Mariko 8:34 - Indagano Inyaaya mu-Chijita

³⁴ ˆNaabhirikira echise cha abhaanu aamwi na abheeyigisibhwa bhaaye, ˆnaabhabhwira ati, “Omuunu woonewoone unu keenda okunduubha, keendwa eeyigaane omwene, abhature omusarabha gwaye, anduubhe.

INDAGANO INYA:YA

³⁴ Nabirikira ecise aamwi na be:igisibwa bae, nababwira ati, Omu:nu akenda okundu:ba, e:ganya omwene, e:twike omusaraba gwae, andu:be.

Mariko 8:34 ပူးပေါင်းရင်းမြစ်များ

Matayo 10:38

Omuunu unu atakwenda okugega omusarabha gwaye na okunduubha, oyo ateeyire okubha omwiyigisibhwa waani.

Matayo 16:24

Mbe, Yeesu ˆnaabhwira abheeyigisibhwa bhaaye ati, “Omuunu woonewoone unu keenda okunduubha, keendwa eeyigaane omwene, abhature omusarabha gwaye, anduubhe.

Matayo 27:32

Omwanya gunu bhaariga nibhasooka mu‑musi gwa Yerusareemu, nibhasongʼana omuunu umwi ku‑njira unu aariga ˆnaatogwa Simooni, omwinengo wa mu‑musi gwa Kureene. Abhasirikare abho nibhamusinyiirisya okwitwika omusarabha gwa Yeesu.

Mariko 10:21

Yeesu ˆnaamuringira nekeneke, ˆnaamwenda, ˆnaamubhwira ati, “Ugerukiiywe‑wo omusango gumwi. Genda ugusye ebhiinu bhyone bhinu uri nabhyo, jipirya jinu uribhona, ugabhire abhataka. Urikora kutyo uribhiikira ebhibhiikwa mu‑rwire. Urimara uuje, unduubhe.”

Mariko 7:14

Yeesu ˆnaabhirikira rindi echise cha abhaanu, ˆnaabhabhwira ati, “Emwe bhoone muntegeresye, musombookerwe emisango jaani.

Ruuka 13:24

“Emwe, mwikomeesye okutura mw‑irango rifunde mwingire. Enibhabhwira ati, abhaanu bhaafu bhariregeeja okwingira, nawe bharitaamibhwa.

Ruuka 14:33

“Nyabhuriko kw‑imwe wone, omuunu unu atakutura okusiga ebhiinu bhyone bhinu ari nabhyo, atakutura okubha omwiyigisibhwa waani.

Ruuka 18:22

Yeesu ejire oongwa ejo, ˆnaamubhwira ati, “Ugerukiiywe‑wo omusango gumwi era. Genda ugusye ebhiinu bhyone bhinu uri nabhyo. Jipirya jinu uribhona, ugabhire abhataka. Urikora kutyo uribhiikira ebhibhiikwa mu‑rwire. Ukamara uuje unduubhe.”

Ruuka 20:45

Omwanya gunu echise cha abhaanu chaariga nichimutegeresya, Yeesu ˆnaabhwira abheeyigisibhwa bhaaye ati,

Ruuka 9:23

Yeesu ejire aamara, ˆnaabhwira abhaanu bhoone ati, “Omuunu woonewoone unu keenda okunduubha, eenderwe eeyigaane omwene, abhature omusarabha gwaye, anduubhe.

Yowana 10:27

Jinaama jaani ejuungwa obhuraka bhwani. Anye nijimenyere, ejeene ejinduubha.

Yowana 19:17

ˆNaagega omusarabha gwaye omwene, ˆnaasooka mu‑musi, ˆnaagenda anu mu‑nyaayika ya Echiyebhuraniya kaatogwa ati Gorigoota, obhugajuro bhwagwo ni chiyanga cha omuunu.

Ebikorwa 14:22

Bhuri rubhaara, bhaariga nibhasimbiisya abheeyigisibhwa na okubhakomeeresya ati bhagenderere okurumatana mu‑riikirisya ryebhwe. Nibhabhabhwira ati, ni bhusibhusi chiture mu‑nyaako nyafu korereki chiingire mu‑bhukama bhwa Nyamuwanga.

Barumi 6:6

Echimenya ati bhumuunu bhweswe bhwa kara ꞉bhwafuuwe aamwi na Kirisito ku‑musarabha, korereki amanaga ga echibhiibhi mu‑myoyo jeeswe gaasiga okuchitunga rindi, na okuchikora chibhe abhagaya bha echibhiibhi.

Barumi 8:17

Mbe, araabha chiri bhaana bha Nyamuwanga, chaabha abhanjusi bhaaye. Chiriramira omwandu gweswe aamwi na Kirisito. Nawe chinu echikenwa kw‑iswe woori ni ati, chisangire mu‑bhinyaasyo aamwi na Kirisito, korereki eswe wone chisangire aamwi nage mw‑ikusyo ryaye.

1 Bakorinto 15:31

Abhayiri bhaani mu‑riikirisya, bhuri rusuku anye niri mu‑ngʼanga ya okufwa. Omusango gunu ni gwa chimari, rwa kutyo ni chimari ati eniikuuya inguru yeemwe kwa okubha muri na obhumwi na Kirisito Yeesu Raatabhugenyi weeswe.

1 Bakorinto 8:13

Kurwa ejo, araabha ebhiryo bhinu enirya, ebhiyabhya omwikirisya oweejaasu, nitarirya rindi inyama noorwo na akatyari, korereki naasiga okureterera omwikirisya oweejaasu akore echibhiibhi.

