Mariko 2:16 - Indagano Inyaaya mu-Chijita

¹⁶ Mbe abheeyigisya bha ebhiraagiro bhya Muusa bhanu bhaariga bhari Bhafarisaayo bhejire bhaarora Yeesu naarya na abhatobhesya bha rigooti na abhakosi bha ebhibhiibhi abhandi, nibhabhuusya abheeyigisibhwa bhaaye ati, “Mbawo kaarya aamwi na abhatobhesya bha rigooti na abhakosi bha ebhibhiibhi?”

INDAGANO INYA:YA

¹⁶ Abandiki na Bafarisayo wejire bamurora narya aamwi na be bibi:bi na baosya, nibabu:sya abe:igisibwa bae ati, ?Kubaki karya no kunywa aamwi na baosya na be bibi:bi?

Mariko 2:16 ပူးပေါင်းရင်းမြစ်များ

Matayo 18:17

Araabha akarema okubhoongwa, ugende ubhwire rikanisa. Araabha akarema okuungwa rikanisa, umurore wuti munyamanga amwi wuti mutobhesya wa rigooti.

Matayo 5:46

Araabha mukeenda bhanu abhabheenda era, omwitogera ati, ni chiyaanwa ki chinu muribhona okusooka ku‑Nyamuwanga? Noorwo abhatobhesya bha rigooti wone abheenda bhanu abhabheenda era.

Matayo 9:11

Abhafarisaayo bhejire bhaarora ejo, nibhabhwira abheeyigisibhwa bha Yeesu ati, “Mbawo, omwiyigisya weemwe kaarya aamwi na abhatobhesya bha rigooti na abhakosi bha ebhibhiibhi!”

Mariko 2:15

Yeesu na abheeyigisibhwa bhaaye nibhagenda okurya ebhiryo iika wa Raawi. Abhatobhesya bha rigooti na abhakosi bha ebhibhiibhi abhandi, nibheenyanja ku‑nenda okurya ebhiryo na Yeesu na abheeyigisibhwa bhaaye, kwa okubha abhaanu bhaafu abha jitungwa rwa ejo nibho bhaariga nibhamuruubha.

Mariko 2:7

“Mbawo omuunu unu kaayika kutyo? Keefumirisya Nyamuwanga! Atari‑wo omuunu unu kaatura okufwira echigongo ebhibhiibhi, tari Nyamuwanga eenyere!”

Ruuka 18:11

“Bhejire bhaakinga, Omufarisaayo ˆneemereeguru eenyere ku‑mbari, ˆnaasabhwa ati, ‘Enikusiima Nyamuwanga, kwa okubha anye nitari owa ebhibhiibhi rwa abhaanu abhandi. Abhaanu abhandi ni bhasaakusi, abhajabhi, na abharomesi, noorwo nitari rwa omutobhesya wa rigooti oyo!

Ruuka 19:10

Okubha anye Omwana wa Omuunu ꞉neejire okuyenja na okuchungura abhaanu bhanu bhabhurire.”

Ruuka 19:7

Abhaanu bhoone, bhejire bhaarora ejo, nibhaamba okujujuuma ati, “Mbawo aagenda okubha omugenyi wa omuunu owa ebhibhiibhi!”

Ruuka 5:30

Echikorwa echo nichikora Abhafarisaayo, na abheeyigisya bheebhwe bha ebhiraagiro bhya Muusa, nibhagenda okujujuuma ku‑bheeyigisibhwa bha Yeesu, nibhaayikaga ati, “Mbawo, omurya na okunywa aamwi na abhatobhesya bha rigooti na abhakosi bha ebhibhiibhi?”

Ebikorwa 23:9

Mbe, mw‑ibharaja omwo, niibha‑mo injogere nene muno. Abheeyigisya abharebhe bha ebhiraagiro bhya Muusa bhanu bhaariga bhari Abhafarisaayo, nibheemereeguru nibhabhambarira Pawuro kwa managa goone nibhaayikaga ati, “Chitakurora echikayo choonechoone cha omuunu unu! Kaatura okubha ari mwoyo amwi ari maraayika niwe aayikire nage.”

1 Bakorinto 2:15

Omuunu unu kaatangasibhwa na Mwoyo wa Nyamuwanga kaatatirisya joone, nawe omwene, atakutura okutatirisibhwa na omuunu woonewoone.

Baeburania 12:3

Mwiganirisye kutyo Yeesu ꞉eegumiirisiisye kutyo abhakosi bha ebhibhiibhi bhaariga nibhamuyingirira, kutyo mwasiga okufwa omutima na okuyigwa okwikirisya Nyamuwanga.