Matayo 10:1 - Indagano Inyaaya mu-Chijita

¹ Neeya, Yeesu ˆnaabhirikira abheeyigisibhwa bhaaye ekumi na bhabhiri, ˆnaabhayaana obhuturo bhwa okusoosya‑ko amasambwa na obhwa okuwosya abhaanu abha amarwara ga bhuri mbaga.

INDAGANO INYA:YA

¹ Nabirikira abe:igisibwa bae ekumi na babiri, nabayana obuinga ku misambwa emijabi okujiirisya, no kuosya jindwara jo:ne no burwaririsi bwone.

Matayo 10:1 ပူးပေါင်းရင်းမြစ်များ

Matayo 19:28

Yeesu ˆnaabhasubhya ati, “Ni chimari enibhabhwira ati, anye Omwana wa Omuunu niriinyanja rwa omukama ku‑chitebhe chaani cha rikusyo mu‑chaaro echiyaaya. Niwo emwe wone bhanu munduubhire, muriinyanja ku‑bhitebhe bhya obhutungi ekumi na bhibhiri, okuramura jingʼanda ekumi na ebhiri ja Abhayisirayeeri.

Matayo 26:20

Yejire yaakinga keegoro, Yeesu na abheeyigisibhwa bhaaye ekumi na bhabhiri nibheenyanja okurya ebhiryo bhya Okwambuka.

Matayo 26:47

Omwanya gunu Yeesu aariga achaaroma emisango ejo, ringira Yuuda, umwi ku‑bheeyigisibhwa bhaaye ekumi na bhabhiri, ˆnaaja aamwi na echise echinene cha abhaanu abha jimbanda na jindungu. Echise echo chaariga chitumirwe na abhakuru bha abhagabhisi na abhakuru bha Abhayawudi.

Matayo 4:23

Yeesu aaturaga enu na erya mu‑mukoowa gwone gwa Gariraaya. Eengiraga mu‑nju ja ameekofyanyo ga Abhayawudi na okwiyigisya abhaanu omwo. Aariga wone ˆnaaraasisya abhaanu Emisango ja Ekisi inguru ya obhukama bhwa mu‑rwire na okuwosya abhaanu abha amarwara ga mbaga nyafu.

Matayo 6:13

Waasiga okuchiingisya mu‑maregeejo, nawe uchichungure okusooka ku‑Mubhiibhi urya, [kwa okubha obhukama, amanaga na rikusyo, ni bhyawo akajaanende koone! Jibhe kutyo!]’”

Matayo 9:35

Mbe, Yeesu aaturaga enu na erya mu‑misi joone na mu‑nguuyo. Woonewoone anu aariga ˆnaatura, eengiraga mu‑nju ja ameekofyanyo geebhwe na okwiyigisya abhaanu. Ka wone, aaraasyaga Emisango ja Ekisi inguru ya obhukama bhwa mu‑rwire na okuwosya abhaanu abha amarwara ga bhuri mbaga.

Matayo 9:38

Kurwa ejo, musabhwe Raatabhugenyi omwene esambu, korereki oongesye abhakosi abhandi mw‑isambu ryaye bhaje okugesa.”

Ruuka 10:19

Mbe, mumenye ati, naabhayaaye obhuturo bhwa okuyiga amanaga goone ga omusoko oyo. Ku‑bhuturo obhwo, muribhaga nimutaja jinjoka na jinge, na chitari‑wo choonechoone chinu chiribhawutaasya wuri.

Ruuka 21:15

Anye omwene, niribhayaana obhwengeeso, na emisango jinu muryayika, abhasoko bheemwe bhataritura okuyaajana najo, noorwo okujirema.

Ruuka 24:49

“Woori muringire, enibhareetera Mwoyo Mweru rwa kutyo Raata waani aariga aragire. Nawe mwikare mu‑musi munu, okukingira omwanya gunu muriyaanwa obhuturo okusooka inguru mu‑rwire.”

Ruuka 6:13

Bhwejire bhwacha, ˆnaabhirikira abheeyigisibhwa bhaaye. Mu‑bheene abho ˆnaawura‑mo ekumi na bhabhiri, abho nibho ˆnaatoga jitumwa jaaye. Jitumwa ejo, nibho bhanu,

Yowana 17:2

Unaaye obhuturo bhwa okutangasya abhaanu bhoone, korereki nibhayaane obhuwanga bhwa akajaanende bhoone bhanu unaaye.

Yowana 3:27

Yowana ˆnaabhasubhya ati, “Omuunu atakutura okubhona echiinu choonechoone, araabha atayaaywe na Nyamuwanga.

Yowana 3:35

Raata Nyamuwanga eendere Omwana waaye, ka wone amuyaaye obhuturo inguru ya ebhiinu bhyone.

Yowana 6:70

Niwo Yeesu ˆnaabhabhwira ati, “꞉Naasorere emwe ekumi na bhabhiri okubha abheeyigisibhwa bhaani, nawe owumwi weemwe ni wa Syetaani.”

Ebikorwa 1:8

Nawe muriramira amanaga omwanya gunu Mwoyo Mweru ariija kw‑imwe, muribha abhabhambaasi bhaani mu‑Yerusareemu na mu‑mbaara ejindi joone ja echaaro cha Yuudeya na echa Samaariya, na okukingira ku‑bhuteero bhwa echaaro choone.”

Ebikorwa 19:15

Nawe risambwa niribhasubhya ati, “Yeesu nimumenyere, Pawuro wone nimumenyere, ka emwe neemwe bha ga?”

Obhusweruro 12:1

Niwo, inguru ku‑rutumba eyo, nichibha‑wo echibharikisyo cha okuruguusya muno. Ku‑rutumba okwo aariga ari‑ko omugasi unu aariga afwaye risuubha na amaguru gaaye gaariga gatajire ku‑kwesi. Ka wone, ku‑mutwe gwaye aariga afwaye orutengya runu ruri na jinjota ekumi na ebhiri.