1 Bakorinto 9:19

Anye nitari mugaya wa omuunu woonewoone, niri mwitaage. Nawe niiteeye‑wo okubha omugaya wa abhaanu bhoone, korereki okusakira abhaanu bhaafu bheekirisye Kirisito.

Bagalatia 2:20

Bhumuunu bhwani bhwa kara bhwa ebhibhiibhi, ꞉bhwabhambirwe aamwi na Kirisito ku‑musarabha. Woori niri muwanga, nawe nitari anye unu niri muwanga, tari Kirisito niwe ari muwanga mu‑mwoyo gwani. Obhuwanga bhunu niri nabhwo omwanya gunu, niri nabhwo mu‑kwikirisya Omwana wa Nyamuwanga. Omwene ꞉aanyendere na okusoosya obhurame bhwaye inguru yaani, korereki nichunguke.

Bagalatia 5:24

Abhaanu bhanu bhari na obhumwi na Kirisito Yeesu, bhatakutungwa na okurigira kwebhwe kwa omubhiri aamwi na obhwiganirisya bhwebhwe obhubhiibhi. Bhaabhambire okurigira okwo, ku‑musarabha gwa Yeesu.

Bagalatia 6:14

Nawe anye nitakwenda nibhe na omusango gwa okwikumangisya, tari musarabha gwa Raatabhugenyi weeswe Yeesu Kirisito. Okuruubhana na orufu rwaye, emisango joone ja echaaro chinu jitari na obhugajuro kw‑anye, na bhumuunu bhwani bhwa kara bhubhambirwe aamwi nage ku‑musarabha.

Bafilipi 3:10

Enikena nisombookerwe Kirisito muno na okubha na amanaga ganu Kirisito aariga ari nago omwanya gwa okusuuruka kwaye. Enikena obhumwi bhunu obhusooka mu‑kunyaaka rwa kutyo omwene ꞉aanyaakire, korereki nisusane nage mu‑kufwa kwaye.

Bafilipi 3:7

Nawe, emisango joone jinu naariga nindora ati kw‑anye jiri na omuriiro, woori enijirora ati ni ja okufwirwa‑mo mu‑kuruubha Kirisito.

Bakolosai 1:24

Woori enikondererwa ebhinyaasyo bhinu enibhona inguru yeemwe. Mu‑mubhiri gwani enisangira ebhinyaasyo bhya Kirisito inguru ya omubhiri gwaye, omubhiri ogwo, niryo rikanisa.

Bakolosai 3:5

Mbe woori, mwese kura chimwi emisango joone ja echaaro chinu jinu jiri mu‑myoyo jeemwe, emisango ejo ni bhuromesi, obhujabhi, okurigira okubhiibhi, obhwiganirisya obhubhiibhi, na okwisigombera ebhiinu. Okwisigombera ebhiinu kuri rwa okuramya amasusano na okusiga okuramya Nyamuwanga.

2 Batesalonika 3:11

Echaayika emisango ejo kwa okubha echuungwa ati, bhari‑wo abhaanu abhandi mw‑imwe ni bharenga, bhatakukora omurimu gwonegwone, tari abheeyingisya mu‑misango ja abhandi.

Tiito 2:12

Obhwitiriranya obhwo, obhuchiiyigisya okurema ebhibhiibhi na obhurigire bhwa echaaro, korereki chirame obhurame bhwa okwiyingirira, bhwa obhurengeresi na obhwa okuramya Nyamuwanga ku‑chaaro cha woori chinu.

Baeburania 13:13

Kurwa ejo eswe wone chimujee‑ko ku‑mwira gwa omusi eyo na okwigumiirisya jiswaro rwa kutyo omwene wone ꞉aajigumiirisiisye.

1 Petero 4:1

Mbe, Kirisito ꞉aabhwene ebhinyaasyo ku‑mubhiri gwaye, emwe wone mubhe mwimaririiye okubhona ebhinyaasyo rwa omwene. Enaayika kutyo, kwa okubha omuunu unu eekirisiisye okunyaaka echinyamubhiri, atakutura okugenderera okutungwa na ebhibhiibhi.

1 Petero 4:13

Nawe mukondererwe ati omunyaaka rwa kutyo Kirisito ꞉aanyaakire. Mukonderwe woori, korereki mubhe na risandabha ryone, omwanya gunu arisubha na rikusyo ryaye niriswerurwa abhwerubhweru.

2 Petero 1:14

Nimenyere ati omwanya gwani gwa okusooka ku‑chaaro kunu guri yeeyi, kwa okubha nikwo kutyo Raatabhugenyi weeswe Yeesu Kirisito ꞉aansweruriiye.

1 Yoana 3:16

Mbe, Kirisito ejire aachifwira ꞉aacheeresiisye kutyo eryenda rya echimari riri. Eswe wone kutyokutyo, echikenwa chiikirisye noorwo okufwira abheejaasu.

Obhusweruro 2:10

Musige okuubhaya ebhinyaasyo bhinu bhiribhaaja‑ko. Muringire! Syetaani aribharegeeja kwa okutuura abhandi agati yeemwe mw‑ibhoyero. Emwe murinyaaka siku ekumi. Nawe mubhe abheeyikanyibhwa kw‑anye noorwo okukingira mufwe, anye niribhayaana orutengya rwa obhuwanga bhwa akajaanende koone.