Matayo 10:27 - Indagano Inyaaya mu-Chijita

²⁷ Emisango joone jinu enibhabhwira mu‑mbisike, mujiraasyega abhwerubhweru ku‑bhaanu bhoone, korereki bhajuungwe. Ka wone, joone jinu naabhabhwiraga kwa okubhobhootera, mujiraasyega kwa obhuraka bhunene.

INDAGANO INYA:YA

²⁷ Cinu enibabwirira mu cisu:te, muca:ikirirega mu bweru. Na cinu omungwirwa mu kutwi, muca:ikirirega inguru ku nyumba.

Matayo 10:27 ပူးပေါင်းရင်းမြစ်များ

Matayo 24:17

Omuunu unu aribhaga ariinyire ku‑rusara, aasiga okwika okugega ebhiinu bhyaye.

Ruuka 12:3

Emisango jinu omwayika mu‑mbisike, abhaanu bharijuungwa abhwerubhweru. Omusango gunu omwayika kwa okubhobhootera mu‑bhisago, guriraasibhwa kwa obhuraka bhunene, korereki abhaanu bhaguungwe.

Ruuka 8:10

Omwene ˆnaabhasubhya ati, “Kara emisango ja obhukama bhwa Nyamuwanga jaariga jiiserekere. Emwe muri na amabhando, kwa okubha Nyamuwanga aabhaswerurira abhwerubhweru emisango ejo, korereki mujisombookerwe. Nawe abhandi, enibhabhwira kwa ebhijekekanyo, korereki jikuumire jinu omuragi Iisaya ꞉aayikire ati, ‘Omwanya gunu abharingira, bhabhe wuti bhatakurora. Noorwo kutyo abhoongwa, bhabhe wuti bhatakusombookerwa.’

Yowana 16:1

“Naabhabhwira joone ejo korereki mwasiga okusiga eriikirisya ryemwe.

Yowana 16:13

Mwoyo wa echimari oyo, aribha aaja kw‑imwe, aribhatangasya okusombookerwa echimari choone. Ataryayika ku‑bhuturo bhwaye omwene, tari aryayika jinu aryungwa na okubhabhwira jinu jirikorekana.

Yowana 16:25

“Naabhabhwira emisango ejo joone ku‑bhijekekanyo. Omwanya oguuja gunu nitaryayika na emwe ku‑bhijekekanyo, nawe niribhabhwira abhwerubhweru inguru ya Raata.

Yowana 16:29

Mbe abheeyigisibhwa bhaaye nibhamubhwira ati, “Woori waamba okwayika na eswe abhwerubhweru, noorwo jitari ku‑bhijekekanyo!

Ebikorwa 17:17

Kurwa ejo eengiraga mu‑nju ya eriikofyanyo rya Abhayawudi, ˆnaayikanaga na Abhayawudi aamwi na abhandi bhanu bhaaramyaga Nyamuwanga, inguru ya Emisango ja Ekisi ja Yeesu. Wone aaraasyaga ku‑bhaanu bhoone bhanu aariga ˆnaasongʼana mw‑iguriro bhuri rusuku.

Ebikorwa 5:20

“Mugende mwimereeguru mu‑rubhuga rwa Riyekaru, mubhwire abhaanu emisango joone inguru ya obhurame obhuyaaya bhunu!”

Ebikorwa 5:28

“꞉Chaabhagaanyiisye kwa amanaga ati musige okwiyigisya abhaanu inguru ya risiina rya omuunu oyo! Nawe emwe omugenderera okwiyigisya abhaanu emisango jaaye mbaara joone ja Yerusareemu, ka wone mukarariiye okureeta isagama ya omuunu oyo inguru yeeswe!”

2 Bakorinto 3:12

Mbe, kwa okubha obhwo nibhwo obhwiyikanyo bhweswe, echikora kwa ribhaasi.