Matayo 10:2 - Indagano Inyaaya mu-Chijita

² Amasiina ga jitumwa ekumi na bhabhiri abho, nigo ganu, Wa okwamba ni Simooni unu aatogwaga Peetero na Andereya owaabho, Yakobho na Yowana abhamura bha Jebhedaayo,

INDAGANO INYA:YA

² Amasi:na ga jintumwa ni ganu, Owo kwamba Simoni unu atogwaga Petero, na Andereya wabo, Yakobo wa Jebedayo na Yoana wabo.

Matayo 10:2 ပူးပေါင်းရင်းမြစ်များ

Matayo 17:1

Jejire jaatura siku etaanu na rumwi, Yeesu ˆnaagega Peetero, Yakobho na Yowana omumura waabho. ˆNaariinya nabho ku‑chiima echireera muno, anu abhaanu bhaariga bhatari.

Matayo 20:20

Niwo, omugasi wa Jebhedaayo ˆnaaja ku‑Yeesu aamwi na abhaana bhaaye bhabhiri, ˆneefukama imbere yaaye, ˆnaamusabhwa amukorere omusango gumwi.

Matayo 26:37

ˆNaagega Peetero aamwi na abhamura bhabhiri bha Jebhedaayo. ˆNaamba okusurumbara na okunyaaka muno mu‑mwoyo gwaye.

Matayo 4:18

Omwanya gunu Yeesu aaribhataga ku‑njekekera ya inyanja ya Gariraaya, ˆnaarora abhakokoosi bhabhiri, Simooni unu aatogwaga Peetero na Andereya omumura waabho. Abhakokoosi abho bhaariga nibheesa rigoobhe mu‑nyanja korereki bhatege jiiswi.

Matayo 4:21

Yeesu ejire aafogera‑wo imbere kutooto, ˆnaarora abhaanu abhandi bhabhiri, Yakobho na Yowana omumura waabho, abhaana bha Jebhedaayo. Abhaanu abho bhaariga bhari mu‑ngama aamwi na esemwene, nibhasobhooraga amagoobhe geebhwe. Yeesu ˆnaabhabhirikira bhamuruubhe.

Mariko 1:29

Yeesu na abheeyigisibhwa bhaaye abho, bhejire bhaasooka mu‑nju ya eriikofyanyo rya Abhayawudi, nibhagenda wa Simooni na Andereya.

Mariko 13:3

Omwanya gunu Yeesu aariga eenyanjire ku‑chiima cha Emijeyituuni, asomekeenega na Riyekaru rya Nyamuwanga, Peetero, Yakobho, Yowana na Andereya nibhamujaa‑ko. Nibhamubhuusya bhumbise ati,

Mariko 6:30

Omwanya gunu jitumwa ekumi na bhabhiri bharya ꞉bhaasubhire, ꞉bheekofyanyiisye ku‑Yeesu, nibhamubhwira emisango joone jinu ꞉bhaakorere, na okwiyigisya abhaanu.

Ruuka 11:49

“Nikwo okukora Nyamuwanga ꞉aayikire ku‑bhwengeeso bhwaye ati, ‘Enibhatumira abharagi bha Nyamuwanga na jitumwa. Nawe abhandi bhariitwa, na abhandi bharinyaasibhwa.’

Ruuka 22:14

Omwanya gwa okurya gwejire gwakinga, Yeesu ˆneenyanja okurya ebhiryo aamwi na jitumwa.

Ruuka 22:8

Yeesu ˆnaatuma Peetero na Yowana, ˆnaabhabhwira ati, “Mugende muchiiraabhire ebhiryo bhya Okwambuka, korereki chiije chibhirye bhoone aamwi.”

Ruuka 5:10

Mu‑ngama eyindi irya, aariga ari‑mo Yakobho na Yowana, abhaana bha Jebhedaayo. Abhamura abho bhaariga nibhasangira aamwi na Simooni emirimu ja okutega. Bhoone abho nibharuguura inguru ya jinu ꞉jaakorekeene. Yeesu ˆnaabhwira Simooni ati, “Siga okuubhaya! Okwambira woori owuja okubha nuwukumanyisya abhaanu rwa kutyo waariga nuutega jiiswi.”

