Matayo 11:5 - Indagano Inyaaya mu-Chijita

⁵ Mumubhwire ati, abhawofu abharora, abharema abharibhata, abhagenge abheesibhwa, bhanu bhasibhirwe amatwi abhoongwa, abhafuuwe abhasuururwa na abhataka abharaasibhwa Emisango ja Ekisi ja Nyamuwanga.

INDAGANO INYA:YA

⁵ Abaofu abarora, abarema abaribata, abagenge abaosibwa, abe:gare ba matwi abongwa, na bafu:ye abasu:rurwa, na bataka abasimurirwa ebigambo byo bwana.

Matayo 11:5 ပူးပေါင်းရင်းမြစ်များ

Matayo 10:8

Muwosyega abharwaye, musuururega abhafuuwe, mwesyega abhagenge na musoosyege‑ko amasambwa okusooka mu‑bhaanu. Muyaaywe obhuturo obhwo kutyo era, woori emwe wone, musakirega kutyo era.

Matayo 11:4

Yeesu ˆnaabhasubhya ati, “Mugende mubhwire Yowana, joone jinu mwoongwa na okurora.

Matayo 12:13

Neeya Yeesu ˆnaabhwira omuunu unu okubhoko kwaye kwariga kufuuwe ati, “Gorora okubhoko kwawo.” Omuunu oyo, ˆnaakugorora, awoawo ˆnaawora, nikubha rwa okundi kurya.

Matayo 21:14

Mbe, omwanya gunu Yeesu aariga achaari mu‑rubhuga rwa Riyekaru, abhawofu na abharema nibhamuuja‑ko, wone ˆnaabhawosya.

Matayo 5:3

“Bhari na ribhando abha obhukene na Nyamuwanga, kwa okubha obhukama bhwa mu‑rwire ni bhwebhwe.

Matayo 9:30

Awoawo, ameeso geebhwe nigeeguka, nibharora. Yeesu ˆnaabhakomeeresya muno, ˆnaabhabhwiraga ati, “Mwasiga okubhwira omuunu woonewoone omusango gunu!”

Mariko 7:37

Nibharuguura muno, nibhaayika ati, “Joone jinu aakora ni ja kisi. Kaawosya abhaanu abha amatwi, bhoongwe, na abhajibhi, bhaayike!”

Mariko 9:25

Yeesu ejire aarora ati echise cha abhaanu echiiyongesya okumwiyinda, ˆnaagonya risambwa rirya, ˆnaayika ati, “Awe risambwa! Naawe owukora omwana unu okubha omujibhi na owa amatwi. Woori enikugonya, sooka mu‑mwana unu, na waasiga okuregeeja okumwingira rindi!”

Ruuka 4:18

“Mwoyo Mweru wa Raatabhugenyi Nyamuwanga, ari aamwi na anye. Aansorere, nibhega nindaasisya abhataka Emisango ja Ekisi. Aantumire ku‑bhaanu bhanu bhabhoyerwe, okubharaasisya ati abhaja okwigurirwa, na okubhwira abhawofu ati abhaja okurora, na niwonʼye abhaanu bhoone bhanu abhanyaasibhwa.

Yowana 10:25

Nawe Yeesu ˆnaabhasubhya ati, “Anye naamarire okubhabhwira kutyo, nawe emwe mutakunyikirisya. Ebhiruguusyo bhinu enikora ku‑bhuturo bhwa Raata waani, nibhyo ebhinsoosisya obhubhambaasi ati naanye ga.

Yowana 10:38

Nawe araabha enikora emirimu jinu Raata kaakora, noorwo araabha mutakunyikirisya anye, mbe mwikirisye emirimu ejo. Niwo omuja okusombookerwa chimari ati, Raata ari na obhumwi na anye, anye wone niri na obhumwi na Raata.”

Yowana 2:23

Omwanya gunu Yeesu aariga ari Yerusareemu mu‑chikukuru ya Okwambuka, abhaanu bhaafu ꞉bhaamwikirisiisye, kwa okubha ꞉bhaarorere ebhibharikisyo bhinu aariga ˆnaakora.

Yowana 3:2

Rusuku rumwi mu‑ngeta, Nikodeemu ˆnaagenda ku‑Yeesu, ˆnaamubhwira ati, “Omwiyigisya, chimenyere ati awe ni mwiyigisya unu utumirwe na Nyamuwanga, kwa okubha atari‑wo omuunu unu kaatura okukora ebhibharikisyo bhinu owukora, araabha Nyamuwanga atari aamwi nage.”

Yowana 5:36

Nawe obhubhambaasi bhunu anye niri nabhwo ni bhunene okukira bhwa Yowana bhurya, kwa okubha emirimu jinu Raata ꞉aanaaye okukuumisya, nijo ejeeresya ati, Raata niwe ꞉aantumire.

Yowana 9:7

Niwo ˆnaabhwira omuwofu oyo ati, “Genda wiyosye obhusu mw‑itanga rya Sirowaamu.” Obhugajuro bhwa Sirowaamu ni “Unu atumirwe.” Niwo omuwofu oyo ˆnaagenda, ˆneeyosya obhusu, ˆnaasubha iika ewaaye ˆnaaroraga kisi.

Ebikorwa 2:22

Peetero ˆnaagenderera okwayika ati, “Emwe abhaanu bha Yisirayeeri, muntegeresye kisi! Nyamuwanga ꞉eeresiisye abhweru kw‑imwe ati Yeesu Omunajareeti ni wa echimari. ꞉Aakorere kutyo, ku‑njira ya ebhikorwa bhya obhuturo, ebhiruguusyo na ebhibharikisyo bhya mbaga nyafunyafu bhinu Nyamuwanga ꞉aamuyaaye amanaga okukora agati yeemwe. Ejo emwe abheene mujimenyere.

Yakobo 2:5

Abhayiri bhaani abheendwa, muntegeresye kisi. Mutakumenya ati Nyamuwanga ꞉aawuuwe abhataka bha ku‑chaaro, bhabhe abhaniibhi mu‑riikirisya, bhanjure obhukama bhunu ꞉aaragire bhanu abhamwenda?