Matayo 10:23 - Indagano Inyaaya mu-Chijita

²³ Araabha bharibhanyaasya mu‑musi omurebhe, mbe mwirukire mu‑musi ogundi. Ni chimari enibhabhwira ati, mutarimara emirimu jeemwe mu‑misi joone ja Yisirayeeri, anye Omwana wa Omuunu nichaari kuuja.

INDAGANO INYA:YA

²³ Nawe anu baribanya:sya mu musi ogwo, mwirukire mu gundi, kwo kuba ni cimari enibabwira ati, Mutariswisya misi ja Israeli kukinga anu ari:jira Omwana wo mu:nu.

Matayo 10:23 ပူးပေါင်းရင်းမြစ်များ

Matayo 16:27

Okubha anye Omwana wa Omuunu, niriija aamwi na bhamaraayika bhaani mw‑ikusyo rya Raata waani. Niwo niririya bhuri muunu okuruubhana na ebhikorwa bhyaye.

Matayo 16:28

Ni chimari enibhabhwira ati, bhari‑wo abhaanu abharebhe mw‑imwe anu, bhanu bhatarifwa bhachaari okundora anye Omwana wa Omuunu, niniija mu‑bhukama bhwani.”

Matayo 2:13

Abhasombookerwa bha jinjota abho bhejire bhaasooka awo, awoawo maraayika wa Raatabhugenyi ˆnaasoromokera Jejefu mu‑chirooto, ˆnaamubhwira ati, “Iimuka! Gega omwana na nyiramwene, mwirukire mu‑chaaro cha Miisiri. Mubhe eyo, okukingira omwanya gunu niribhabhwira ati musubhe, kwa okubha Yeroode kaja okuyenja omwana oyo, korereki amwite.”

Matayo 23:34

“Ringira, nikwo okukora, enibhatumira abharagi bha Nyamuwanga, abhaanu bhanu abhasombookerwa kisi Ebhikaame Ebhyeru, na abheeyigisya bha ebhiraagiro bhya Nyamuwanga. Nawe abhaanu abharebhe ku‑bheene, muribheeta na okubhabhamba ku‑musarabha. Abhandi muribhabhuma na jijaridi mu‑nju ja ameekofyanyo geemwe, na abhandi muribharuubhirira mu‑bhuri musi na okubhanyaasya.

Matayo 23:36

Ni chimari enibhabhwira ati, Nyamuwanga ariramura abhaanu bha riyimbo rinu ku‑songa ya ebhibhiibhi ebhyo bhyone.”

Matayo 24:27

Mumenye ati okuuja kwani anye Omwana wa Omuunu, kuribha kwa okutakya. Jiribha rwa kutyo orurabhyo orubhonekana awoawo ebhuwuruka esuubha, na kwiya rumwi okukingira ebhugwa esuubha.

Matayo 24:30

“Ku‑mwanya ogwo, echibharikisyo cha Omwana wa Omuunu chiribhonekana ku‑rutumba, na abhaanu bha amaanga goone bharyamba okurira kwa okuyaya. Runu niriija, abhaanu bhoone bharindora niri mu‑meere niri na amanaga na rikusyo rikuru.

Matayo 24:34

Ni chimari enibhabhwira ati, riyimbo rinu ritariwaa‑wo emisango ejo joone jichaari okukorekana.

Matayo 24:48

“Nawe omugaya omubhiibhi ni urya keeganirisya mu‑mwoyo gwaye ati, ‘Mwami waani arikoora okusubha.’

Matayo 25:13

Awo Yeesu ˆnaamariisya kwa okwayika ati, “Mbe, mwiyangarire, kwa okubha mutakumenya orusuku noorwo isaa inu nirisubha.”

Matayo 26:64

Yeesu ˆnaamusubhya ati, “Naawe omwayiki. Nawe enibhabhwira ati okwambira woori, murindora anye Omwana wa Omuunu niinyanjire orubhaara rwa ebhuryo rwa Nyamuwanga owa amanaga goone. Ka wone murindora omwanya gunu niriija niri mu‑meere okusooka mu‑rwire.”

Matayo 4:12

Mbe, Yeesu ejire oongwa ati, Yowana Omubhatiija abhoyerwe mw‑ibhoyero, Yeesu ˆnaagenda mu‑mukoowa gwa Gariraaya.

Mariko 13:26

“Niwo abhaanu bhoone bharindora anye Omwana wa Omuunu niniija niri mu‑meere na amanaga maafu na rikusyo.

Ruuka 18:8

Enibhabhwira ati, kaja okubhayaana rirenga rwebhwe bhwangwe. Nawe, anye Omwana wa Omuunu omwanya gunu nirisubha ku‑chaaro, angu nirisongʼana abhaanu bhachaanyikirisyaga?”

Ruuka 21:27

“Awo niwo murindora anye Omwana wa Omuunu, niniija mu‑riire, niri na amanaga na rikusyo ryafu.

Yowana 7:1

Ejo jejire jaawa, Yeesu ˆnaamba okwiyinda mu‑mukoowa gwa Gariraaya. ꞉Ateendere okwiyinda mu‑mukoowa gwa Yuudeya, kwa okubha abhatangasya bha Abhayawudi bhaayenjaga okumwita.

Ebikorwa 17:10

Omwanya gwa mu‑ngeta irya, abheekirisya nibhasira bhwangwe Pawuro na Siira mu‑musi gwa Bherooya. Bhejire bhaakinga eyo, nibheengira mu‑nju ya eriikofyanyo rya Abhayawudi.

Ebikorwa 17:14

Awo abheekirisya abheejaabho nibhagega Pawuro, nibhamusira ku‑njekekera ya inyanja. Nawe Siira na Timoteewo abheene nibhasigara Bherooya awo.

Ebikorwa 20:1

Injogere ya Yefeeso awo, yejire yaatemekera, Pawuro ˆnaabhirikira abheeyigisibhwa bheende‑wo. Ejire aamara okubhafungʼamya, ˆnaabharaga, ˆnaagenda mu‑mukoowa gwa Makedooniya.

Ebikorwa 8:1

Bhejire bhaamara okumwita, abhaanu bhanu bhaagayukaga Nyamuwanga nibhasiika Tefwano na okumuririra muno. Orusuku runu Tefwano ꞉eetirwe, abheekirisya bha Yerusareemu nibhaamba okunyaasibhwa muno. Abhaafu mu‑bheene nibhabhirima, nibhanyaragana mu‑mikoowa ja Yuudeya na Samaariya. Yerusareemu awo ꞉jaasigaaye‑wo jitumwa ja Yeesu.