Mariko 2:20 - Indagano Inyaaya mu-Chijita

²⁰ Nawe jisiku ejiija jinu omutwasi arisoosibhwa‑wo. Mbe ku‑mwanya ogwo, niwo bhariiyima okurya ebhiryo.

INDAGANO INYA:YA

²⁰ Nawe jisiku jiri:ja, ariba baso:sibwako omutwasi wo mwenga, mbe niwo barisara:rira mu siku ijo.

Mariko 2:20 ပူးပေါင်းရင်းမြစ်များ

Matayo 26:31

Mbe, Yeesu ˆnaabhwira abheeyigisibhwa bhaaye ati, “Mu‑ngeta ya reero, emwe bhoone omuja okunyiiruka na okunsiga. Jiribha rwa kutyo Nyamuwanga ꞉aayikire mu‑Bhikaame Ebhyeru ati, ‘Niriita omureefi wa jinaama na riyijo rya jinaama ririnyarambuka.’

Matayo 9:15

Yeesu ˆnaabhasubhya ati, “Angu, abhaanu bhanu bhakokerwe mu‑bhuregesi, abhatura kutiki okusurumbara omutwasi achaari aamwi nabho? Nawe jisiku ejiija, jinu omutwasi arisoosibhwa‑wo. Mbe ku‑mwanya ogwo, niwo bhariiyima okurya ebhiryo.

Mariko 2:19

Yeesu ˆnaabhasubhya ati, “Angu, abhaanu bhanu bhakokerwe na omutwasi mu‑bhuregesi bhwaye, abhatura kutiki okwiyima okurya ebhiryo, omutwasi akabha ari aamwi nabho? Omwanya gwone gunu owubha bhari aamwi nage, bhatakutura okwiyima!

Mariko 2:21

“Ka wone, atari‑wo omuunu unu kaabhariirira echirepa echiyaaya ku‑mwenda omukokoro. Araabha aakakora kutyo, echirepa echiyaaya echo chiryongesya okutemura omwenda ogwo, na riwundu ryagwo riribha egari muno.

Ruuka 17:22

Neeya, Yeesu ˆnaabhwira abheeyigisibhwa bhaaye ati, “Mu‑siku jinu ejiija, muriigomba okurora noorwo rusuku rumwi runu anye Omwana wa Omuunu nitungire echaaro, nawe mutarirurora.

Ruuka 5:35

Nawe, jisiku ejiija jinu omutwasi arisoosibhwa‑wo na okusiga abhagenyi bhaaye. Mbe ku‑mwanya ogwo, niwo bhariiyima okurya ebhiryo.”

Yowana 12:8

Abhataka bhari na emwe siku joone. Nawe anye nitaribha aamwi na emwe siku joone.”

Yowana 13:33

“Emwe abhaana bhaani abheendwa, nichaari aamwi na emwe katungu katooto era. Murinyenja, nawe rwa kutyo ꞉naabhwiriiye abhatangasya bha Abhayawudi, nikwo kutyo woori nibhabhwira emwe wone ati, anu enigenda, emwe mutaritura okuuja‑wo.

Yowana 16:28

꞉Neejire ku‑chaaro kunu okusooka ku‑Raata, nawe woori enisooka ku‑chaaro kunu, enisubha rindi ku‑Raata.”

Yowana 16:7

“Ni chimari enibhabhwira ati, ni kisi kw‑imwe anye nigende ku‑Raata. Araabha nikaremere okugenda, Omusakisi urya ataakaturire okuuja kw‑imwe. Nawe araabha nikagenda, enija okumutuma kw‑imwe.

Yowana 17:11

Anye eniija kw‑awe, mbe nitakuja okubha rindi ku‑chaaro kunu. Nawe abheene abhagenderera okubha ku‑chaaro kunu. Raata Omweru, ubharinde ku‑bhuturo bhwa risiina ryawo rinu unaaye, korereki bhabhe chiinu chimwi rwa kutyo anye na awe chiri chiinu chimwi.

Yowana 17:13

“Raata, woori eniija kw‑awe. Enaayika emisango jinu omwanya gunu nichaari‑wo ku‑chaaro kunu, korereki abheeyigisibhwa bhaani bhabhe na rikonderwa ryani ryone mu‑myoyo jeebhwe.

Yowana 3:29

Omumura unu ari na omwenga niwe omutwasi. Anye niri rwa omusaani wa omutwasi, niimereeguuyu ku‑mbari yaaye, na enikonderwa okuungwa jinu omutwasi kaayika. Chimari musango gunu gwankondisya muno.

Ebikorwa 1:9

Yeesu ejire aamara okwayika ejo ku‑tumwa jaaye, ˆneengʼengibhwa okugenda mu‑rwire. Eriire nirimuswikira, ꞉bhataamurorere rindi.

Ebikorwa 14:23

Pawuro na Bharinaabha nibhasora abhakaruka mu‑bhuri rikanisa. Mu‑kwiyima okurya na okubhasabhirwa, nibhabhatuura mu‑mabhoko ga Raatabhugenyi Yeesu, unu ꞉bheekirisiisye.

Ebikorwa 3:21

Ni bhusibhusi Yeesu asigare mu‑rwire okukingira omwanya gunu Nyamuwanga arikora ebhiinu bhyone okubha bhiyaaya ku‑chaaro, rwa kutyo ꞉aayikire okusookerera kara okutura ku‑bharagi bhaaye abheeru.

1 Bakorinto 7:5

Mwasiga okwimana, tari araabha mweekirisyanya okukora kutyo katungu kafuyi era, korereki mubhone omwanya gwa ekisi gwa okusabhwa Nyamuwanga. Mukamara ogwo, musubhirane rindi, korereki Syetaani aasiga okubharegeeja mukore obhuromesi kwa okubha mutakutura okwiyingirira.

2 Bakorinto 11:2

Anye enibhafuyira, rifuwa rinu erisooka ku‑Nyamuwanga, kwa okubha muri rwa omuyarajuma, unu ꞉naasandiiye obhuko omurume umwi, omurume oyo niwe Kirisito.

2 Bakorinto 11:27

Nikorere emirimu misito na okunyaaka, kwiya kaafu nitawongeeye, nisaraariiye na okuungwa obhwiro bhwa amanji, kwiya kaafu nibhurirwe ebhiryo, nuunguuwe imbewo keenu nitari na emyenda.

2 Bakorinto 6:5

mu‑kubhumwa, mu‑kubhoywa mw‑ibhoyero, na mu‑kuworoomerwa na ebhise bhya abhaanu. Echikora emirimu emisito, echitaamibhwa okuwongera na echisaraarira.

Obhusweruro 19:7

Eswe wone, chikonderwe, chimusandabhire na okumukusya. Okubha obhuregesi bhwa Omwana wa Inaama bhwakinga, na omwenga emariiriiye.

Obhusweruro 21:9

Neeya owumwi wa bhamaraayika bhataanu na bhabhiri bharya, bhanu bhaariga bhari na amabhakuri gataanu na gabhiri ga jitambara etaanu na ebhiri ja obhuteero, ˆnaaja ˆnaambwira ati, “Iija enu, nikweresye omwenga, unu aribha omugasi wa Omwana wa Inaama.”