Matayo 11:7 - Indagano Inyaaya mu-Chijita

⁷ Abheeyigisibhwa bha Yowana bhejire bhaasubha‑yo, Yeesu ˆnaamba okubhwira ebhise bhya abhaanu inguru ya Yowana. ˆNaabhabhuusya ati, “Omwanya gunu ꞉mwagendere ibhara, niki chinu ꞉mwagendere okuringira? Tere, ꞉mwagendere okuringira omuunu unu keekirisya emisango joone rwa orufunjo runu omuyaga ogusira enu na erya? Wuri!

INDAGANO INYA:YA

⁷ Mbe bejire bagenda, Yesu namba okwaika ne bise ku bya Yoana ati, ?Niki cinu mwajiriye ibara okurora? ?Risa:ru rinu erisingisibwa no muyaga?

Matayo 11:7 ပူးပေါင်းရင်းမြစ်များ

Matayo 11:8

Mbe, ꞉mwagendere okuringira ki? Tere, ꞉mwagendere okuringira omuunu unu afwaye emyenda ja ekisi ja obhugusi obhurambu? Wuri! Ringira, abhaanu bhanu abhafwaraga emyenda ja ekisi ja obhugusi obhurambu na okwikondya ku‑bhwafu bhwa ebhiinu bhinu bhari nabhyo, abheekaraga mu‑nju ja echikama.

Matayo 12:20

Atarifuna woonewoone unu ataamiibhwe rwa orufunjo runu rwikotere, noorwo atarisingaarisya woonewoone unu ari yeeyi okufwa rwa orutambi runu orwituuta ingesi, okukingira omwanya gunu arireeta obhuchungusi, okuyiga ebhibhiibhi bhyone.

Matayo 21:25

Angu, obhuturo bhwa Yowana Omubhatiija okubhatiija ꞉bhwasookere aaki? ꞉Bhwasookere ku‑Nyamuwanga unu ari mu‑rwire amwi ku‑bhaanu?” Niwo nibhaamba okwayikana abheene era ati, “Araabha chikamubhwira ati ꞉bhwasookere ku‑Nyamuwanga, kaja okuchibhuusya ati, ‘Mbe, kurwa ki ꞉mutaamwikirisiisye?’

Matayo 3:5

Abhaanu bhaafu bhaariga nibhamuuja‑ko okusooka mu‑musi gwa Yerusareemu, okusooka mu‑mukoowa gwone gwa Yuudeya na mu‑mbaara joone ja omusima gwa Yorodaani.

Ruuka 8:18

“Kurwa ejo, jinu omuungwa, mujiganirisyega kisi! Omuunu unu kaagwata jinu koongwa, Nyamuwanga kaja okumuswerurira noorwo na ejindi. Nawe omuunu unu atakuungwa emisango ejo, mbe oyo kaja okuteesibhwa noorwo obhusombookerwa bhunu keetogera ati ari nabhwo.”

Yowana 1:38

Yeesu ˆneekebhuukira, ˆnaarora nibhamuruubhaga. ˆNaabhabhuusya ati, “Omwenda ki?” Abheene nibhamubhuusya ati, “Awe Raabhi, wikaaye aaki?” Obhugajuro bhwa omusango “Raabhi” ni “Omwiyigisya.”

Yowana 5:35

Yowana Omubhatiija aariga ari rwa idara inu eyaaka na okumirika mu‑chisuute, ka emwe ꞉mwakondereeywe obhweru obhwo kwa omwanya mufuyi era.

Baefeso 4:14

Mbe, chitaribha rindi rwa abhaana abharera, nichiyeemusibhwa na okugegwa enu na eyi na omuyaga gwa ameeyigisyo ga orubheeyi. Ameeyigisyo ago, ageeyigisibhwa mu‑bhurigerige na obhwengeeso bhwa abhaanu, bhanu abheetemeeka ja orubheeyi.

Yakobo 1:6

Nawe omwanya gunu kaasabhwa Nyamuwanga, kaakenwa asabhwe mu‑riikirisya, asige okwitimaata, kwa okubha omuunu unu keetimaata, ari rwa rikonjo rya mu‑nyanja rinu erigegwa na omuyaga nigurisira eyi na eyi.