Matayo 11:25 - Indagano Inyaaya mu-Chijita

²⁵ Omwanya ogwoogwo Yeesu ˆnaayika ati, “Raata, Raatabhugenyi wa orwire na echaaro choone! Enikusiima kwa okubha, emisango jinu ꞉waakorere okubha mbisike ku‑bhaanu abha obhwengeeso na abhamenyi, wajisweruuye abhwerubhweru ku‑bhaanu bhanu bhari na eriikirisya rwa abhaana abharera.

INDAGANO INYA:YA

²⁵ Mu magoro ago Yesu naindura na:ika ati, Enikusi:ma, Rata, Esebugenyi wo rwire na i:si, okuba wababisire abo bwenge na bengeso emisango jinu, nubaswerurira aba:na barera.

Matayo 11:25 ပူးပေါင်းရင်းမြစ်များ

Matayo 16:17

Yeesu ˆnaabhwira Peetero ati, “Awe Simooni omwana wa Yoona, uri na ribhando, kwa okubha atari‑wo omuunu woonewoone unu akuswerurira echimari echo, tari Raata waani wa mu‑rwire.

Matayo 21:16

Nibhabhuusya Yeesu ati, “Angu, owungwa kutyo abhaana bhanu abhaayika?” Yeesu ˆnaabhasubhya ati, “Enuungwa. Kasi muchaari kusoma emisango jinu jikaamirwe mu‑Bhikaame Ebhyeru ati, ‘Wibhoneeye jikuma, okutura mu‑minwa ja abhaana abharera na bhanu abhaneena’?”

Ruuka 22:42

“Raata, araabha ukeenda, enisabhwa unsoosisye‑wo omutawo gunu gwa ebhinyaasyo. Nawe, jisige okubha rwa kutyo anye eneenda, tari rwa kutyo awe oweenda!” [

Ruuka 23:34

Yeesu ˆnaayika ati, “Raata! Bhafwire echigongo, kwa okubha bhatakumenya gunu abhakora.” Abhasirikare abho bhejire bhaamara, nibhagabhana emyenda jaaye kwa okwitongya.

Yowana 11:41

Mbe, nibhasoosya‑ko ribhuyi eryo. Yeesu ˆnaaragamira ku‑rwire, ˆnaasabhwa ku‑Nyamuwanga ati, “Raata, enikusiima kwa okubha woongwa risabhwa ryani.

Yowana 12:27

Neeya Yeesu ˆnaayika ati, “Woori omwoyo gwani guri na obhusurumbaaye bhwafu. Naayike ki? Angu, naayike ati, ‘Raata, enikusabhwa ummonʼye ku‑mwanya gunu gwa ebhinyaasyo?’ Wuri, nitakutura okusabhwa kutyo noorwo na akatyari, kwa okubha niijire ku‑chaaro anu, korereki nibhone ebhinyaasyo ebhyo.

Yowana 12:28

Raata Nyamuwanga, yeeresya rikusyo rya risiina ryawo.” Mbe, obhuraka okusooka mu‑rwire nibhwayika ati, “Neeresya rikusyo rya risiina ryani, ka wone nirigenderera okukora kutyo.”

Ebikorwa 17:24

“Nyamuwanga ni Raatabhugenyi wa orwire na owa echaaro, niwe ꞉aabhumbire echaaro na bhyone bhinu bhiri‑mo. Omwene atakwikara mu‑mayekaru ganu goombakirwe na amabhoko ga abhaanu.

1 Bakorinto 2:10

Nawe eswe, Nyamuwanga ꞉aacheeresiisye ejo okutura ku‑Mwoyo Mweru, kwa okubha Mwoyo Mweru kaatatirisya joone, noorwo obhutinge bhwa Nyamuwanga bhunu bhubhisirwe.

2 Bakorinto 3:14

Nawe emyoyo jeebhwe nijikorwa okubha emikomeeye. Noorwo woori bhaakasoma Indagano ya Kara, abhataamibhwa okusombookerwa echimari, abhabha wuti bhayingirisiibhwe na echitambaara chirya. Echitambaara chirya chichaari kusoosibhwa‑wo, kwa okubha echisoosibhwa‑wo era, omwanya gunu omuunu keekirisya Kirisito.