Mariko 13:9 - Indagano Inyaaya mu-Chijita

⁹ “Nawe emwe, mwiyangarire muno. Abhaanu bharibhasira mu‑maramuriro, ka wone bharibhasira mu‑nju ja ameekofyanyo geebhwe na okubhabhuma kubhiibhi. Bharibhasira imbere ya abhatungi bha Echiruumi na abhakama bha Echiyawudi ku‑songa yaani. Murikenwa okubha abhabhambaasi bhaani imbere ya abhatungi na abhakama abho.

INDAGANO INYA:YA

⁹ Nawe mukabuke abe:ne, okuba baribasira mu ci:na. Muribumirwa mu mekofyanyisyo. Muri:mereguru imbere ya basiba na bakama kubwani, rube rusingiro ku be:ne.

Mariko 13:9 ပူးပေါင်းရင်းမြစ်များ

Matayo 5:22

Nawe anye enibhabhwira ati, omuunu woonewoone unu kaasoka oweejaabho, kaakenwa aramurwe. Ka wone, woonewoone unu kaafuma oweejaabho ati, ni mutaamutaamu, omwene wone kaakenwa aramurwe kw‑ibharaja rikuru rya Abhayawudi. Omuunu woonewoone unu kaafuma oweejaabho ati, ni mumuumu, kaakenwa eeswe mu‑muriro gwa akajaanende koone!

Mariko 1:44

ˆnaamukomeeresya ati, “Waasiga okubhwira omuunu woonewoone inguru ya omusango gunu! Tari nuugende ku‑mugabhisi akurore, usoosye echoogo rwa kutyo ebhiraagiro bhya Muusa ꞉bhyaragiriiye, korereki bhubhe obhubhambaasi ku‑bhaanu ati, weesibhwa.”

Mariko 13:5

Niwo Yeesu ˆnaamba okubhabhwira ati, “Mwiyangarire, omuunu woonewoone aasiga okubhajiga!

Mariko 13:8

Echaaro chimwi chirirwana na echaaro echindi, obhukama bhumwi bhurirwana na obhukama obhundi. Riribha‑wo rinyamutikima rya echaaro anu na erya, na jimbaara ejindi jiribha na omweko. Ejo joone jiribha rwa obhwambiro bhwa obhusungu bhwa omugasi unu keenda okwibhura.

Mariko 6:11

Ka wone, woonewoone anu abharema okubharamira amwi okubhategeresya, musooke‑wo nimukuukumuraga oruteeri rwa ku‑maguru geemwe, okubhakengya ati Nyamuwanga kaabharema.”

Ruuka 9:5

Araabha abhaanu bheende‑wo bhaakarema okubhakuma, musooke‑wo, nimukuukumuraga oruteeri rwa ku‑maguru geemwe, okubhakengya ati Nyamuwanga kaabharema.”

Yowana 15:20

Mwasiga okurabhirwa omusango gunu ꞉naabhabhwiriiye ati, ‘Omugaya atakutura okubha omukuru okukira omwami waaye.’ Mbe, araabha ꞉bhaanyaasiisye anye, emwe wone bharibhanyaasya. Nawe araabha ꞉bheekirisiisye ameeyigisyo gaani, ageemwe wone abhaja okugeekirisya.

Yowana 16:2

Abhaanu bharibhakindika mu‑nju ja ameekofyanyo. Oguuja omwanya gunu bhuri muunu unu aribheetaga, ariitogera ati kaakora emirimu ja Nyamuwanga.

Ebikorwa 21:11

Omuragi oyo ˆnaachiija‑ko, ˆnaagega omuchipi gwa Pawuro, ˆneebhoya amaguru na amabhoko, ˆnaayika ati, “Mwoyo Mweru kaayika ati, ‘Kutya, nikwo Abhayawudi bha Yerusareemu abhaja okubhoya mwene omuchipi gunu, na abhaja okumutuura mu‑mabhoko ga abhaanu bhanu bhatari Bhayawudi.’”

Ebikorwa 7:54

Abhakuru bha Abhayawudi abho bhejire bhoongwa emisango ja Tefwano ejo, nibhabhiyirwa muno, nibhaguguna ameeno kwa risungu.

Ebikorwa 9:16

Anye omwene enija okumweresya kutyo arinyaasibhwa muno inguru ya risiina ryani.”

Bafilipi 1:29

Okubha mutayaaywe echibharo cha okwikirisya Kirisito era, tari muyaaywe wone echibharo cha okunyaasibhwa ku‑songa yaaye.

2 Batesalonika 1:5

Mbe, ejo joone ejeeresya ati, obhuramusi bhwa Nyamuwanga ni bhwa echimari. Nyamuwanga aaramura ati, emwe mwiyire mwingire mu‑bhukama bhwaye. Nikwo okukora, emwe omunyaaka inguru ya obhukama bhwaye.

2 Yoana 1:8

Woori, emwe abheene, mwiyangarire, korereki mwasiga okufwirwa‑mo ku‑mirimu jinu mukorere imbere ya Nyamuwanga, tari muramire echiyaanwa chikobhere.

Obhusweruro 1:9

Anye Yowana niri omuyiri waanyu mu‑riikirisya. Echisangira aamwi mu‑bhwigumiirisya ebhinyaasyo inguru ya Yeesu na obhukama bhwaye. Naariga nisirirwe kw‑isinga rinu eritogwa ati Paatimo. ꞉Naasirirwe kw‑isinga eryo rwa omubhoywa ku‑songa ya okuraasya omusango gwa Nyamuwanga na okusoosya obhubhambaasi inguru ya Yeesu.

Obhusweruro 2:10

Musige okuubhaya ebhinyaasyo bhinu bhiribhaaja‑ko. Muringire! Syetaani aribharegeeja kwa okutuura abhandi agati yeemwe mw‑ibhoyero. Emwe murinyaaka siku ekumi. Nawe mubhe abheeyikanyibhwa kw‑anye noorwo okukingira mufwe, anye niribhayaana orutengya rwa obhuwanga bhwa akajaanende koone.

Obhusweruro 2:13

Anye enimenya ati, mwikaaye anu Syetaani atungire. Nawe omugenderera okwikirisya risiina ryani. Noorwo omwanya gurya omubhambaasi waani omwiyikanyibhwa Atipaasi, ꞉eetiiywe mu‑musi gwemwe gwa Perigaamo anu Syetaani eekaaye, ꞉mutaanyigaanire wuri.