Matayo 12:29 - Indagano Inyaaya mu-Chijita

²⁹ Atari‑wo omusaakusi unu kaatura okwingira mu‑nju ya omuunu owa amanaga, korereki amusaakure ebhiinu bhyaye, atatangatire okubhoya omuunu owa amanaga oyo, okwamba. Akamara okumubhoya kisi, niwo kaatura okusaakura ebhiinu bhinu bhiri mu‑nju yaaye omwo.

INDAGANO INYA:YA

²⁹ ?Amwi omu:nu katura kutiki okwingira mu nyumba yo mu:nu wa managa nasa:kura ebi:nu byae, tari atangatire kumuboya owa managa? Niwo nasa:kura inyumba yae.

Matayo 12:29 ပူးပေါင်းရင်းမြစ်များ

Matayo 12:28

Nawe, araabha anye enisoosya‑ko amasambwa ku‑bhuturo bhwa Mwoyo wa Nyamuwanga, mbe, mumenye ati, obhukama bhwa Nyamuwanga bhwabhakingiiye.

Matayo 12:30

“Omuunu woonewoone unu atari aamwi na anye, oyo ni musoko waani. Ka wone, woonewoone unu atakukumanya aamwi na anye, oyo ni munyarambusi wa abhaana bha Nyamuwanga.

Mariko 3:27

Nawe, echimari nicho chinu, ati omuunu atakutura okwingira mu‑nju ya omuunu owa amanaga, na okumuteesya ebhiinu bhyaye, atatangatire okumubhoya. Chimari araabha aakamubhoya, awo niwo kaatura okumuteesya ebhiinu bhyaye.

1 Yoana 3:8

Nawe, omuunu woonewoone unu kaagenderera okukora ebhibhiibhi, ni muunu wa Syetaani. Okubha Syetaani agendereeye okukora ebhibhiibhi okusookerera ku‑bhwambiro. Niyo isonga Omwana wa Nyamuwanga ꞉eejire ku‑chaaro anu, korereki anyamure bhuri murimu gwa Syetaani.

1 Yoana 4:4

Mbe, emwe abhaana bhaani mu‑riikirisya, mwabheeye abhaana bha Nyamuwanga, ka wone muyigire abharagi abhabheeyi abho. Mubhayigire kwa okubha, Mwoyo wa Nyamuwanga unu ari mu‑myoyo jeemwe, ari na obhuturo okukira mwoyo wa Syetaani unu kaatangasya abhaanu bhanu bhatakugayuka Nyamuwanga.