Matayo 12:28 - Indagano Inyaaya mu-Chijita

²⁸ Nawe, araabha anye enisoosya‑ko amasambwa ku‑bhuturo bhwa Mwoyo wa Nyamuwanga, mbe, mumenye ati, obhukama bhwa Nyamuwanga bhwabhakingiiye.

INDAGANO INYA:YA

²⁸ Nawe anye nikaba niirisya emisambwa kurwo Mwoyo wa Nyamuanga, mbe obukama bwa Nyamuanga bwabe:jiye.

Matayo 12:28 ပူးပေါင်းရင်းမြစ်များ

Matayo 12:18

“Ringira, unu niwe omukosi waani unu nisorere. Unu niwe omwendwa waani unu kaankondisya omwoyo gwani. Nirimuyaana Mwoyo gwani, korereki araasye obhuchungusi ku‑bhaanu bha amaanga goone.

Matayo 12:29

Atari‑wo omusaakusi unu kaatura okwingira mu‑nju ya omuunu owa amanaga, korereki amusaakure ebhiinu bhyaye, atatangatire okubhoya omuunu owa amanaga oyo, okwamba. Akamara okumubhoya kisi, niwo kaatura okusaakura ebhiinu bhinu bhiri mu‑nju yaaye omwo.

Matayo 21:31

“Woori angu, mu‑bhabhiri abho, niga unu ꞉aakorere rwa kutyo esemwene ꞉eendere?” Abhakuru bha abhagabhisi na abhakuru bha Abhayawudi bharya, nibhamusubhya ati, “Ni urya wa okwamba.” Niwo Yeesu ˆnaayika ati, “Ni chimari enibhabhwira ati, abhatobhesya bha rigooti na abhagasi bhanu abheegusya okwibhonera ribhona, bharibhatangatira okwingira mu‑bhukama bhwa Nyamuwanga.

Matayo 21:43

Yeesu ˆnoongesya ati, “Enibhabhwira ati, ku‑songa eyo Nyamuwanga arisoosya‑wo obhukama bhwaye kw‑imwe na okuyaana abhaanu bha amaanga agandi bhanu bharitwasya amatwasyo inguru yaaye.

Matayo 4:24

Emisango inguru ya Yeesu nijiswirana muno, nijikinga mu‑chaaro choone cha Siiriya. Abhaanu nibhamureetera abharwaye bheebhwe bhoone bha amarwara ga bhuri imbaga. Mu‑bhaanu abho, bhaariga bhari‑mo bhanu bhaariga nibhanyaasibhwa muno, bhanu bhaariga bhawungirwe amasambwa, bhanu bhaariga nibhagwa echitwe na bhanu bhaariga bhafuuwe emibhiri. Yeesu ˆnaabhawosya bhoone.

Matayo 6:33

Woori emwe, muyenje okwamba obhukama bhwa Nyamuwanga na obhurengeresi bhwaye, na ebhindi ebhyo bhyone Nyamuwanga kaja okubhoongesisya.

Mariko 1:15

Aaraasyaga, ˆnaayikaga ati, “Omwanya gunu ꞉gwaragirwe, gwakinga, obhukama bhwa Nyamuwanga bhuri yeeyi. Mbe, mute ebhibhiibhi bhyemwe ku‑Nyamuwanga na okwikirisya Emisango ja Ekisi ejo.”

Mariko 11:10

Ayaanwe amabhando Omukama wa obhukama bhwa saaja Dawudi bhunu obhuuja! Wosaana Nyamuwanga unu ari mu‑rwire!”

Mariko 16:17

Abhaanu bhanu bheekirisiisye, abhaja okukora ebhibharikisyo bhinu, bharibhaga nibhasoosya amasambwa ku‑bhaanu kw‑isiina ryani na okwayika mu‑nyaayika inyaaya.

Ruuka 10:11

‘Noorwo oruteeri rwa omusi geemwe runu ruri ku‑maguru geeswe, echirukuukumura, chibhe echibharikisyo kw‑imwe cha obhujabhi bhwemwe. Noorwo kutyo, mumenye kisi ati, obhukama bhwa Nyamuwanga bhuri yeeyi!’

Ruuka 11:20

Nawe, araabha anye enisoosya‑ko amasambwa ku‑bhuturo bhwa Nyamuwanga, mbe, mumenye ati, obhukama bhwa Nyamuwanga bhwabhakingiiye.

Ruuka 16:16

“Ebhiraagiro bhya Muusa na ebhikaame bhya abharagi, bhyariga nibhigayukwa na abhaanu okukingira omwanya gwa Yowana Omubhatiija. Okusookerera omwanya ogwo, Emisango ja Ekisi inguru ya obhukama bhwa Nyamuwanga, jaariga nijiraasibhwa, na abhaanu bhoone abhakomeeresibhwaga okujigayuka.

Ruuka 9:2

Neeya ˆnaabhatuma bhagende okuraasisya abhaanu, emisango inguru ya obhukama bhwa Nyamuwanga, na okuwosya abharwaye.

Ebikorwa 10:38

Ka wone omumenya ati, Nyamuwanga ꞉aasorere Yeesu wa Najareeti kwa okumuyaana Mwoyo Mweru na obhuturo. Yeesu oyo aagendaga enu na erya, aakoraga ja ekisi na okuwosya bhoone bhanu bhaariga nibhanyaasibhwa na amanaga ga Syetaani, kwa okubha Nyamuwanga aariga ari aamwi nage.

Barumi 14:17

Okubha emisango ja bhusibhusi mu‑bhukama bhwa Nyamuwanga kutari kurya amwi okunywa, nawe ni kukora eja obhurengeresi imbere ya Nyamuwanga, okubha na omurembe na rikonderwa. Ejo joone ejiturikana ku‑bhusakisi bhwa Mwoyo Mweru.

Bakolosai 1:13

Achichunguuye okusooka mu‑bhutungi bhwa echisuute, achifurusiisye okusooka omwo na okuchiingisya mu‑bhukama bhwa Omwana waaye omwendwa.

Baeburania 12:28

Kurwa ejo, chisiimega Nyamuwanga, okubha eekirisya chibhega nichisangira obhukama bhwaye bhunu bhutakutikima. Chiramyega Nyamuwanga ku‑njira inu eyimukondisya na mu‑bhwikeeya na echibharo,

1 Yoana 3:8

Nawe, omuunu woonewoone unu kaagenderera okukora ebhibhiibhi, ni muunu wa Syetaani. Okubha Syetaani agendereeye okukora ebhibhiibhi okusookerera ku‑bhwambiro. Niyo isonga Omwana wa Nyamuwanga ꞉eejire ku‑chaaro anu, korereki anyamure bhuri murimu gwa Syetaani.