Matayo 11:18 - Indagano Inyaaya mu-Chijita

¹⁸ Abhaanu ꞉bhaakorere kutyokutyo omwanya gunu Yowana ꞉eejire. Omwene aariga atakurya emikaate noorwo aariga atakunywa echifuufu, abhaanu nibhaayika ati, ‘Unu awungirwe risambwa!’

INDAGANO INYA:YA

¹⁸ Okuba Yoana ejire atakurya amwi atakunywa, niba:ika ati, Ana musambwa.

Matayo 11:18 ပူးပေါင်းရင်းမြစ်များ

Matayo 10:25

Omwiyigisibhwa jiiyire abhe rwa omwiyigisya waaye, na omugaya wone kaakenwa abhe rwa omwami waaye. Anye niri mukuru weemwe, na abhambirikira ati, Bherijebhuuri. Araabha, abhambirikira anye kutyo, angu, bhataribhabhirikira emwe amasiina amabhiibhi muno?

Matayo 11:17

‘꞉Chaabhabhumiiye jikuri, nawe ꞉mutaabhinire! ꞉Chaabheembiiye jinyimbo ja obhusurumbaaye, nawe ꞉mutaaririre!’

Matayo 3:4

Yowana aafwaraga emyenda jinu jaariga jirukirwe na obhusinga bhwa jingamiya na eebhoyaga omuchipi gwa orukobha mu‑chibhunu chaaye. Ebhiryo bhyaye bhyariga bhiri jiisige na obhuuki.

Matayo 9:34

Nawe Abhafarisaayo nibhaayika ati, “Omuunu unu kaasoosya‑ko amasambwa ku‑bhuturo bhwa Syetaani, omukuru wa amasambwa goone!”

Mariko 3:22

Abheeyigisya bha ebhiraagiro bhya Muusa bhanu ꞉bhaasookere mu‑musi gwa Yerusareemu, bhaayikaga ati, “Ari na Bherijebhuuri!” Ka wone bhaayikaga ati, “Omuunu unu, kaasoosya‑ko amasambwa ku‑bhuturo bhwa Bherijebhuuri, omukuru wa amasambwa goone.”

Ruuka 1:15

kwa okubha, aribha omukuru imbere ya Raatabhugenyi. Omwana oyo, okwambira mu‑nda ya nyiramwene, aribha ˆneejurwa Mwoyo Mweru. Kurwa ejo, atarinywa echifuufu sirisiri noorwo ebhindi bhyone bhinu ebhikora.

Yowana 10:20

Abhaanu bhaafu mu‑bheene, nibhaayika ati, “Unu ari na risambwa! Ka wone ni musasi! Woori ni kurwa ki omumutegeresya?”

Yowana 7:20

Abhaanu abho nibhamusubhya ati, “Awe uri na risambwa! Niga unu keenda okukwita?”

Yowana 8:48

Abhayawudi nibhabhuusya Yeesu ati, “Chitakwayika echimari ati, awe uri Musamaariya, ka wone uri na risambwa?”

Yowana 8:52

Mbe, Abhayawudi abho nibhamubhwira Yeesu ati, “Woori echimenya ati, awe uri na risambwa! Bhurayimu ꞉aafuuwe, na abharagi wone ꞉bhaafuuwe. Nawe awe owaayika ati, ‘Omuunu woonewoone unu kaagayuka ameeyigisyo gaani, atarifwa wuri.’

Ebikorwa 26:24

Omwanya gunu Pawuro aagendereraga okwibhagira, Feesito ˆnaayika kwa obhuraka obhunene ati, “Pawuro awe! Kasi uri musasi! Okusoma kwawo kwafu nikwo kukuyaaye orusaro!”

1 Bakorinto 9:27

Tari eninyaasya na okunasya omubhiri gwani okwigumiirisya, korereki nikamara okuraasisya abhaanu Emisango ja Ekisi, anye omwene naasiga okuremwa imbere ya Nyamuwanga.