Matayo 1:1 - Indagano Inyaaya mu-Chijita

¹ Ganu nigo amasiina ga oruganda rwa Yeesu Kirisito. Yeesu Kirisito ꞉aasookereeye mu‑ruganda rwa omukama Dawudi, mu‑rwibhuro rwa Bhurayimu.

INDAGANO INYA:YA

¹ Ecitabo co bwiburwa bwa Yesu Kristo, Omwana wa Daudi, Omwana wa Iburaimu.

Matayo 1:1 ပူးပေါင်းရင်းမြစ်များ

Matayo 1:18

Woori, emisango ja okwibhurwa kwa Yeesu Kirisito, ꞉jaakorekeene ku‑njira inu. Maryamu nyiramwene Yeesu, aariga ari‑kwo obhuko na omuunu umwi ˆnaatogwaga Jejefu. Nawe bhachaari okutwarana, Maryamu ˆneefurwa ari na inda ku‑bhuturo bhwa Mwoyo Mweru.

Matayo 1:2

Bhurayimu ꞉eebhuuye Isaaka, Isaaka ˆneebhura Yakobho, Yakobho ˆneebhura Yuuda na abhamura bhaabho.

Matayo 15:22

Niwo ˆnaabhugana na Omukanaanigasi umwi, aariga ari mwinengo wa enda‑wo. ˆNaaja ku‑Yeesu, ˆnaamura obhuraka, ˆnaamubhwira ati, “Raatabhugenyi, Omwana wa Dawudi, unfwire echigongo! Omuyaasya waani awungirwe risambwa, ryamunyaasiisye muno.”

Matayo 3:16

Omwanya gunu Yeesu ꞉aamarire okubhatiijibhwa, ˆnaariinya okusooka mu‑manji, awoawo orwire nirwiguka, ˆnaarora Mwoyo wa Nyamuwanga ˆneeka inguru yaaye rwa echiguuti.

Matayo 9:27

Yeesu ejire aasooka awo, abhawofu bhabhiri nibhamuruubha, nibhaamura obhuraka nibhaayikaga ati, “Omwana wa Dawudi, echisabhwa uchifwire echigongo!”

Ruuka 1:33

Aribha omukama wa abhaanu bha oruganda rwa Yakobho akajaanende koone. Obhukama bhwaye, bhutariwaa‑wo wuri.”

Yowana 7:42

Jitakaamirwe mu‑Bhikaame Ebhyeru ati, Kirisito arisooka mu‑rwibhuro rwa omukama Dawudi? Ka wone ati, atariibhurirwa Bhetereyeemu, mu‑musi gunu Dawudi ꞉eebhuriiywe‑mo?”

Ebikorwa 2:30

Nawe Dawudi aariga ari muragi na ꞉aamenyere ati Nyamuwanga ꞉aamuragire kwa echirayiro ati, ariinamusya omuunu umwi wa mu‑rwibhuro rwaye okubha omutungi wa obhukama bhwaye.

Barumi 1:3

Emisango ja Ekisi ejo, nijo emisango inguru ya Omwana waaye. Echinyamuunu, ꞉eebhuuywe mu‑ruganda rwa omukama Dawudi,

Barumi 4:13

Nyamuwanga ꞉aaragire Bhurayimu na abhaanu bha orwibhuro rwaye ati, aribhayaana echaaro choone okubha omwandu gwebhwe. Nyamuwanga ꞉ataabharagire kutyo kwa okubha Bhurayimu aariga ˆnaakuumisya ebhiraagiro, tari kwa okubha aariga ˆneekirisya Nyamuwanga na omurago gwaye. Niwo ˆnaabharwa okubha omurengeresi imbere ya Nyamuwanga.

Barumi 9:5

Abhayisirayeeri abho nibho orwibhuro rwa bhasaaja Bhurayimu, Isaaka na Yakobho. Echinyamuunu, noorwo Kirisito ni Muyisirayeeri. Kirisito, niwe Nyamuwanga, Omukuru wa bhyone, akusibhwe akajaanende koone! Jibhe kutyo.

Bagalatia 3:16

Mbe Nyamuwanga ꞉aasoosiisye emirago ku‑Bhurayimu saaja weeswe, aamwi na ku‑mwibhurwa waaye. Ebhikaame Ebhyeru bhitakwayika ati, “Na ku‑bheebhurwa bhaaye,” obhugajuro bhwabhyo ni ati bhatari bhaafu, tari bhyayika ati, “Na omwibhurwa waaye,” obhugajuro bhwabhyo ni ati ni umwi, niwe Kirisito.

1 Timoteo 2:5

Ari‑wo Nyamuwanga umwi era. Wone omugwatanya agati ya abhaanu na Nyamuwanga ni umwi era, niwe omuunu Kirisito Yeesu.

2 Timoteo 2:8

Wiichuke Yeesu Kirisito wa mu‑ruganda rwa omukama Dawudi. Nyamuwanga ꞉aamusuuruuye okusooka mu‑bhafuuwe. Ejo nijo Emisango ja Ekisi jinu eniraasya.

Obhusweruro 22:16

“Anye Yeesu, naanye orwibhuro orukuru rwa omukama Dawudi, naanye eniseekaana rwa inyamaananga. Anye, naanye unu ꞉naatumire maraayika waani mu‑makanisa, korereki abhwire emwe abharuubhirisya bhaani emisango jinu.”