Mariko 8:2 - Indagano Inyaaya mu-Chijita

² “Enifwira echigongo abhaanu bhanu, kwa okubha cheekaaye nabho masuubha gasatu, na bhatari na ebhiryo bhyonebhyone.

INDAGANO INYA:YA

² Nabafwira ecise ecigongo, okuba rero camarire nabo siku isatu, ke:nu batana biryo.

Mariko 8:2 ပူးပေါင်းရင်းမြစ်များ

Matayo 14:14

Mbe, ejire aakinga, ˆneeka okusooka mu‑ngama, ˆnaarora echise chinene cha abhaanu. ˆNaabhafwira echigongo ˆnaawosya abharwaye bheebhwe.

Matayo 20:34

Niwo Yeesu ˆnaabhafwira echigongo, ˆnaabhakuunʼya ku‑meeso geebhwe. Awoawo, ameeso geebhwe nigawora, wone nibharuubha Yeesu.

Matayo 9:36

Yeesu ejire aarora ebhise bhya abhaanu, ˆnaabhafwira echigongo, kwa okubha bhaariga bhaayigirwe, na bhaariga bhatari na omuunu wa okubhasakira. Abhaanu abho, bhaariga bhari rwa jinaama jinu jitari na omureefi.

Mariko 1:41

Yeesu ˆnaamufwira echigongo, ˆneenamusya okubhoko, ˆnaamukuunʼya‑ko, ˆnaamubhwira ati, “Eneenda, uwore!”

Mariko 5:19

Nawe Yeesu ˆnaarema okumwikirisisya, ˆnaamubhwira ati, “Genda ewaanyu, ubharaasisye emisango ja echigongo jinu Raatabhugenyi aakukorera.”

Mariko 6:32

Nibhariinya mu‑ngama, nibhagenda orubhaara runu abhaanu bhaariga bhatari.

Mariko 6:34

Yeesu ejire eeka mu‑ngama, ˆnaarora echise echinene cha abhaanu. ˆNaabhafwira echigongo, kwa okubha bhaariga bhari rwa jinaama jinu jitari na omureefi. ˆNaamba okubheeyigisya emisango myafu.

Mariko 8:3

Araabha nikabharaga nibhasubha mu‑misi jeebhwe keenu bhari na omweko, abhatura okuyuutukira ku‑njira, ka abhandi bhasookere kura.”

Mariko 9:22

Kwiya kaafu risambwa eryo erimugwisya mu‑muriro na mu‑manji korereki rimwite. Woori araabha owutura okukora gwonegwone, uchifwire echigongo, uchisakire.”

Ruuka 15:20

“Mbe, omwana oyo ˆneemuka, ˆnaamba orugendo rwa okusubha kw‑isemwene. Omwanya gunu aariga achaari‑wo kura, ˆnaagendaga, esemwene ˆnaamurora, ˆnaamufwira echigongo. ˆNaabhirimira omwana waaye oyo, ˆnaamufumbeera muno na okumubhuusu.

Ruuka 7:13

Raatabhugenyi ejire aarora omutumbagasi oyo, ˆnaamufwira echigongo, ˆnaamubhwira ati, “Siga okurira.”

Baeburania 2:17

Ku‑songa eyo, ꞉aakenerwe aaje ari rwa kutyo abhayiri bhaaye bhari mu‑joone, korereki abhe Omugabhisi Omukuru unu ari owa echigongo na omwiyikanyibhwa ku‑mirimu jaaye imbere ya Nyamuwanga. Omugabhisi oyo niwe ꞉aakorere echoogo korereki Nyamuwanga afwire echigongo abhaanu ebhibhiibhi bhyebhwe.

Baeburania 4:15

Omugabhisi Omukuru oyo niwe kaamenya obhujorobhoke bhweswe, kwa okubha ꞉aaregeejerwe na Syetaani ku‑misango joone rwa eswe, nawe omwene ꞉ataakorere ebhibhiibhi.

Baeburania 5:2

Omugabhisi omukuru kaatura okufwira echigongo ebhibhiibhi bhya abhaanu abhandi bhinu bhaariga nibhakora okumenya wuri, kwa okubha omwene wone ni mukosi wa ebhibhiibhi.