Mariko 2:12 - Indagano Inyaaya mu-Chijita

¹² Awoawo, omuunu oyo ˆneemereeguru, ˆnaagega riraro ryaye, ˆnaawuruka anja, bhoone bhanu bhaariga bhari arya nibharuguura na okukusya Nyamuwanga, nibhaayikaga ati, “Chichaariga okurora kata echikorwa rwa chinu!”

INDAGANO INYA:YA

¹² Ne:muka, ne:twika ebima:miro byae aonao, nauruka imbere ya bo:ne, ndijei nibarugu:ra bo:ne, nibakuya Nyamuanga, niba:ika ati, Cicariga kurora ce:ja:bo cinu.

Mariko 2:12 ပူးပေါင်းရင်းမြစ်များ

Matayo 12:23

Ebhise bhya abhaanu bhanu bhaariga bhari awo nibharuguura muno, nibhaayika ati, “Angu, unu kaatura okubha Omwana wa Dawudi?”

Matayo 15:31

Abhaanu nibharuguura muno bhejire bhaarora abhajibhi nibharoma, abharema nibhawora, abhafuuwe bha amaguru nibharibhata na abhawofu nibharora. Nibhaamba okukusya Nyamuwanga wa Abhayisirayeeri.

Matayo 9:33

Yeesu ˆnaamusoosya‑ko risambwa eryo, awoawo omuunu oyo, ˆnaamba okwayika. Abhaanu bhanu bhaariga bharya‑wo nibharuguura muno, nibhaayikaga ati, “Mu‑chaaro choone cha Yisirayeeri, guchaariga okukorekana omusango rwa gunu noorwo na akatyari!”

Matayo 9:8

Abhaanu bhejire bhaarora ejo, nibharuguura na okuubhaya muno. Nibhakusya Nyamuwanga unu ayaaye abhaanu obhuturo bhwa imbaga eyo.

Mariko 1:27

Abhaanu bhoone nibharuguura muno, nibhabhuusyanya ati, “Niki chinu? Ameeyigisyo amayaaya ago, gari na obhuturo! Ka wone, muringire, ari na amanaga noorwo ga okugonya amasambwa, wone agamugayuka.”

Mariko 2:11

“Enikubhwira ati, imereeguru! Ugege riraro ryawo, ugende iika ewaawo!”

Ruuka 13:13

Yeesu ˆnaamutuura‑ko amabhoko, niwo ˆneemereeguru eemire chorwechorwe, ˆnaamba okukuuya Nyamuwanga.

Ruuka 17:15

Owumwi weebhwe, ejire aarora ati, aawosiibhwe, ˆnaasubha ku‑Yeesu, ˆnaamuraga obhuraka ˆnaakuuyaga Nyamuwanga.

Ruuka 5:26

Abhaanu bhoone nibharuguura muno na okuyaya. Aamwi na ejo, nibhakusya Nyamuwanga, nibhaayikaga ati, “Bhamura, reero chaarora emisango ja okuruguusya!”

Ruuka 7:16

Abhaanu abho bhoone, nibharuguura muno, nibhaamba okukusya Nyamuwanga, nibhaayikaga ati, “Omuragi omukuru unu eebhuka okusooka mw‑iswe!” Nibhaayika rindi ati, “Nyamuwanga aaja okusakira eswe abhaanu bhaaye!”

Yowana 7:31

Nawe abhaanu bhaafu mu‑bhanu bhaariga bhari arya, nibheekirisya Yeesu. Abhaanu abho nibhaayika ati, “Araabha omuunu kaakora ebhibharikisyo bhyafu kutyo, itari ati omwene niwe Kirisito?”

Yowana 9:32

Okusookerera kara, chichaariga okuungwa noorwo na akatyari ati, omuunu omurebhe ꞉aawosiisye omuunu unu ꞉eebhuuywe ari muwofu.

Ebikorwa 4:21

Peetero na Yowana bhejire bhaamara okwayika kutyo, abhakuru abho nibhabhagonya kwa obhururu muno, nibhabhataatira bhagende. ꞉Bhataabhwene injira ya okubhabhuma, kwa okubha abhaanu bhoone bhaariga nibhakuuya Nyamuwanga muno inguru ya echiruguusyo echo.