Mariko 2:8 - Indagano Inyaaya mu-Chijita

⁸ Awoawo Yeesu ˆnaamenya obhwiganirisya bhwebhwe, ˆnaabhabhwira ati, “Ni kurwa ki omwiganirisya kutyo mu‑myoyo jeemwe?

INDAGANO INYA:YA

⁸ Yesu namenya mu mwoyo gwae ati, nikwo kutyo abe:ganirisya munda jebwe, aonao nababu:sya ati, ?Niki cinu ecikora nimwiganirisya kutyo mu mitima jemwe?

Mariko 2:8 ပူးပေါင်းရင်းမြစ်များ

Matayo 12:15

Yeesu ejire aamenya obhutinge bhwa Abhafarisaayo abho, ˆnaasooka awo. Abhaanu bhaafu nibhamuruubha, ˆnaawosya bhoone bhanu bhaariga bharwaye.

Matayo 16:7

Abheeyigisibhwa bhaaye nibhaamba okwayikana abheene kwa abheene ati, “Kaayika kutyo, kwa okubha chaarabhirwa okugega emikaate.”

Matayo 9:4

Nawe Yeesu aasombookerwaga joone jinu bhaariga nibheeganirisya, ˆnaabhabhuusya ati, “Ni kurwa ki omwiganirisya emibhiibhi mu‑myoyo jeemwe?

Mariko 2:7

“Mbawo omuunu unu kaayika kutyo? Keefumirisya Nyamuwanga! Atari‑wo omuunu unu kaatura okufwira echigongo ebhibhiibhi, tari Nyamuwanga eenyere!”

Mariko 2:9

Angu, ni guuya omwangu okukira ogundi, okubhwira oyo ati, ‘Waafwirwa echigongo ebhibhiibhi bhyawo,’ amwi okumubhwira ati, ‘Imereeguru, gega riraro ryawo, uribhate’?

Mariko 7:21

Mu‑mwoyo gwa omuunu nimwo obhusooka obhwiganirisya obhubhiibhi, obhusengani,

Ruuka 24:38

Nawe, Yeesu ˆnaabhabhwira ati, “Mbawo mwajira echibhabhuko mu‑myoyo jeemwe?

Ruuka 5:22

Yeesu ˆnaamenya emisango jinu bhaariga nibheeganirisya mu‑myoyo jeebhwe, ˆnaabhabhuusya ati, “Ni kurwa ki omwiganirisya kutyo mu‑myoyo jeemwe?

Ruuka 6:8

Nawe, Yeesu ˆnaasombookerwa jinu bhaariga nibheeganirisya. Kurwa ejo, Yeesu ˆnaabhwira omuunu unu aariga afuuwe okubhoko ati, “Iija, wimereeguru agatigati anu.” Omuunu oyo ˆnaagenda, ˆneemereeguru.

Yowana 21:17

Yeesu ˆnaabhuusya Peetero rwa kasatu ati, “Simooni, omwana wa Yowana, angu unyendere?” Mbe, Peetero ˆnaasurumbara kwa okubha ꞉aamubhuusiisye rwa kasatu ati, “Angu, unyendere?” ˆNaamusubhya ati, “Raatabhugenyi, awe umenyere joone. Umenyere ati nikwendere.” Yeesu ˆnaamubhwira ati, “Yangarira jinaama jaani.

Yowana 6:64

Nawe bhari‑wo abhaanu abhandi mw‑imwe bhanu bhatakunyikirisya.” Yeesu ꞉aayikire kutyo, kwa okubha aariga amenyere okusookerera ku‑bhwambiro ati, ni bhaaga bhanu bhatakumwikirisya, na niga unu arimuromera iniku.

Ebikorwa 5:3

Peetero ˆnaamubhuusya ati, “Awe Ananiiya! Ni kurwa ki Syetaani eengira mu‑mutima gwawo? Waabhwira Mwoyo Mweru orubheeyi na okubhisa‑ko ejindi jinu ꞉waabhwene ku‑bhugusi bhwa risambu ryawo.

Ebikorwa 8:22

Nuute chimwi obhunyamuke bhwawo bhunu, na usabhwe Raatabhugenyi echigongo. Amwi kaatura okukufwira echigongo, inguru ya obhwiganirisya bhwawo obhubhiibhi, bhwa omutima gwawo.

Baeburania 4:13

Chitari‑wo echibhumbwa choonechoone chinu chiiyibhisire imbere ya Nyamuwanga. Ebhiinu bhyone bhiri abhweru imbere yaaye, na ku‑mwene chiryendwa okweresya ebhikorwa bhyeswe bhyone.

Obhusweruro 2:23

Ka wone, chimari niriita chimwi abharuubhirisya bhaaye. Niwo abhaanu bha amakanisa goone bharimenya ati, anye enitatirisya kisi omutima na obhwiganirisya bhwa bhuri muunu. Ka wone, niririya bhuri owumwi weemwe okuruubhana na ebhikorwa bhyaye.