Mariko 5:7 - Indagano Inyaaya mu-Chijita

⁷ ˆNaamura obhuraka ˆnaayika ati, “Yeesu Omwana wa Nyamuwanga unu ari Inguru ya Bhyone, owunyenja‑ko ki? Enikurayisya ku‑Nyamuwanga, waasiga okunnyaasya!”

INDAGANO INYA:YA

⁷ Narira na buraka bunene na:ika ati, ?Ni na:we ki, Yesu awe, Omwana wa Nyamuanga unu ari inguru? Enikuremberesya, unyifumire ku Nyamuanga wasiga ku:nya:sya.

Mariko 5:7 ပူးပေါင်းရင်းမြစ်များ

Matayo 16:16

Simooni Peetero ˆnaamusubhya ati, “Awe naawe Kirisito, Omwana wa Nyamuwanga omuwanga.”

Matayo 26:63

Nawe Yeesu ꞉ataasubhiisye omusango gwonegwone. Mbe, omugabhisi omukuru oyo ˆnaamubhwira rindi ati, “Enikurayisya kw‑isiina rya Nyamuwanga omuwanga, nuuchibhwire araabha naawe Kirisito, Omwana wa Nyamuwanga.”

Matayo 4:3

Niwo Syetaani ˆnaaja okumuregeeja. ˆNaamubhwira ati, “Araabha awe uri Mwana wa Nyamuwanga, indura amabhuyi ganu gabhe emikaate.”

Matayo 8:29

Mbe, amasambwa ago, nigaamura obhuraka nigaayika ati, “Yeesu, Omwana wa Nyamuwanga awe, owuchiyenja‑ko ki? Angu, waaja okuchinyaasya omwanya gweswe guchaari okukinga?”

Mariko 1:24

ˆnaayikaga ati, “Awe Yeesu wa Najareeti, owuchiyenja‑ko ki! Angu, wiijire okuchisingaarisya? Anye nikumenyere ati naawe ga, awe naawe Omweru wa Nyamuwanga.”

Mariko 14:61

Nawe Yeesu ˆnaajibhira jibhijibhi, ꞉ataasubhiisye omusango gwonegwone. Omugabhisi omukuru ˆnaagenderera okumubhuusya rindi ati, “Angu, naawe Kirisito, Omwana wa Nyamuwanga unu kaakusibhwa?”

Mariko 3:11

Abhaanu bhanu bhaariga bhawungirwe amasambwa omwanya gunu bhaamuroraga, bhaagwaga ku‑maguru gaaye, nibhaamura obhuraka nibhariraga nibhaayika ati, “Awe uri Mwana wa Nyamuwanga!”

Mariko 5:6

Ejire aarora Yeesu ari kura‑wo kutooto, omuunu oyo, ˆnaamubhirimira, ˆnaamuramya.

Mariko 5:8

꞉Aayikire kutyo kwa okubha Yeesu aariga aribhwiriiye ati, “Awe risambwa, sooka mu‑muunu unu!”

Ruuka 1:32

Aribha omukuru na aribhirikirwaga ati, ‘Omwana wa unu ari Inguru ya Bhyone.’ Raatabhugenyi Nyamuwanga arimukora okubha omutungi ku‑chitebhe cha ingʼoma cha omukama Dawudi, saaja waabho.

Ruuka 4:34

“Awe Yeesu wa Najareeti, owuchiyenja‑ko ki! Angu, wiijire okuchisingaarisya? Anye nikumenyere ati naawe ga, awe naawe Omweru wa Nyamuwanga.”

Ruuka 6:35

“Nawe emwe, mwendega abhasoko bheemwe, mubhakorerega eja ekisi. Mubhabhanjega muteeyikanya okusubhisibhwa. Nyamuwanga aribhayaana echiyaanwa echinene, na omuja okubha abhaana bha echimari ku‑mwene unu ari Inguru ya Bhyone. Okubha Nyamuwanga kaasakira abhaanu bhoone noorwo bhanu bhatakumusiima, na bhanu abhakora amabhiibhi.

Ruuka 8:28

Amasambwa ago, gaamuwungaga kwiya kaafu. Abhaanu bhaaregeejaga okumwangarira, kwa okumubhoya na amaseega na jinyoro. Noorwo kutyo, aariga ˆnaabhutura amaseega ago, ˆnaabhirimaga okuja mw‑ibhara. Mbe, Yeesu ˆnaagagonya amasambwa ago ati, “Musooke mu‑muunu unu!” Omuunu oyo, ejire aaringirana na Yeesu, ˆnaamura obhuraka ˆnaarira. ˆNaagwa bhwifumbike imbere ya Yeesu, ˆnaamura obhuraka ˆnaayika ati, “Yeesu Omwana wa Nyamuwanga unu ari Inguru ya Bhyone, owunyenja‑ko ki! Enikwirembeeresya, waasiga okunnyaasya!”

