Mariko 9:12 - Indagano Inyaaya mu-Chijita

¹² Omwene ˆnaabhasubhya ati, “Chimari Yeeriya aritangata okuuja, korereki achumechume emisango joone. Aamwi na ejo, kurwa ki jikaamirwe mu‑Bhikaame Ebhyeru ati Omwana wa Omuunu arinyaasibhwa muno na okugaywa?

INDAGANO INYA:YA

¹² Nababwira ati, Eliya cimari kamba oku:ja no kucuma byone, nawe Omwana wo mu:nu andikiywe kutiki ati, arinya:sibwa kwafu no kugaywa?

Mariko 9:12 ပူးပေါင်းရင်းမြစ်များ

Matayo 16:21

Okusookerera omwanya ogwo, Yeesu ˆnaamba okubhwira abheeyigisibhwa bhaaye abhwerubhweru ati ni bhusibhusi agende Yerusareemu na okunyaasibhwa muno. ꞉Aabhabhwiriiye ati abhakuru bha Abhayawudi, abhakuru bha abhagabhisi na abheeyigisya bha ebhiraagiro bhya Muusa, bharimunyaasya okukingira okwitwa. Nawe ku‑rusuku rwa kasatu, arisuuruka.

Matayo 26:24

Anye Omwana wa Omuunu, niriitwa rwa kutyo jikaamirwe mu‑Bhikaame Ebhyeru. Nawe jiribhona omuunu unu arintuura mu‑mabhoko ga abhasoko. Jikabheeye kisi ku‑muunu oyo araabha ataakeebhuuywe!”

Mariko 10:33

ˆNaayika ati, “Ringira, echigenda Yerusareemu. Eyo niyo, anye Omwana wa Omuunu nirituurwa mu‑mabhoko ga abhakuru bha abhagabhisi na abheeyigisya bha ebhiraagiro bhya Muusa. Abho bharindamura ati niitwe. Ku‑bhuteero, bharintuura mu‑mabhoko ga abhaanu bhanu bhatari Bhayawudi.

Mariko 9:13

Nawe enibhabhwira ati, chimari Yeeriya areejire, abheene nibhamukorera emibhiibhi joone jinu bheendaga, rwa kutyo ꞉jaakaamirwe inguru yaaye.”

Mariko 9:31

kwa okubha aariga ˆneeyigisya abheeyigisibhwa bhaaye. ˆNaabhabhwira ati, “Anye Omwana wa Omuunu, nirituurwa mu‑mabhoko ga abhaanu na bhariinyita. Nawe ku‑rusuku rwa kasatu okusookerera okufwa kwani, Nyamuwanga arinsuurura.”

Ruuka 1:76

Woori awe omwana waani, uribha nuwaayikwa ati, uri muragi wa Nyamuwanga unu ari Inguru ya Bhyone, kwa okubha, uritangata imbere ya Raatabhugenyi, korereki asongʼane wamwirabhiiye injira yaaye.

Ruuka 23:11

Yeroode na abhasirikare bhaaye, nibhaamba okusiijaaka Yeesu, nibhamuseka, nibhamufwafya omwingiro gwa echikama. Neeya, Yeroode ˆnaasubhya Yeesu ku‑Piraato.

Ruuka 23:39

Owumwi mu‑bhanyamusi abhabhiri bhanu ꞉bhaabhumiiriiywe ku‑musarabha aamwi na Yeesu, ˆnaafuma Yeesu ˆnaayikaga ati, “Toga awe uri Kirisito? Mbe! Iwonʼya awe omwene! Uchiwonʼye na eswe wone!”

Ebikorwa 1:6

Ku‑mwanya gunu jitumwa ejo bhaariga bhari aamwi na Yeesu, ꞉bhaamubhuusiisye ati, “Raatabhugenyi, omwanya gunu nigwo owuja okusubhisya Abhayisirayeeri obhukama bhwebhwe?”

Ebikorwa 4:11

Niwe unu Ebhikaame Ebhyeru ebhyayika inguru yaaye ati, ‘Ribhuyi rinu emwe abhoombaki ꞉mwaremere, niryo ryabha ribhuyi rinene rya orufuka.’