Mariko 6:41 - Indagano Inyaaya mu-Chijita

⁴¹ Yeesu ˆnaagega emikaate etaanu ejo na jiiswi ebhiri jirya, ˆnaaragamira ku‑rwire, ˆnaasiima Nyamuwanga. Neeya ˆnaabheganya emikaate, ˆnaayaana abheeyigisibhwa bhaaye korereki bhagabhire abhaanu. ˆNaabhayaana na jiiswi ebhiri jirya bhabhagabhire.

INDAGANO INYA:YA

⁴¹ Nagega emikate eta:nu na swi ibiri, narore:rera inguru mu rwire, najisabirwa ribando, nabeganyamo emikate nayana abe:igisibwa bae, bajite imbere ya ba:nu. Na jiswi ibiri ejo one nabajigabira bo:ne.

Mariko 6:41 ပူးပေါင်းရင်းမြစ်များ

Matayo 14:19

Mbe, ˆnaaragirira abhaanu bharya ati, bheenyanje aasi ku‑bhunyaasi. ˆNaagega emikaate etaanu jirya na jiiswi ebhiri jirya, ˆnaaragamira ku‑rwire, ˆnaasiima Nyamuwanga. Neeya, ˆnaabheganya emikaate jirya, ˆnaayaana abheeyigisibhwa bhaaye, abheene wone nibhagabhira abhaanu emikaate aamwi na jiiswi ejo.

Matayo 15:36

ˆNaagega emikaate etaanu na ebhiri jirya na ebhiswi bhirya, ˆnaasiima Nyamuwanga. Neeya, ˆnaabhibheganya, ˆnaayaana abheeyigisibhwa bhaaye, abheene wone nibhagabhira abhaanu.

Matayo 26:26

Mbe, omwanya gunu bhaariga nibharya, Yeesu ˆnaagega omukaate, ˆnaasiima Nyamuwanga, ˆnaagubheganya, ˆnaayaana abheeyigisibhwa bhaaye, ˆnaabhabhwira ati, “Mugege murye, gunu nigwo omubhiri gwani.”

Mariko 14:22

Omwanya gunu bhaariga nibharya, Yeesu ˆnaagega omukaate, ˆnaasiima Nyamuwanga, ˆnaagubheganya, ˆnaayaana abheeyigisibhwa bhaaye, ˆnaayika ati, “Mugege, murye, gunu nigwo omubhiri gwani.”

Mariko 6:40

Nibhatega jinenda, abhandi eganaegana, na abhandi makumi gataanutaanu.

Mariko 6:42

Abhaanu bhoone nibharya, nibheeguta.

Mariko 7:34

Yeesu ˆnaaragamira ku‑rwire, ˆneesya omwika, ˆnaamubhwira ati, “Eefata,” nikwo okwayika ati, “Iiguka.”

Mariko 8:19

Omwanya gunu ꞉naabheganyiisye emikaate etaanu jirya na okuyaana abhaanu bhiwumbi bhitaanu (5,000), ꞉mwejusiisye ebhitukuru bhiringa bhya ebhibhaara bhinu ꞉bhyasigaaye?” Nibhamusubhya ati, “Ekumi na bhibhiri.”

Ruuka 24:30

Omwanya gunu ꞉bhaategere inenda okurya ebhiryo, Yeesu ˆnaagega omukaate, ˆnaasiima Nyamuwanga, ˆnaagubheganya, ˆnaabhayaana.

Ruuka 9:16

Yeesu ˆnaagega emikaate etaanu ejo, na jiiswi ebhiri, ˆnaaragamira ku‑rwire, ˆnaasiima Nyamuwanga. Neeya ˆnaabheganya emikaate, ˆnaayaana abheeyigisibhwa bhaaye, korereki bhagabhire abhaanu emikaate na jiiswi.

Yowana 11:41

Mbe, nibhasoosya‑ko ribhuyi eryo. Yeesu ˆnaaragamira ku‑rwire, ˆnaasabhwa ku‑Nyamuwanga ati, “Raata, enikusiima kwa okubha woongwa risabhwa ryani.

Yowana 17:1

Yeesu ejire aamara okwayika ejo joone, ˆnaaragamira ku‑rwire, ˆnaasabhwa ati, “Raata, omwanya gwakinga. Yeeresya abhaanu rikusyo ryani anye Omwana waawo, korereki anye wone nibheeresye rikusyo ryawo kutyo riri.

Yowana 6:11

Niwo, Yeesu ˆnaagega emikaate ejo, ˆnaasiima Nyamuwanga, ˆnaajibheganya, ˆnaagabhira abhaanu bhoone bhanu bhaariga bheenyanjire awo. ˆNaagega jiiswi wone ˆnaakora kutyokutyo, ˆnaagabhira abhaanu. Bhuri muunu ˆnaarya rwa kutyo eendaga.

Yowana 6:23

Niwo, abhaanu abhandi nibhaaja na jingama okusooka mu‑musi gwa Tibheeriyo, nibhakinga anu echise cha abhaanu ꞉bhaariiye emikaate, omwanya gunu Raatabhugenyi Yeesu ꞉aamarire okusiima Nyamuwanga.

Ebikorwa 27:35

Ejire aamara okwayika kutyo, ˆnaagega omukaate, ˆnaasoosya risiima ku‑Nyamuwanga imbere yeebhwe bhoone, ˆnaagubheganya, ˆnaamba okurya.

Barumi 14:6

Omuunu unu kaarora ati orusuku orurebhe ruri na obhugajuro okukira jisiku ejindi, kaakora kutyo kwa okubha keenda okukondisya Raatabhugenyi Yeesu. Owundi unu kaarya choonechoone chirya, kaakora kutyo korereki akondisye Raatabhugenyi Yeesu, kwa okubha kaarya enu ˆnaasiimaga Nyamuwanga. Owundi unu kaarya emikubhi era, kaakora kutyo kwa okubha keenda okukondisya Raatabhugenyi Yeesu. Oyo wone kaasiima Nyamuwanga.

1 Bakorinto 10:31

Mbe woori, gwonegwone gunu omukora, kubhe ni kurya, kubhe ni kunywa, amwi noorwo omusango ogundi, mugukorega inguru ya okukusya Nyamuwanga.

Bakolosai 3:17

Omusango gwonegwone gunu omwayika, amwi echiinu choonechoone chinu omukora, mubhikore kw‑isiina rya Raatabhugenyi Yeesu, nimusiimaga Raata Nyamuwanga okutura ku‑mwene.