Ruuka 9:10

Jitumwa ejo bhejire bhaasubha ku‑Yeesu, nibhamutondera joone jinu ꞉bhaakorere. ˆNaagega jitumwa ejo, nibheemuka okugenda mu‑musi gunu gwariga nigutogwa ati Bhetisaayida.

Yowana 12:22

Firipo ˆnaagenda okubhwira Andereya emisango ejo, niwo bhoone ku‑bhubhiri bhwebhwe nibhagenda okubhwira Yeesu.

Yowana 13:23

Aariga ari‑wo omwiyigisibhwa umwi, unu Yeesu aariga eendere muno. Omwiyigisibhwa oyo, omwanya gwa okurya, aariga eenyanjire ayeeyi muno na Yeesu.

Yowana 20:2

Mbe, ˆnaabhirima okusooka arya, ˆnaagenda ku‑Simooni Peetero na ku‑mwiyigisibhwa unu Yeesu aariga eendere muno. ˆNaabhabhwira ati, “Abhaanu bhasoosiisye omutumbi gwa Raatabhugenyi weeswe okusooka mu‑fwa, ka wone chitakumenya anu bhaagutuura!”

Yowana 21:2

Simooni Peetero, Tomaasi unu bhaamubhirikiraga ati, Marongo, Natanayeri unu ꞉aasookereeye Kaana mu‑Gariraaya, abhaana bhabhiri bha Jebhedaayo, na abheeyigisibhwa abhandi bhabhiri bhaariga bhari aamwi.

Yowana 21:20

Mbe, Peetero ˆneekebhuukira, ˆnaarora omwiyigisibhwa unu Yeesu aariga eendere muno, ˆnaabharuubhaga. Omwiyigisibhwa oyo, omwanya gwa okurya niwe aariga eenyanjire ayeeyi muno na Yeesu, na okumubhuusya ati, “Raatabhugenyi awe, niga unu kaja okukuromera iniku?”

Yowana 21:24

Omwiyigisibhwa oyo niwe urya ꞉aasoosiisye obhubhambaasi inguru ya emisango jinu na okujikaama. Eswe chimenyere ati jinu ꞉aayikire ni ja chimari.

Yowana 6:67

Niwo Yeesu ˆnaabhuusya abheeyigisibhwa ekumi na bhabhiri bharya ati, “Angu, emwe wone omwenda okunsiga?”

Yowana 6:70

Niwo Yeesu ˆnaabhabhwira ati, “꞉Naasorere emwe ekumi na bhabhiri okubha abheeyigisibhwa bhaani, nawe owumwi weemwe ni wa Syetaani.”

Yowana 6:71

Mu‑kwayika kutyo, Yeesu aariga ˆnaayikira Yuuda, omwana wa Simooni Isikariyooti. Yuuda oyo, niwe ꞉aaromeeye Yeesu iniku, noorwo kutyo aariga ari umwi mu‑bheeyigisibhwa bha Yeesu ekumi na bhabhiri.

Yowana 6:8

Niwo Andereya, unu aariga ari mwiyigisibhwa owundi wa Yeesu, ka wone aariga ari mumura waabho Simooni Peetero, ˆnaabhwira Yeesu ati,

Ebikorwa 1:13

Bhejire bhaakinga mu‑musi gwa Yerusareemu, nibhagenda nibhariinya mu‑chisago cha mu‑bhutingo munu bhaariga bheekaaye kwa siku nooto. Jitumwa ejo nibho bhanu, Peetero, Yowana, Yakobho, Andereya, Firipo, Tomaasi, Bhatoromaayo, Mataayo, Yakobho omwana wa Arufwayo, Simooni unu aariga ari Omujeroote na Yuuda omwana wa Yakobho.

Ebikorwa 1:26

Bhejire bheeya, nibheetongya, ikuura niigwira Maatiya, ˆnaagwatanyibhwa na jitumwa jirya ekumi na umwi.

