Mariko 4:11 - Indagano Inyaaya mu-Chijita

¹¹ ˆNaabhasubhya ati, “Emwe muyaaywe okusombookerwa emisango jinu jiri mbisike inguru ya obhukama bhwa Nyamuwanga. Nawe abhaanu bhanu bhatakunduubha, enibhabhwira joone ku‑bhijekekanyo,

INDAGANO INYA:YA

¹¹ Nababwira ati, Emwe mwayabirwe okumenya obumbise bwo bukama bwa Nyamuanga. Nawe ku bariya abe mwira byone ebyaikwa mu bijekekanyo,

Mariko 4:11 ပူးပေါင်းရင်းမြစ်များ

Matayo 11:25

Omwanya ogwoogwo Yeesu ˆnaayika ati, “Raata, Raatabhugenyi wa orwire na echaaro choone! Enikusiima kwa okubha, emisango jinu ꞉waakorere okubha mbisike ku‑bhaanu abha obhwengeeso na abhamenyi, wajisweruuye abhwerubhweru ku‑bhaanu bhanu bhari na eriikirisya rwa abhaana abharera.

Matayo 13:16

Niwo Yeesu ˆnaabhwira abheeyigisibhwa bhaaye ati, “Muri na ribhando emwe, kwa okubha ameeso geemwe agarora, na amatwi geemwe agoongwa.

Matayo 16:17

Yeesu ˆnaabhwira Peetero ati, “Awe Simooni omwana wa Yoona, uri na ribhando, kwa okubha atari‑wo omuunu woonewoone unu akuswerurira echimari echo, tari Raata waani wa mu‑rwire.

Mariko 3:23

Awo Yeesu ˆnaabhabhirikira, ˆnaamba okubhabhwira ku‑bhijekekanyo ati, “Syetaani kaatura kutiki okwisoosya‑ko omwene?

Mariko 4:10

Echise cha abhaanu echo chejire chaasooka‑wo, Yeesu ˆnaasigara eenyere na abheeyigisibhwa bhaaye ekumi na bhabhiri na abharuubhirisya abhandi. Niwo nibhamubhuusya inguru ya obhugajuro bhwa ebhijekekanyo bhyaye.

Mariko 4:2

Yeesu ˆnaabheeyigisya emisango myafu ku‑bhijekekanyo. Mu‑meeyigisyo gaaye ˆnaayika ati,

Ruuka 8:10

Omwene ˆnaabhasubhya ati, “Kara emisango ja obhukama bhwa Nyamuwanga jaariga jiiserekere. Emwe muri na amabhando, kwa okubha Nyamuwanga aabhaswerurira abhwerubhweru emisango ejo, korereki mujisombookerwe. Nawe abhandi, enibhabhwira kwa ebhijekekanyo, korereki jikuumire jinu omuragi Iisaya ꞉aayikire ati, ‘Omwanya gunu abharingira, bhabhe wuti bhatakurora. Noorwo kutyo abhoongwa, bhabhe wuti bhatakusombookerwa.’

1 Bakorinto 4:7

Woori, niga unu aakukora ubhe omukuru muno okukira owundi? Ni chiinu ki chinu uri nacho chinu utayaaywe na Nyamuwanga? Araabha uyaaywe, kurwa ki owikuuya wuti utayaaywe?

2 Bakorinto 4:6

Okubha Nyamuwanga ꞉aayikire ati, “Obhweru bhumirike mu‑chisuute.” Omwene niwe kaamirika emyoyo jeeswe, na okuchiyaana obhweru bhwa okusombookerwa rikusyo ryaye, rinu eringʼarabhya mu‑bhusu bhwa Yeesu Kirisito.

Baefeso 1:9

꞉Aakorere kutyo, omwanya gunu ꞉aachisweruriiye imbisike ya okwenda kwaye, okuruubhana na obhukarariiye bhwaye okusookerera kara mu‑Kirisito.

Bakolosai 4:5

Mubhe na obhwengeeso mu‑bhungwani bhwemwe na abhaanu bhanu bhachaari okwikirisya Yeesu. Bhuri mwanya, mukorega ja ekisi.

1 Batesalonika 4:12

Mukakora kutyo, omubha abhaanu bha jitungwa ja ekisi imbere ya abhaanu bhanu bhatari bheekirisya. Ka wone mutariisiga ebhiinu bhya abhaanu abhandi.

1 Timoteo 3:7

Tari, abhe omuunu unu kaayikwa kisi noorwo na bhanyateekirisya, korereki aasiga okwayikwa kubhiibhi na okukomwa mu‑rutuura rwa Syetaani.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.