Matayo 1:18 - Indagano Inyaaya mu-Chijita

¹⁸ Woori, emisango ja okwibhurwa kwa Yeesu Kirisito, ꞉jaakorekeene ku‑njira inu. Maryamu nyiramwene Yeesu, aariga ari‑kwo obhuko na omuunu umwi ˆnaatogwaga Jejefu. Nawe bhachaari okutwarana, Maryamu ˆneefurwa ari na inda ku‑bhuturo bhwa Mwoyo Mweru.

INDAGANO INYA:YA

¹⁸ Okwiburwa kwa Yesu Kristo kwariga kuri kutya. Maryamu nyiramwene, anu ariga acasandwa na Yusufu, bariga bacari kutwarana, nibamurora ajirire inda yo Mwoyo Omweru.

Matayo 1:18 ပူးပေါင်းရင်းမြစ်များ

Matayo 1:1

Ganu nigo amasiina ga oruganda rwa Yeesu Kirisito. Yeesu Kirisito ꞉aasookereeye mu‑ruganda rwa omukama Dawudi, mu‑rwibhuro rwa Bhurayimu.

Matayo 12:46

Omwanya gunu Yeesu aariga achaayika na echise cha abhaanu abho, abhamura bhaabho Yeesu nibhaaja aamwi na nyiramwene, nibheemereeguru anja, nibhakenaga okusimura nage.

Matayo 2:11

Mbe, nibheengira mu‑nju, nibharora omwana aamwi na Maryamu nyiramwene, nibheefukama nibharamya omwana oyo. Nibhasuruumura jisagwa jeebhwe, nibhasoosya‑mo ebhiyaanwa bhya inaaryo, obhubhaani na amafuta amarange, nibhayaana omwana oyo.

Ruuka 1:25

“Raatabhugenyi, niwe aankorera kutya! Anye wone anyichuka na okunsoosya‑ko jiswaro ja obhugumba imbere ya abhaanu.”

Ruuka 2:5

Jejefu ꞉aagendere okubharwa na Maryamu unu aariga ateeye‑ko obhuko. Maryamu oyo aariga afugaaye.

Baeburania 10:5

Kurwa ejo omwanya gunu Kirisito ꞉eejire ku‑chaaro chinu, ꞉aabhwiriiye Nyamuwanga ati, “Awe ꞉uteendere echiyaanwa noorwo echoogo, tari wiiraabhire omubhiri gwani okubha echoogo.

Baeburania 7:26

Omugabhisi Omukuru wa imbaga eyo keendwa muno kw‑iswe, kwa okubha omwene ni Mweru, atari na esoro, noorwo ꞉ataakorere echibhiibhi choonechoone. Nyamuwanga ꞉aamukindikire okusooka ku‑bhakosi bha ebhibhiibhi, ˆnaamwinamusya okuja mu‑rwire.