Matayo 12:18 - Indagano Inyaaya mu-Chijita

¹⁸ “Ringira, unu niwe omukosi waani unu nisorere. Unu niwe omwendwa waani unu kaankondisya omwoyo gwani. Nirimuyaana Mwoyo gwani, korereki araasye obhuchungusi ku‑bhaanu bha amaanga goone.

INDAGANO INYA:YA

¹⁸ Rora omukosi wani unu nasorere. Niwe omwendwa wani unu omwoyo gwani gukondereywe. Ndimutako omwoyo gwani, arigambira abamaanga eci:na.

Matayo 12:18 ပူးပေါင်းရင်းမြစ်များ

Matayo 12:17

Kutyo nijikuumira emisango jinu Nyamuwanga ꞉aayikire okutura ku‑muragi Iisaya ati,

Matayo 17:5

Omwanya gunu Peetero aariga achaaroma, awoawo eriire rinu ryariga niringʼarabhya niriija na okubhafundikira. Nibheeya nibhoongwa obhuraka okusooka mu‑riire eryo nibhwayika ati, “Unu niwe Omwana waani omwendwa, niwe kaankondisya. Mumutegeresyega!”

Mariko 1:11

Obhuraka okusooka mu‑rwire nibhwayika ati, “Awe naawe Omwana waani omwendwa! Naawe owunkondisya!”

Mariko 9:7

Niwo eriire niriija, niribhafundikira. Nibhoongwa obhuraka okusooka mu‑riire eryo, nibhwayika ati, “Unu niwe Omwana waani omwendwa. Mumutegeresyega!”

Ruuka 23:35

Abhaanu bhaariga bheemereeguuyu awo, nibharoraga jinu jaariga nijikorekana. Abhakuru bha Abhayawudi nibhamusiijaaka nibhaayikaga ati, “Mbawo aawonʼyaga abhandi! Mbe, woori eewonʼye omwene, araabha chimari niwe Kirisito omusorwa wa Nyamuwanga.”

Ruuka 3:22

Mwoyo Mweru ˆneeka inguru yaaye rwa echiguuti, obhuraka nibhusooka mu‑rwire, nibhwayika ati, “Awe naawe Omwana waani omwendwa! Naawe owunkondisya!”

Ruuka 4:18

“Mwoyo Mweru wa Raatabhugenyi Nyamuwanga, ari aamwi na anye. Aansorere, nibhega nindaasisya abhataka Emisango ja Ekisi. Aantumire ku‑bhaanu bhanu bhabhoyerwe, okubharaasisya ati abhaja okwigurirwa, na okubhwira abhawofu ati abhaja okurora, na niwonʼye abhaanu bhoone bhanu abhanyaasibhwa.

Ruuka 9:35

Nibhoongwa obhuraka okusooka mu‑riire eryo, nibhwayikaga ati, “Unu niwe Omwana waani, omusorwa waani! Mumutegeresyega!”

Yowana 3:34

kwa okubha Nyamuwanga ꞉aatumire Yeesu korereki aayike emisango jaaye. Nyamuwanga amuyaaye Mwoyo Mweru okurenga wuri.

Ebikorwa 10:38

Ka wone omumenya ati, Nyamuwanga ꞉aasorere Yeesu wa Najareeti kwa okumuyaana Mwoyo Mweru na obhuturo. Yeesu oyo aagendaga enu na erya, aakoraga ja ekisi na okuwosya bhoone bhanu bhaariga nibhanyaasibhwa na amanaga ga Syetaani, kwa okubha Nyamuwanga aariga ari aamwi nage.

Ebikorwa 11:18

Omwanya gunu Abhayawudi abho ꞉bhoonguuwe ejo, nibhasiga okubhambasyanya nage. Nibhakusya Nyamuwanga nibhaayika ati, “Mbe, Nyamuwanga aayaana abhaanu bhanu bhatari Bhayawudi wone obhuwanga bhwa akajaanende mu‑kuta ebhibhiibhi bhyebhwe!”

Ebikorwa 14:27

Atiyookiya awo nibhakofya abheekirisya. Nibhabhatondera joone jinu Nyamuwanga ꞉aakorere okutura ku‑bheene na kutyo ꞉eeguuye orwigi ku‑bhaanu bhanu bhatari Bhayawudi okwikirisya Yeesu.

Baefeso 1:6

Kurwa ejo, echikuuya Nyamuwanga inguru ya rikusyo rya obhwitiriranya bhwaye, bhunu achiyaaye ku‑njira ya Omwana waaye omwendwa.

Bakolosai 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, niri aamwi na Timoteewo omuyiri weeswe mu‑riikirisya.

Bakolosai 1:13

Achichunguuye okusooka mu‑bhutungi bhwa echisuute, achifurusiisye okusooka omwo na okuchiingisya mu‑bhukama bhwa Omwana waaye omwendwa.

1 Petero 2:4

Mbe, mufogere ku‑Yeesu, omwene ari rwa ribhuyi riwanga rya okuumbakira. Ribhuyi eryo, abhaanu ꞉bhaariremere, nawe niryo Nyamuwanga ꞉aasorere, ka wone riri na obhurambu obhunene mu‑meeso gaaye.

2 Petero 1:17

Eswe chaariga chiri aamwi na Yeesu mu‑chiima echeeru, omwanya gunu ꞉aayaaywe echibharo okusooka ku‑Raata Nyamuwanga. Omwanya ogwo, obhuraka bhwa rikusyo rikuru ꞉bhwasookere mu‑rwire ku‑Nyamuwanga omwene, nibhwayikaga ati, “Unu niwe Omwana waani omwendwa, niwe kaankondisya.” Kurwa ejo, eswe abheene chaariga chiri abhabhambaasi bhanu ꞉choonguuwe emisango ejo.