Matayo 11:13 - Indagano Inyaaya mu-Chijita

¹³ Abharagi bhoone na Muusa mu‑bhiraagiro bhyaye, ꞉bhaasoosiisye obhuragi okukingira omwanya gunu Yowana ꞉aabhonekeene.

INDAGANO INYA:YA

¹³ Okuba abaragi bo:ne ne biragiro baragaga kukinga ku Yoana.

Matayo 11:13 ပူးပေါင်းရင်းမြစ်များ

Matayo 11:12

Okusookerera jisiku jinu Yowana Omubhatiija aariga ˆnaaraasya okukingira reero inu, abhaanu abheekomeesya okwingira mu‑bhukama bhwa mu‑rwire kwa amanaga, na abhaanu bha amanaga nibho abhabhubhona.

Matayo 11:14

Mbe, araabha omwikirisya obhuragi bhwebhwe, Yowana niwe Yeeriya unu ꞉aayikirwe ati, ariija.

Ruuka 24:27

Niwo, Yeesu ˆnaabhatondera emisango joone jinu jikaamirwe inguru yaaye, okwambira mu‑bhikaame bhya Muusa okukingira mu‑bhikaame bhya abharagi bhoone.

Ruuka 24:44

Ejire aamara okurya, ˆnaabhabhwira ati, “Emisango jinu nijo ꞉naabhabhwiriiye omwanya gunu naariga niri aamwi na emwe. ꞉Naabhabhwiriiye ati, ni bhusibhusi jikuumire joone jinu jikaamirwe inguru yaani mu‑bhiraagiro bhya Muusa, ku‑bharagi na mu‑Jabhuri.”

Ebikorwa 13:27

Okubha abhaanu bha Yerusareemu na abhakuru bheebhwe ꞉bhataamenyere ati Yeesu niwe Omuchungusi, nibhamuramura eetwe. Kwa okukora kutyo, ꞉bhaakuumisiisye emisango jinu jikaamirwe inguru yaaye mu‑bhitabho bhya abharagi, na nijo jaasomwaga bhuri rusuku rwa Isabhaato.

Barumi 3:21

Nawe woori, Nyamuwanga eeresya injira ya abhaanu okubharwa ati ni bharengeresi imbere yaaye, kutari ku‑njira ya ebhiraagiro. Noorwo ebhikaame bhya ebhiraagiro bhya Muusa na ebhikaame bhya abharagi ebhyayika abhwerubhweru emisango ejo.