Yowana 20:31

Nawe ebhibharikisyo bhinu bhiri mu‑chitabho chinu, bhikaamirwe korereki mwikirisye ati Yeesu niwe Kirisito, Omwana wa Nyamuwanga, mu‑kwikirisya okwo, mubhone obhuwanga bhwa akajaanende koone kw‑isiina ryaye.

Ebikorwa 16:17

Omugayagasi oyo, aariga ˆnaaruubhirira Pawuro na eswe, ˆnaamwayaga, ˆnaayikaga ati, “Bhanu ni abhakosi bha Nyamuwanga unu ari Inguru ya Bhyone. Bhari anu okubhamenyesya injira ya okuchungurwa.”

Ebikorwa 19:13

Bhaariga bhari‑yo Abhayawudi abharebhe bhanu bhaariga nibhayemuuka enu na erya nibhasoosyaga amasambwa ku‑bhaanu. Abho nibharegeeja okukorera risiina rya Raatabhugenyi Yeesu okubhwira amasambwa ati, “Kw‑isiina rya Yeesu unu Pawuro kaaraasya, enibhagonya ati musooke ku‑muunu unu!”

Ebikorwa 8:36

Omwanya gunu bhaariga nibhagenderera na orugendo ku‑njira eyo, nibhakinga anu gaariga gari amanji. Omukuru oyo ˆnaabhwira Firipo ati, “Rora, anu gari‑wo amanji! Niki chinu echinganya okubhatiijibhwa?” [

Barumi 16:20

Nyamuwanga unu kaabhayaana omurembe, arifwonyorera aasi Syetaani bhwangu, na okubhayaana obhuyigi inguru yaaye. Obhwitiriranya bhwa Raatabhugenyi weeswe Yeesu Kirisito bhubhe aamwi na emwe. [Jibhe kutyo.]

Baeburania 2:14

Mbe, kwa okubha abhaana bhari na emibhiri na isagama, Yeesu wone ꞉eejire ari na omubhiri na isagama rwa abheene. ꞉Aakorere kutyo, korereki ku‑njira ya orufu rwaye, ayige amanaga ga Syetaani, unu ari na obhuturo bhwa orufu.

Baeburania 7:1

Meerikijedeki oyo aariga ari mukama wa omusi gwa Sareemu. Ka wone aariga ari mugabhisi wa Nyamuwanga unu ari Inguru ya Bhyone. Meerikijedeki ꞉aabhugeene na Bhurayimu omwanya gunu Bhurayimu aariga ˆnaasubha okusooka mw‑iremo. Bhurayimu aariga arwanire na abhakama bhana na okubhayiga. Niwo Meerikijedeki ˆnaamusabhirwa amabhando.

Yakobo 2:19

Angu, awe owikirisya ati ari‑wo Nyamuwanga umwi era? Owukora kisi okwikirisya kutyo. Amasambwa wone ageekirisya kutyo na okuyarara kwa obhuubha!

2 Petero 2:4

Nikwo kutyo bhamaraayika bhanu ꞉bhaakorere ebhibhiibhi, Nyamuwanga ꞉ataabhasigire, tari ꞉aabheesere nyombe, anu bhabhoyerwe na amaseega. Mu‑chisuute echirafuru cha nyombe eyo, abharindirira orusuku rurya rwa okuramurwa.

1 Yoana 3:8

Nawe, omuunu woonewoone unu kaagenderera okukora ebhibhiibhi, ni muunu wa Syetaani. Okubha Syetaani agendereeye okukora ebhibhiibhi okusookerera ku‑bhwambiro. Niyo isonga Omwana wa Nyamuwanga ꞉eejire ku‑chaaro anu, korereki anyamure bhuri murimu gwa Syetaani.

Yuuda 1:6

Ka wone, mwichuke bhamaraayika bhanu ꞉bhateeyirwe na obhukuru bhwebhwe, nibhasiga obhwikaro bhwebhwe. Nyamuwanga abhateeye mu‑chisuute echirafuru, abhabhoyere na amaseega ga akajaanende. Eyo abharindirira orusuku orukuru rwa okuramurwa.

Obhusweruro 12:12

Kurwa ejo, mukonderwe, emwe bhoone bhanu mwikaaye inguru mu‑rwire eyo! Jaabhabhona emwe bhanu mwikaaye ku‑chaaro na ebhibhumbwa bhya mu‑nyanja, okubha Syetaani eeserwe emwaro eyo agatigati yeemwe. Abhiyiriwe muno, kwa okubha kaamenya ati jisiku jaaye ni nooto.”