Matayo 10:28 - Indagano Inyaaya mu-Chijita

²⁸ Mwasiga okuubhaya abhaanu bhanu abhatura okwita omubhiri era, nawe bhatakutura okwita omwoyo. Emwe muubhayega Nyamuwanga eenyere, kwa okubha omwene niwe kaatura okusingaarisya omubhiri na omwoyo mu‑muriro gwa akajaanende koone.

INDAGANO INYA:YA

²⁸ Amwi muto:bayaga banu abe:ta omubiri, nawe batakutura kwita omwoyo. Nawe mu:bayega unu katura okusimagisya omwoyo no mubiri byone mu muriro gunu gunyatasima.

Matayo 10:28 ပူးပေါင်းရင်းမြစ်များ

Matayo 10:26

“Mbe, musigega okuubhaya abhaanu abho. Okubha echiinu choonechoone chinu chibhisirwe, chiriswerurirwa, ka wone imbisike yooneyoone, irimenyekana.

Matayo 25:46

“Kurwa ejo, abhakosi bha ebhibhiibhi abho, bharigenda okuramira jimbuma ja akajaanende koone. Nawe abharengeresi imbere ya Nyamuwanga, abho bhariingira mu‑bhuwanga bhwa akajaanende koone.”

Matayo 5:22

Nawe anye enibhabhwira ati, omuunu woonewoone unu kaasoka oweejaabho, kaakenwa aramurwe. Ka wone, woonewoone unu kaafuma oweejaabho ati, ni mutaamutaamu, omwene wone kaakenwa aramurwe kw‑ibharaja rikuru rya Abhayawudi. Omuunu woonewoone unu kaafuma oweejaabho ati, ni mumuumu, kaakenwa eeswe mu‑muriro gwa akajaanende koone!

Yowana 5:29

bharisuuruka na okusooka mu‑fwa jeebhwe. Abhaanu bhanu bhaakoraga emisango ja ekisi, bhariyaanwa obhuwanga bhwa akajaanende koone, nawe bhanu bhaakoraga ebhibhiibhi, bhariramurwa.”

Ebikorwa 21:13

Nawe omwene ˆnaachisubhya ati, “Ni kurwa ki omurira, omwenda okunyita omwoyo. Niikirisiisye, kutari okubhoywa era Yerusareemu awo, tari noorwo okufwa inguru ya risiina rya Raatabhugenyi Yeesu.”

Baeburania 10:31

Ni musango gwa okuubhaya muno omuunu okugwa mu‑mabhoko ga Nyamuwanga omuwanga.

Baeburania 11:35

Eriikirisya niryo ꞉ryakorere abhagasi abharebhe nibharamira rindi abhayiri bheebhwe bhanu bhaariga bhaafuuwe, nawe nibhasuuruka. Abhandi bhawutaasiibhwe muno na okwitwa. ꞉Bhateekirisiisye okusuruumurwa, kwa okubha bhaariga nibheeyikanya ati Nyamuwanga aakabhasuuruuye, korereki bhabhone obhurame bhwa ekisi muno.

Yakobo 4:12

Nyamuwanga omwene, niwe ateeye‑wo ebhiraagiro na niwe omuramusi waabhyo. Niwe kaatura okuchungura amwi okusingaarisya. Nawe, awe niga, okukingira okuramura oweejaanyu?

1 Petero 3:14

Nyamuwanga aribhayaana amabhando araabha omunyaaka kwa okubha omukora ja obhurengeresi. Kurwa ejo, musige okuyaya noorwo musige okuubhaya bhanu abhabhanyaasya, tari mukusye Raatabhugenyi Yeesu Kirisito mu‑myoyo jeemwe.

Obhusweruro 2:10

Musige okuubhaya ebhinyaasyo bhinu bhiribhaaja‑ko. Muringire! Syetaani aribharegeeja kwa okutuura abhandi agati yeemwe mw‑ibhoyero. Emwe murinyaaka siku ekumi. Nawe mubhe abheeyikanyibhwa kw‑anye noorwo okukingira mufwe, anye niribhayaana orutengya rwa obhuwanga bhwa akajaanende koone.