Mariko 8:12 - Indagano Inyaaya mu-Chijita

¹² Yeesu ˆnaasurumbara mu‑mwoyo gwaye, ˆnaabhabhwira ati, “Kurwa ki emwe abhaanu bha orwibhuro runu omwenda okurora echibharikisyo? Ni chimari enibhabhwira ati, nitakuja okubheeresya echibharikisyo choonechoone.”

INDAGANO INYA:YA

¹² Narumwa muno mu mwoyo gwae, na:ika ati, ?Aba riimbo rinu abayenja ecibarikisyo kubaki? Ni cimari enibabwira ati, Aba riimbo rinu batariyabwa ecibarikisyo.

Mariko 8:12 ပူးပေါင်းရင်းမြစ်များ

Matayo 12:38

Mbe, Abhafarisaayo abharebhe na abheeyigisya bha ebhiraagiro bhya Muusa nibhabhwira Yeesu ati, “Omwiyigisya, echeenda ukore echibharikisyo cha okweresya ati, usookere ku‑Nyamuwanga.”

Matayo 16:4

Emwe muri yimbo ebhiibhi, mutari bheeyikanyibhwa imbere ya Nyamuwanga. Omwenda echibharikisyo, nawe nitaribheeresya echibharikisyo choonechoone. Tari murirora echibharikisyo rwa chirya cha omuragi Yoona era.” Niwo Yeesu ˆneemuka okusooka awo, ˆnaabhasiga.

Mariko 3:5

Yeesu ˆnaaroreerera nekeneke Abhafarisaayo bhoone abhiyiriiywega, keenu asurumbaayega inguru ya obhukomeeye bhwa emyoyo jeebhwe. Niwo ˆnaabhwira omuunu oyo ati, “Gorora okubhoko kwawo.” Omuunu oyo ˆnaakugorora, awoawo ˆnaawora!

Mariko 6:6

ˆNaaruguura muno, kwa okubha abhaanu abho bhaariga bhatari na eriikirisya noorwo na akatyari. Niwo Yeesu ˆneeyindaga mu‑nguuyo ja ayeeyi okwiyigisya abhaanu.

Mariko 7:34

Yeesu ˆnaaragamira ku‑rwire, ˆneesya omwika, ˆnaamubhwira ati, “Eefata,” nikwo okwayika ati, “Iiguka.”

Mariko 8:13

ˆNaabhasiga, ˆneengira rindi mu‑ngama aamwi na abheeyigisibhwa bhaaye. Nibhaamba orugendo rwa okwambuka inyanja.

Mariko 9:19

Yeesu ˆnaayika ati, “Emwe muri rwibhuro runu rutari na eriikirisya, niribha na emwe okukingira rusuku ri? Niribheegumiirisya okukingira rusuku ri? Mureete omwana oyo anu.”

Ruuka 19:41

Yeesu ejire aarebherera okukinga Yerusareemu, ˆnaarora omusi ogwo, ˆnaamba okuguririra.