Ebikorwa 12:2

ˆNaaramura ati, Yakobho owaabho Yowana eetwe kwa imbanda.

Ebikorwa 3:1

Rusuku rumwi, Peetero na Yowana bhaariga nibhagenda mw‑Iyekaru saa etaanu na ena mu‑mwisi. Ogwo nigwo gwariga guri mwanya gwa okusabhwa Nyamuwanga.

1 Bakorinto 15:7

Niwo ˆnaasoromokera Yakobho, ka wone ˆnaasoromokera jitumwa joone.

Baefeso 4:11

Omwene niwe ꞉aawuuwe abhaanu abhandi okubha jitumwa, abhandi abharagi, abhandi abharaasya, abhandi abhareefi na abheeyigisya.

Baeburania 3:1

Mbe, abhayiri bhaani mu‑riikirisya, emwe bhanu Nyamuwanga abhirikiiye aamwi na eswe okubha abhaanu bhaaye, mwiganirisye inguru ya Yeesu. Omwene oyo niwe Itumwa ya Nyamuwanga ka wone niwe Omugabhisi Omukuru wa emisango jinu echiikirisya.

1 Petero 1:1

Inyarubha inu niikaamire anye Peetero, itumwa ya Yeesu Kirisito. Enikaamira emwe abhaanu bhanu musorerwe na Nyamuwanga, bhanu munyarageene rwa abhagenyi mu‑mikoowa ja Pooto, Garaatiya, Kapadookiya, Asiya na Bhitiniya.

2 Petero 1:1

Inyarubha inu niikaamire anye Simooni Peetero, omukosi na itumwa ya Yeesu Kirisito. Enikaamira emwe bhanu muyaaywe eriikirisya riryarirya rya obhurambu rinu eswe wone chibhwene, okutura rirenga rya Nyamuwanga na Omuchungusi weeswe Yeesu Kirisito.

2 Yoana 1:1

Anye omukaruka weemwe mu‑riikirisya, enikukaamira awe omusubhaati omwendwa unu usorerwe na Nyamuwanga, aamwi na abhaana bhaawo. Ni chimari nibheendere bhoone. Nitari anye omwene era unu nibheendere, tari na abhaanu bhoone bhanu abhamenya echimari.

3 Yoana 1:1

Anye omukaruka waawo mu‑riikirisya, enikukaamira awe Gaayo omwendwa waani. Chimari nikwendere.

Obhusweruro 1:1

Bhunu nibhwo obhusweruro bhwa Yeesu Kirisito. Nyamuwanga ꞉aamusweruriiye, korereki eeresye abhakosi bhaaye emisango jinu ni bhusibhusi jikorekane bhwangu. Yeesu wone ˆnaaragirira maraayika waaye okunnyeeresya emisango ejo anye omukosi waaye Yowana.

Obhusweruro 1:9

Anye Yowana niri omuyiri waanyu mu‑riikirisya. Echisangira aamwi mu‑bhwigumiirisya ebhinyaasyo inguru ya Yeesu na obhukama bhwaye. Naariga nisirirwe kw‑isinga rinu eritogwa ati Paatimo. ꞉Naasirirwe kw‑isinga eryo rwa omubhoywa ku‑songa ya okuraasya omusango gwa Nyamuwanga na okusoosya obhubhambaasi inguru ya Yeesu.

Obhusweruro 18:20

Mukonderwe emwe bhanu mwikaaye mu‑rwire. Mukonderwe, emwe abheeru bha Nyamuwanga, jitumwa na abharagi, kwa okubha Nyamuwanga aasoosya indamu ku‑musi ogwo ku‑jinu ꞉gwabhakoreeye.

Obhusweruro 22:8

Anye Yowana, naanye ꞉noonguuwe na okurora emisango ejo. Nejire naajuungwa na okujirora, ꞉naaguuwe bhwifumbike ku‑maguru ga maraayika unu ꞉aanyeresiisye emisango ejo, korereki nimuramye.