kirisito Yeesu ꞉eejire mu‑chaaro, korereki achungure abha ebhibhiibhi.” Anye niri owa ebhibhiibhi okukira abho bhoone.

1 Timoteo 4:8

Jimenyekeene ati, “Okunasya omubhiri okubhona amanaga, kuri‑mo omuriiro mutooto era. Tari, okwikomeesya okwikara rwa kutyo Nyamuwanga keenda, kuri‑mo omuriiro gwa bhuri mbaga, kwa okubha rinu erichiyaana omurago gwa okubhona obhuwanga bhwa woori na bhunu bhuriija.”

1 Timoteo 6:17

Ukomeeresyega abhaniibhi bha ebhiinu bhya mu‑chaaro munu ati bhasige okwikuuya, noorwo okwiyikanya obhuniibhi bhwebhwe. Obhuniibhi obhwo ni bhwa kasinjeeke era. Tari bheeyikanye Nyamuwanga unu mu‑bhufura bhwaye kaachiyaana ebhiinu bhyone bhinu echikena, korereki chibhikondererwe.

2 Timoteo 4:10

Okubha Deema ꞉eegombere bhya ku‑chaaro kunu, ˆnaansiga ˆnaabhirimira mu‑musi gwa Tesaroonike. Kireseke ꞉aagendere okukorera Nyamuwanga mu‑mukoowa gwa Garaatiya. Nyabhuriko Tiito ꞉aagendere okumukorera mu‑mukoowa gwa Daramaatiya.

Tiito 2:12

Obhwitiriranya obhwo, obhuchiiyigisya okurema ebhibhiibhi na obhurigire bhwa echaaro, korereki chirame obhurame bhwa okwiyingirira, bhwa obhurengeresi na obhwa okuramya Nyamuwanga ku‑chaaro cha woori chinu.

Yakobo 1:27

Okuramya kunu okukondera Raata Nyamuwanga weeswe, kunu kutari‑ko esoro ni okusakira abhaana bhanu bhafwiriiywe abheebhusi bheebhwe na abhatumbagasi mu‑nyaako jeebhwe na okwiyangarira omwene, korereki asige okunyamurwa na ebhibhiibhi bhya echaaro chinu.