Matayo 11:11 - Indagano Inyaaya mu-Chijita

¹¹ Ni chimari enibhabhwira ati, mu‑bhaanu bhoone bhanu bheebhuuywe ku‑chaaro kunu, atari‑wo omuunu omukuru wa okukira Yowana Omubhatiija. Nawe, omuunu unu ari omutooto okukira bhoone mu‑bhukama bhwa mu‑rwire, niwe omukuru okukira Yowana Omubhatiija.

INDAGANO INYA:YA

¹¹ Ni cimari enibabwira ati, Mwabo abe:burwa na bagasi acariga kuso:kamo mu:nu wa kukira Yoana Omubatija. Nawe omuto:to mu bukama bwa mu rwire ni mukuru kukira oyo.

Matayo 11:11 ပူးပေါင်းရင်းမြစ်များ

Matayo 11:10

Yowana niwe Ebhikaame Ebhyeru ꞉bhyayikire inguru yaaye ati, ‘Ringira, enituma itumwa yaani imbere yaawo, akutangatire na okukwiraabhira injira.’

Matayo 11:12

Okusookerera jisiku jinu Yowana Omubhatiija aariga ˆnaaraasya okukingira reero inu, abhaanu abheekomeesya okwingira mu‑bhukama bhwa mu‑rwire kwa amanaga, na abhaanu bha amanaga nibho abhabhubhona.

Matayo 3:1

Jejire jaatura emiguuga myafu, ˆneebhuka omuunu umwi unu aatogwaga Yowana Omubhatiija. Yowana oyo aariga ˆnaaraasya mw‑ibhara rya Yuudeya, ˆnaayikaga ati,

Matayo 3:11

“Anye enibhabhatiija mu‑manji okweresya ati, muyindukiiye Nyamuwanga. Nawe kaja okuuja omuunu owundi owa obhuturo okunkira. Anye niteeyire noorwo okusuruumura jingoye ja ebhiraato bhyaye. Omwene aribhabhatiija kwa Mwoyo Mweru na kwa omuriro okwesya emitima jeemwe rwa kutyo omuriro ogwesya ebhyuma.

Matayo 5:19

Omuunu woonewoone unu kaarema noorwo echiraagiro chimwi echitooto na okwiyigisya abhandi wone bhachireme, oyo aribha na echibharo chitooto muno mu‑bhukama bhwa mu‑rwire. Nawe woonewoone unu kaachigwata na okwiyigisya abhandi korereki wone bhakore kutyo, oyo aribha na echibharo chinene muno mu‑bhukama bhwa mu‑rwire.

Ruuka 1:15

kwa okubha, aribha omukuru imbere ya Raatabhugenyi. Omwana oyo, okwambira mu‑nda ya nyiramwene, aribha ˆneejurwa Mwoyo Mweru. Kurwa ejo, atarinywa echifuufu sirisiri noorwo ebhindi bhyone bhinu ebhikora.

Ruuka 7:28

Yeesu ˆnaayika rindi ati, “Anye enibhabhwira ati, mu‑bhaanu bhoone, atari‑wo mukuru okukira Yowana. Noorwo kutyo, mu‑bhukama bhwa Nyamuwanga, omutooto okukira abhandi, niwe omukuru okumukira.”

Ruuka 9:48

ˆnaabhabhwira ati, “Omuunu unu kaakuma omwana omutooto rwa unu kw‑isiina ryani, kaabha aankumire anye. Ka omuunu woonewoone unu kaankuma anye, kaabha akumire unu ꞉aantumire. Okubha omutooto mw‑imwe bhoone, oyo niwe omukuru okukira bhoone.”

Yowana 1:15

Yowana ˆnaasoosisya omuunu oyo obhubhambaasi, ˆnaamura obhuraka, ˆnaayikaga ati, “Unu niwe naabhabhwiraga ati, ‘Kaaja omuunu inyuma yaani, ni mukuru okunkira, kwa okubha omwene aariga ari‑wo ku‑bhwambiro, kara anye nichaari kwibhurwa.’”

Yowana 1:27

Oyo niwe unu kaaja inyuma yaani. Anye niteeyire noorwo okusuruumura jingoye ja ebhiraato bhyaye.”

Yowana 10:41

Abhaanu bhaafu nibhamujaa‑ko, nibhaayika ati, “Yowana ꞉ataakorere echibharikisyo noorwo chimwi, nawe emisango joone jinu aariga ˆnaayika inguru ya Yeesu, jaariga jiri ja echimari.”

Yowana 3:30

Jeenderwe Yeesu ayaanwe echibharo cha inguru muno, nawe anye niyaanwe echibharo cha emwaro muno.”

Yowana 5:35

Yowana Omubhatiija aariga ari rwa idara inu eyaaka na okumirika mu‑chisuute, ka emwe ꞉mwakondereeywe obhweru obhwo kwa omwanya mufuyi era.

Yowana 7:39

Yeesu aariga ˆnaayika emisango ejo inguru ya Mwoyo Mweru, unu abhaanu bhanu abheekirisya Yeesu bhaakayaaywe. Omwanya ogwo, Nyamuwanga aariga achaari okutuma Mwoyo waaye ku‑bhaanu abho, kwa okubha Yeesu aariga achaari okwingʼengibhwa inguru mw‑ikusyo.

1 Bakorinto 15:9

Anye niri mutooto okukira jitumwa joone, niteeyire noorwo okubhirikirwa itumwa, kwa okubha ꞉naanyaasiisye abheekirisya bha Nyamuwanga.

1 Bakorinto 6:4

Woori, omwanya gunu omuyomba inguru ya emisango ja bhuri rusuku, mbawo omugenda okusitaaka ku‑bhaanu bhanu bhateeyire mw‑ikanisa korereki nibho bhabharamure?

Baefeso 2:3

Omwanya ogwoogwo eswe bhoone wone, chaariga nichikora rwa kutyo abhaanu bhanu bhatakugayuka Nyamuwanga bhaakoraga. Chaakoraga rwa kutyo emibhiri jeeswe na obhwiganirisya bhweswe bhyendaga. Okuruubhana na jitungwa jeeswe jimbiibhi ja obhusimukwa, risungu rya Nyamuwanga ryekaga inguru yeeswe rwa ku‑bhaanu abhandi bhoone.

Baefeso 3:8

Anye, niri mutooto okukira omutooto woonewoone ku‑bheeru bhoone bha Nyamuwanga. Noorwo kutyo, naanye ꞉naayaaywe obhwitiriranya bhwa okuraasisya abhaanu bhanu bhatari Bhayawudi obhuniibhi bhwa Kirisito bhunu bhutari na indengo.

2 Timoteo 1:10

Nawe woori, Nyamuwanga eeresya obhwitiriranya bhwaye kw‑iswe, kwa okuuja kwa Omuchungusi weeswe Kirisito Yeesu. Omwene ꞉aayigire amanaga ga orufu na ꞉eeresiisye obhuwanga bhwa akajaanende ku‑njira ya Emisango ja Ekisi.

Baeburania 11:40

Nyamuwanga ꞉aakorere kutyo, kwa okubha aariga achiiraabhiiye emisango ja ekisi muno, korereki chiramire jinu ꞉aachiragire eswe aamwi na abheene.

1 Petero 1:10

Abharagi bha kara ꞉bhaayenjeresiisye muno okusombookerwa obhuchungusi obhwo, nibhasoosya obhuragi inguru ya obhwitiriranya bhwa Nyamuwanga bhunu bhwakingire kw‑imwe.