Mariko 7:34 - Indagano Inyaaya mu-Chijita

³⁴ Yeesu ˆnaaragamira ku‑rwire, ˆneesya omwika, ˆnaamubhwira ati, “Eefata,” nikwo okwayika ati, “Iiguka.”

INDAGANO INYA:YA

³⁴ Narore:rera inguru mu rwire, nasabwa, namubwira ati, Efata, nikwo kwaika ati, Iguka.

Mariko 7:34 ပူးပေါင်းရင်းမြစ်များ

Mariko 1:41

Yeesu ˆnaamufwira echigongo, ˆneenamusya okubhoko, ˆnaamukuunʼya‑ko, ˆnaamubhwira ati, “Eneenda, uwore!”

Mariko 15:34

Niwo saa etaanu na ena, Yeesu ˆnaamura obhuraka ˆnaarira ati, “Eroyi! Eroyi! Raama sabhakitaani?” Obhugajuro bhwa emisango ejo ni ati, “Nyamuwanga waani! Nyamuwanga waani! Kurwa ki waansiga?”

Mariko 5:41

ˆNaagwata omuyarakaji oyo okubhoko, ˆnaamubhwira ati, “Tariisa, koomu!” Obhugajuro bhwa emisango ejo ni ati, “Awe omuyarakaji, enikubhwira, iimuka!”

Mariko 6:41

Yeesu ˆnaagega emikaate etaanu ejo na jiiswi ebhiri jirya, ˆnaaragamira ku‑rwire, ˆnaasiima Nyamuwanga. Neeya ˆnaabheganya emikaate, ˆnaayaana abheeyigisibhwa bhaaye korereki bhagabhire abhaanu. ˆNaabhayaana na jiiswi ebhiri jirya bhabhagabhire.

Mariko 7:35

Awoawo, omuunu oyo ˆneeguka amatwi na echisina cha orurimi rwaye nichisuruumurwa, ˆnaamba okuungwa na okwayika kisi.

Mariko 8:12

Yeesu ˆnaasurumbara mu‑mwoyo gwaye, ˆnaabhabhwira ati, “Kurwa ki emwe abhaanu bha orwibhuro runu omwenda okurora echibharikisyo? Ni chimari enibhabhwira ati, nitakuja okubheeresya echibharikisyo choonechoone.”

Ruuka 18:42

Yeesu ˆnaamubhwira ati, “Nuurore rindi! Waawosibhwa ku‑songa ya eriikirisya ryawo.”

Ruuka 19:41

Yeesu ejire aarebherera okukinga Yerusareemu, ˆnaarora omusi ogwo, ˆnaamba okuguririra.

Ruuka 7:14

Yeesu ˆnaafogera kw‑iraro rinu ryariga riri‑ko omutumbi, ˆnaarikuunʼya‑ko. Abhaanu bhanu bhaariga bhayangire omutumbi ogwo, nibheemereeguru. Yeesu ˆnaabhwira omutumbi ogwo ati, “Mumura awe, enikubhwira ati, iimuka!”

Yowana 11:33

Yeesu ejire aarora Maryamu ˆnaariraga na abhaanu bhanu ꞉eejire nabho wone nibhariraga, ˆnaarumwa mu‑mwoyo gwaye, ˆnaasurumbara muno.

Yowana 11:35

Yeesu ˆnaarira.

Yowana 11:38

Niwo Yeesu ˆnaarumwa rindi muno mu‑mwoyo gwaye, ˆnaakinga ku‑chituuro. Echituuro echo chaariga chiri senga inu ifundikiiywe‑ko ribhuyi rinene ku‑muryango.

Yowana 11:41

Mbe, nibhasoosya‑ko ribhuyi eryo. Yeesu ˆnaaragamira ku‑rwire, ˆnaasabhwa ku‑Nyamuwanga ati, “Raata, enikusiima kwa okubha woongwa risabhwa ryani.

Yowana 11:43

Yeesu ejire aamara okusabhwa, ˆnaamura obhuraka ˆnaabhirikira ati, “Rajaaro, sooka omwo, iija anja enu!”

Yowana 17:1

Yeesu ejire aamara okwayika ejo joone, ˆnaaragamira ku‑rwire, ˆnaasabhwa ati, “Raata, omwanya gwakinga. Yeeresya abhaanu rikusyo ryani anye Omwana waawo, korereki anye wone nibheeresye rikusyo ryawo kutyo riri.

Ebikorwa 9:34

Peetero ˆnaamubhwira ati, “Ayineeya, Yeesu Kirisito aakuwosya. Iimuka! Funya riraro ryawo.” Awoawo Ayineeya ˆneemereeguru!

Ebikorwa 9:40

Peetero ˆnaabhawurusya anja bhoone bhanu bhaariga bhari mu‑chisago omwo, ˆneefukama, ˆnaasabhwa Nyamuwanga. Niwo ˆnaayindukira omutumbi gurya, ˆnaayika ati, “Tabhiija, imereeguru!” Tabhiija ˆnaafumbura ameeso gaaye, ejire aarora Peetero, ˆneemuka ˆneenyanja.

Baeburania 4:15

Omugabhisi Omukuru oyo niwe kaamenya obhujorobhoke bhweswe, kwa okubha ꞉aaregeejerwe na Syetaani ku‑misango joone rwa eswe, nawe omwene ꞉ataakorere ebhibhiibhi.