Matayo 12:10 - Indagano Inyaaya mu-Chijita

¹⁰ Mu‑nju omwo, aariga ari‑mo omuunu unu okubhoko kwaye kwariga kufuuwe. Ka wone, bhaariga bhari‑mo Abhafarisaayo bhanu bheendaga okuregeeja Yeesu, korereki bhamusitaake. Mbe, nibhamubhuusya ati, “Angu, ebhiraagiro bhya Muusa ebhiikirisya okuwosya omuunu orusuku rwa Isabhaato?”

INDAGANO INYA:YA

¹⁰ Mbe ariga:rimo omu:nu afu:ye okuboko. Nibamubu:sya, niba:ika ati, ?Omu:nu e:kirisibwe okumuosya omurwae ku sabato? Wenda bajo:mubu:ra.

Matayo 12:10 ပူးပေါင်းရင်းမြစ်များ

Matayo 12:2

Abhafarisaayo bhejire bhaarora ejo, nibhabhwira Yeesu ati, “Ringira, abheeyigisibhwa bhaawo abhakora jinu ebhiraagiro bhya Muusa bhyariga bhitakubheekirisisya okukora ku‑rusuku rwa Isabhaato!”

Matayo 19:3

Niwo Abhafarisaayo abharebhe nibhaaja ku‑Yeesu korereki bhamuregeeje. Nibhamubhuusya ati, “Angu ebhiraagiro bhya Muusa ebhiikirisisya omurume okutaana na omugasi waaye ku‑songa yooneyoone irya?”

Mariko 3:2

Abhafarisaayo bhaariga bheetegaaniiye Yeesu, bharore araabha kaja okuwosya omuunu oyo ku‑rusuku rwa Isabhaato. Aakamuwosya, bhabhone omusango gwa okumusitaaka.

Ruuka 11:54

korereki bhamugwate okuruubhana na emisango jaaye.

Ruuka 13:14

Omukuru wa inju ya eriikofyanyo eryo, ˆnaabhiyirwa muno kwa okubha, orusuku runu Yeesu ꞉aawosiisye omuunu oyo rwariga ruri rusuku rwa Isabhaato. ˆNaabhwira abhaanu ati, “Bhuri bhwoyo, jisiku ja okukora emirimu ni siku etaanu na rumwi. Mbe, muujega okuwosibhwa ku‑siku ejo, nawe musigega okuuja okuwosibhwa ku‑rusuku rwa Isabhaato!”

Ruuka 20:22

Angu, ebhiraagiro bhya Muusa ebhichiikirisisya okutobha rigooti ku‑Kayisaari, amwi wuri?”

Ruuka 23:14

ˆNaabhabhwira ati, “Mwandeetera omuunu unu nimwayikaga ati, aariga ˆnaayabhya abhaanu. Woori muntegeresye muungwe. Naatatirisya kisi amasitaaka geemwe gwone, nitaamubhona‑ko echikayo choonechoone.

Ruuka 23:2

Nibhaamba okumusitaaka nibhaayikaga ati, “Chaasongʼana omuunu unu ˆnaayabhyaga abhaanu bha riyanga ryeswe, ˆnaabhagaanyaga bhasige okutobha rigooti ku‑Kayisaari. Ka wone keetoga ati, omwene niwe Kirisito omukama.”

Yowana 5:10

Kurwa ejo, abhatangasya bha Abhayawudi nibhabhwira omuunu unu ꞉aawosiibhwe ati, “Reero ni rusuku rwa Isabhaato. Ebhiraagiro bhyeswe bhitakuchiikirisisya okugega riraro.”

Yowana 5:3

Mu‑magaragariro ago, bhamaamaga‑mo abharwaye bhaafu. Bhaariga bhari‑mo abhawofu, abharema, na bhanu bhafuuwe emibhiri. [Bhaariga nibharindirira amanji gaserurwe,

Yowana 7:23

Omwikomeesya okuruubha ebhiraagiro bhya Muusa mu‑kutenda abhaana bheemwe bha echirume noorwo ku‑rusuku rwa Isabhaato. Nawe kurwa ki omumbiyirirwa nikawosya omuunu chimwi ku‑rusuku rwa Isabhaato?

Yowana 8:6

Abhaanu abho ꞉bhaabhuusiisye Yeesu kutyo kwa okumuregeeja, korereki bhabhone omusango gwa okumusitaaka. Nawe Yeesu ˆneenama, ˆnaamba okukaama aasi na echaara chaaye.

Yowana 9:16

Niwo Abhafarisaayo abharebhe nibhaayika ati, “Omuunu unu akorere kutyo, atasookere ku‑Nyamuwanga, kwa okubha kaanyamura echiraagiro cha orusuku rwa Isabhaato.” Nawe abhandi nibhaayika ati, “Omukosi wa ebhibhiibhi kaatura kutiki okukora ebhibharikisyo rwa ebhyo?” Kurwa ejo, nibhataasyanya mu‑bhwiganirisya bhwebhwe.