Matayo 10:41 - Indagano Inyaaya mu-Chijita

⁴¹ Omuunu woonewoone unu kaakuma omuragi kwa okubha ati, ni muragi wa echimari, Nyamuwanga ariyaana omuunu oyo, echiyaanwa rwa chinu ariyaana omuragi. Ka wone, omuunu woonewoone unu kaakuma omurengeresi kwa okubha ati, ni murengeresi, Nyamuwanga ariyaana omuunu oyo wone echiyaanwa rwa chinu ariyaana omurengeresi.

INDAGANO INYA:YA

⁴¹ Unu kakuma omuragi mwisi:na ryo muragi, ariyabwa omuyero gwo muragi. Na unu kakuma omurenge:resi mwisi:na ryo murenge:resi, ariyabwa omuyero gwo murenge:resi.

Matayo 10:41 ပူးပေါင်းရင်းမြစ်များ

Matayo 16:27

Okubha anye Omwana wa Omuunu, niriija aamwi na bhamaraayika bhaani mw‑ikusyo rya Raata waani. Niwo niririya bhuri muunu okuruubhana na ebhikorwa bhyaye.

Matayo 25:44

“Niwo, bhanu bhari mu‑kubhoko kwani kwa ebhumoosi bharinsubhya ati, ‘Raatabhugenyi, ni mwanya ki gunu ꞉chaakurorere uri na omweko, amwi uri na obhwiro, amwi uri omugenyi, amwi uri tuyu, amwi uri murwaye, amwi uri mw‑ibhoyero, na eswe ꞉chitaakusakiiye?’

Matayo 25:45

Niwo anye niribhasubhya ati, ‘Ni chimari enibhabhwira ati, choonechoone chinu ꞉mutaakoreeye woonewoone mu‑bharuubhirisya bhaani unu kaabhonekana wuti atari wa bhusibhusi, mbe ꞉mwaremere okukorera anye.’

Matayo 6:1

“Mwiyangarire! Mwasiga okukora ebhikorwa bhya ekisi korereki abhaanu bhabharore. Araabha mukakora kutyo, mutariramira echiyaanwa choonechoone okusooka kw‑Isomwana unu ari mu‑rwire.

Matayo 6:18

korereki abhaanu bhaasiga okumenya ati, wiyimire ebhiryo. Esomwana unu ari mu‑mbisike, niwe amenye era. Niwo Esomwana oyooyo unu kaarora jinu ejikorekena mu‑mbisike, arikuyaana echiyaanwa.

Matayo 6:4

korereki obhusakisi bhwawo, bhubhega bhwa mbisike. Mukakora kutyo, Esomwana unu kaarora mu‑mbisike, arikuyaana echiyaanwa.

Matayo 6:6

Tari omwanya gwa okusabhwa, ingira mu‑chisago chaawo, na wigare orwigi. Niwo usabhwe Esomwana unu ari mu‑mbisike. Niwo Esomwana unu kaarora jinu ejikorekena mu‑mbisike, arikuyaana echiyaanwa.

Matayo 7:8

Omuunu woonewoone unu kaasabhwa, kaja okuyaanwa. Omuunu woonewoone unu kaayenja, kaja okubhona, na omuunu woonewoone unu keebhuura, kaja okwigurirwa.

Ebikorwa 16:15

Bhunu ꞉eekirisiisye na okubhatiijibhwa omwene aamwi na abhaanu bha iika ewaaye, ˆnaachiirembeeresya ati, “Araabha chimari mwarora ati anye neekirisya Raatabhugenyi Yeesu, ambe enibhakuma iika ewaani mwinyanje.” ˆNaachisegera muno ati chigende ewaaye.

Barumi 16:23

Gaayo unu anye Pawuro niikaaye ewaaye, wone kaabhakeesya. Iika ewaaye niwo abheekirisya bhoone bha rikanisa rya endanu abheekofyanya. Ka wone, Erasito unu ari mubhiiki wa jipirya ja omusi gunu, kaabhakeesya. Ku‑bhuteero, omuyiri weeswe Kwarito kaabhakeesya. [

1 Bakorinto 9:17

Araabha naakabheeye ninkora omurimu gunu mu‑kwenda kwani omwene, nakeeyikanyiisye okubhona omuyeero. Nawe jitari kutyo kw‑anye, kwa okubha Nyamuwanga anaaye omurimu gunu mu‑kwenda kwaye, korereki nigukore.

Baeburania 6:10

Nyamuwanga ni murengeresi, atakutura okurabhirwa ebhikorwa bhya ekisi bhinu mukorere. Ka wone atakutura okurabhirwa eryenda rinu ꞉mweresiisye inguru yaaye ku‑njira ya okusakira abheekirisya abheejaanyu okusookerera ku‑bhwambiro okukingira woori.

2 Yoana 1:8

Woori, emwe abheene, mwiyangarire, korereki mwasiga okufwirwa‑mo ku‑mirimu jinu mukorere imbere ya Nyamuwanga, tari muramire echiyaanwa chikobhere.