Matayo 10:22 - Indagano Inyaaya mu-Chijita

²² Abhaanu bhoone bharibhasoka ku‑songa yaani. Nawe, omuunu woonewoone unu ariigumiirisya okukingira ku‑bhuteero, niwe Nyamuwanga arichungura.

INDAGANO INYA:YA

²² Aba:nu bo:ne baribasoka emwe kurwa risi:na ryani. Nawe unu ari:kome:sya kukinga ku bute:ro, niwe arikira.

Matayo 10:22 ပူးပေါင်းရင်းမြစ်များ

Matayo 10:39

Omuunu woonewoone unu keenda okwiwonʼya omwene, aribhusya obhuwanga bhwa akajaanende koone. Nawe omuunu woonewoone unu kaabhusya obhurame bhwaye inguru yaani, niwe aribhona obhuwanga bhwa akajaanende koone.

Matayo 24:13

Nawe omuunu woonewoone unu ariigumiirisya okukingira ku‑bhuteero, niwe Nyamuwanga arichungura.

Matayo 24:9

Ku‑mwanya ogwo, abhaanu bharibhaga nibhabhanyaasya na okubheeta na abhaanu bha amaanga goone bharibhasoka kwa okubha muri bharuubhirisya bhaani.

Matayo 5:11

“Emwe muri na ribhando araabha abhaanu abhabhafuma, abhabhanyaasya na okubhakuurisya omusango gwonegwone omubhiibhi ku‑songa yaani.

Mariko 13:13

Abhaanu bhoone bharibhasoka, isonga iri ati omunduubha. Nawe, unu ariigumiirisya okukingira ku‑bhuteero, oyo niwe arichunguka.”

Ruuka 21:17

Abhaanu bhoone, bharibhasoka ku‑songa yaani.

Ruuka 21:19

Obhurame bhwemwe bhurichungurwa, mu‑kwigumiirisya kwemwe.

Ruuka 6:22

Muri na ribhando emwe, araabha abhaanu abhabhasoka na okubhakindika, abhaja okubhafuma na okubhabhwira ati, emwe muri bhajabhi, inguru yaani anye Omwana wa Omuunu.

Ruuka 8:15

“Jimbibho jinu ꞉jaaguuwe mu‑mayaru ga ekisi, ejisusanyibhwa na abhaanu bhanu abhoongwa omusango gwa Nyamuwanga, nibhagugwata mu‑mwoyo gwa echimari, na mu‑bhwigumiirisya bhwebhwe abhatwasya amatwasyo omwanya gwone.

Yowana 17:14

Naabhabhwira emisango jinu unaaye. Nawe abhaanu bha ku‑chaaro kunu abhabhasoka, kwa okubha abheeyigisibhwa bhaani bhatari bha ku‑chaaro kunu, rwa kutyo anye nitari wa ku‑chaaro kunu.

Yowana 7:7

Abhaanu bha ku‑chaaro kunu, bhatari na injuno ya okukora bhabhasoke. Nawe abhansoka anye, kwa okubha enibhabhwira ati, ebhikorwa bhyebhwe ni bhibhiibhi.

Ebikorwa 9:16

Anye omwene enija okumweresya kutyo arinyaasibhwa muno inguru ya risiina ryani.”

Barumi 2:7

Nyamuwanga ariyaana obhuwanga bhwa akajaanende koone abhaanu bhanu abheegumiirisya mu‑kukora ja ekisi okuyigwa wuri, inguru ya okuyenja rikusyo na echibharo na obhuwanga bhunu bhutakunyamuka okusooka ku‑mwene.

2 Bakorinto 4:11

Eswe bhanu chiri bhaanga, echiribhata na orufu omwanya gwone inguru ya Yeesu, korereki obhuwanga bhwaye, bhubhuurisibhwe ku‑mibhiri jeeswe jinu ejifwa.

Bagalatia 6:9

Kurwa ejo, chisige okuyigwa okukora ebhikorwa bhya ekisi! Araabha echiigumiirisya mu‑kukora ja ekisi, chirigesa ja ekisi omwanya gwa okugesa gukakinga.

Baeburania 3:14

Okubha chiri na obhumwi na Kirisito araabha chikagenderera okwiyikanya Nyamuwanga okukingira ku‑bhuteero, rwa kutyo chamwiyikanyaga ku‑bhwambiro.

Baeburania 6:11

Eniigomba muno ati bhuri umwi weemwe eeresyega okwikomeesya okwookwo okukingira ku‑bhuteero, korereki muramire joone jinu omwiyikanya.

Yakobo 1:12

Ari na ribhando omuunu unu keegumiirisya omwanya gunu kaaregeejibhwa, kwa okubha omwanya gunu ariyiga amaregeejo ago, Nyamuwanga arimuyaana orutengya rwa obhuwanga bhwa akajaanende runu ꞉aaragire okuyaana bhoone bhanu abhamwenda.

1 Yoana 3:13

Kurwa ejo, abheekirisya abheejaasu, mwasiga okuruguura araabha abhaanu bhanu bhatakugayuka Nyamuwanga bhaakabhasoka.

Obhusweruro 2:10

Musige okuubhaya ebhinyaasyo bhinu bhiribhaaja‑ko. Muringire! Syetaani aribharegeeja kwa okutuura abhandi agati yeemwe mw‑ibhoyero. Emwe murinyaaka siku ekumi. Nawe mubhe abheeyikanyibhwa kw‑anye noorwo okukingira mufwe, anye niribhayaana orutengya rwa obhuwanga bhwa akajaanende koone.

Obhusweruro 2:17

Unu kaategeresya, noongwe emisango jinu Mwoyo Mweru kaabhwira amakanisa. Omuunu woonewoone unu ariyiga, nirimuyaana ribhaara rya ebhiryo bhya emanu inu ibhisirwe. Nirimuyaana wone ribhuyi eryeru. Ribhuyi eryo rikaamirwe‑ko risiina riyaaya. Atari‑wo omuunu unu arimenya risiina eryo, tari unu ariyaanwa ribhuyi eryo.

Obhusweruro 2:26

Omuunu woonewoone unu ariyiga na okugenderera okukora okwenda kwani okukingira ku‑bhuteero, nirimuyaana obhuturo bhwa okutunga amaanga goone.

Obhusweruro 2:3

Ka wone, enimenya ati, mwanyaakire muno inguru yaani, nawe mwigumiirisiisye, noorwo woori muchaari okuyigwa.

Obhusweruro 2:7

Unu kaategeresya, noongwe emisango jinu Mwoyo Mweru kaabhwira amakanisa. Woonewoone unu ariyiga, nirimwikirisisya okurya amatwasyo ga riiti rinu erisoosya obhuwanga bhwa akajaanende koone. Riiti eryo riri mu‑rwire mw‑isambu rya Nyamuwanga.

Obhusweruro 3:21

Omuunu woonewoone unu ariyiga, nirimwikirisisya okwinyanja aamwi na anye ku‑chitebhe chaani cha ingʼoma, rwa kutyo anye wone ꞉naayigire, woori niinyanjire na Raata waani ku‑chitebhe chaaye cha ingʼoma.