Matayo 12:27 - Indagano Inyaaya mu-Chijita

²⁷ Mbe! Araabha omwayika ati, anye enisoosya‑ko amasambwa ku‑bhuturo bhwa Bherijebhuuri, mbe, abharuubhirisya bheemwe abhagasoosya‑ko ku‑bhuturo bhwaga? Kurwa ejo, abharuubhirisya bheemwe abheeresya ati, emisango jinu omwayika jitari ja echimari.

INDAGANO INYA:YA

²⁷ Araba anye eniirisya emisambwa kurwa Belijebuli, aba:na bemwe abajiirisya kurwa ga? Kwobarikora nibaba baramusi bemwe.

Matayo 12:27 ပူးပေါင်းရင်းမြစ်များ

Matayo 10:25

Omwiyigisibhwa jiiyire abhe rwa omwiyigisya waaye, na omugaya wone kaakenwa abhe rwa omwami waaye. Anye niri mukuru weemwe, na abhambirikira ati, Bherijebhuuri. Araabha, abhambirikira anye kutyo, angu, bhataribhabhirikira emwe amasiina amabhiibhi muno?

Matayo 4:24

Emisango inguru ya Yeesu nijiswirana muno, nijikinga mu‑chaaro choone cha Siiriya. Abhaanu nibhamureetera abharwaye bheebhwe bhoone bha amarwara ga bhuri imbaga. Mu‑bhaanu abho, bhaariga bhari‑mo bhanu bhaariga nibhanyaasibhwa muno, bhanu bhaariga bhawungirwe amasambwa, bhanu bhaariga nibhagwa echitwe na bhanu bhaariga bhafuuwe emibhiri. Yeesu ˆnaabhawosya bhoone.

Matayo 9:34

Nawe Abhafarisaayo nibhaayika ati, “Omuunu unu kaasoosya‑ko amasambwa ku‑bhuturo bhwa Syetaani, omukuru wa amasambwa goone!”

Ruuka 11:19

Mbe! Araabha anye enisoosya‑ko amasambwa ku‑bhuturo bhwa Bherijebhuuri, noorwo abharuubhirisya bheemwe wone, abhagasoosya‑ko ku‑bhuturo bhwaga? Kurwa ejo, abharuubhirisya bheemwe abheeresya ati, emwe muri na ebhibhiibhi.

Ruuka 19:22

“Omukama oyo, ˆnaamubhwira ati, ‘Awe omugaya omubhiibhi! Enija okukuramura okuruubhana na obhwayiki bhwawo omwene. Waayika ati, umenyere ati, anye niri mururu kabhukabhu, enigega anu ꞉nitaateeye echiinu wuri, na enigesa anu ꞉nitaayambire echiinu wuri.

Barumi 3:19

Mbe, eswe chimenyere ati, omwanya gunu Ebhikaame Ebhyeru ebhisimura inguru ya echiinu choonechoone, ebhisimura inguru ya abhaanu bhanu ꞉bhaayaaywe Ebhikaame ebhyo. Ebhikaame ebhyo, ꞉bhyakaamirwe korereki abhaanu bhoone, Abhayawudi na abhaanu bhanu bhatari Bhayawudi bhasige okubha na isonga ya okwibhagira omwanya gunu Nyamuwanga ariramura echaaro. Jiribha abhwerubhweru ati abhaanu bhoone bheeyire okuramurwa na Nyamuwanga.