Mariko 5:23 - Indagano Inyaaya mu-Chijita

²³ ˆnaamwirembeeresya muno ˆnaayikaga ati, “Omuyaasya waani ni murwaye, ari yeeyi okufwa. Enikusabhwa chigende, umuteere‑ko amabhoko gaawo, korereki awosibhwe na abhe muwanga.”

INDAGANO INYA:YA

²³ namuremberesya muno, na:ika ati, Akaasya kani kendo:kufwa. Enikuremberesya, u:je umuteko amaboko gao, aore abe muanga.

Mariko 5:23 ပူးပေါင်းရင်းမြစ်များ

Matayo 8:3

Yeesu ˆneenamusya okubhoko, ˆnaamukuunʼya‑ko, ˆnaamubhwira ati, “Eneenda, uwore!” Awoawo, ˆnaawora ebhigenge bhyaye.

Mariko 16:18

Noorwo araabha bhakagwata injoka, amwi bhaakanywa echiinu choonechoone chinu echiita, chitaribhasingaarisya. Bharibhaga nibhatuura amabhoko geebhwe ku‑bharwaye, bhoone bhariwora.”

Mariko 5:24

Yeesu ˆnaagenda na omukuru oyo. Echise echinene cha abhaanu chinu chaariga nichimuruubha, nichimuyiganyaga muno.

Mariko 6:13

Nibhasoosya amasambwa maafu mu‑bhaanu, nibhabhambaga amafuta abharwaye bhaafu na okubhawosya.

Mariko 7:32

Dekapoori awo aariga ari‑wo omusibhi wa amatwi na ari na obhujoojo. Abhaanu abharebhe nibhamureeta ku‑Yeesu, nibheerembeeresya Yeesu amuteere‑ko amabhoko, amuwosye.

Mariko 8:23

Yeesu ˆnaagwata omuwofu oyo okubhoko, ˆnaagenda nage anja ya oruguuyo rurya. ˆNaamufubhurira amachwata ku‑meeso, ˆnaatuura amabhoko ku‑meeso ga omuwofu oyo, ˆnaamubhuusya ati, “Angu woori, owurora echiinu choonechoone?”

Ruuka 13:13

Yeesu ˆnaamutuura‑ko amabhoko, niwo ˆneemereeguru eemire chorwechorwe, ˆnaamba okukuuya Nyamuwanga.

Ruuka 4:38

Mbe, Yeesu ˆnaasooka mu‑nju ya eriikofyanyo rya Abhayawudi, ˆnaagenda ewa Simooni, ˆnaasongʼana nyaabhuko Simooni arwaye, ari na omuswija mwafu. Nibhasabhwa Yeesu amuwosye.

Ruuka 4:40

Mbe, risuubha ryejire ryatubhira, orusuku rwa Isabhaato niruyitingʼana. Abhaanu nibhareetera Yeesu abharwaye bheebhwe bhanu bhaariga bhari na amarwara ga mbaga nyafunyafu. Yeesu ˆnaatuura amabhoko gaaye ku‑bharwaye abho, ˆnaabhawosya bhoone.

Ruuka 7:12

Ejire aarebherera mw‑irango rya omusi, ˆnaabhugana na abhaanu bhayangirega omutumbi. Omutumbi ogwo aariga ari musigaji umwi era ku‑nyiramwene, na nyiramwene aariga ari mutumbagasi. Omugasi oyo aamwi na abhaanu abhandi bha mu‑musi ogwo, bhaariga nibhagenda okusiika omutumbi ogwo.

Yowana 11:3

Mbe, abhayara bhaabho Rajaaro, nibhatuma omuunu okugenda ku‑Yeesu okumubhwira ati, “Raatabhugenyi, omusaani waawo Rajaaro ni murwaye.”

Ebikorwa 28:8

Omwanya ogwo, esemwene Pubhuriiyo aariga amaamire ku‑bhuriri, ari na omuswija na ˆnaasayaga isagama. Pawuro ˆneengira okumurooja, ˆnaamusabhirwa ku‑Nyamuwanga, ˆnaatuura amabhoko gaaye ku‑murwaye, ˆnaamuwosya.

Ebikorwa 6:6

Nibhareeta abhaanu abho imbere ya jitumwa. Jitumwa nibhabhasabhirwa na okubhateera‑ko amabhoko korereki bhaje okukora emirimu.

Ebikorwa 8:17

Peetero na Yowana nibhatuura amabhoko geebhwe ku‑bheekirisya abho, nibharamira Mwoyo Mweru.

Ebikorwa 9:12

na aarora ebhiroro. Mu‑bhiroro ebhyo, aarora omuunu umwi risiina ryaye ni Ananiiya, ˆneengiraga mu‑nju omwo, ˆnaatuura amabhoko inguru yaaye, korereki arore rindi.”

Ebikorwa 9:17

Mbe, Ananiiya ˆnaagenda, ˆneengira mu‑nju eyo. ˆNaamutuura‑ko amabhoko, ˆnaayika ati, “Saawuri waasu, Raatabhugenyi aantuma kw‑awe, korereki urore na wijusibhwe Mwoyo Mweru. Raatabhugenyi oyo niwe Yeesu, unu ꞉aakusoromokeeye ku‑njira omwanya gunu waajaga enu.”