Mariko 13:10 - Indagano Inyaaya mu-Chijita

¹⁰ Emisango ja Ekisi jeenderwe okuraasibhwa okwamba ku‑bhaanu bha ebhyaro bhyone.

INDAGANO INYA:YA

¹⁰ Rindi ni busibusi Ebigambo byo bwana bisimurwe mu maanga go:ne okwamba.

Mariko 13:10 ပူးပေါင်းရင်းမြစ်များ

Matayo 24:14

Ku‑bhuteero, Emisango ja Ekisi inguru ya obhukama bhwa mu‑rwire jiriraasibhwa ku‑chaaro choone. Ku‑mwanya ogwo abhaanu bhoone bharibha na omwanya gwa okuungwa obhubhambaasi obhwo, niwo obhuteero bhwa echaaro bhurikinga.

Bakolosai 1:23

Nawe mwenderwe okugenderera okwikirisya Emisango ja Ekisi murumateene na okubha na amanaga. Mwasiga okwikirisya abhandi bhabhakongye okusiga obhwiyikanyo bhunu ꞉mwabhwene omwanya gunu ꞉mwoonguuwe Emisango ja Ekisi. Emisango ja Ekisi ejo, jiraasiibhwe ku‑bhaanu bhoone ku‑chaaro anu, anye Pawuro nibheeye omukosi waajo.

Obhusweruro 14:6

Nejire neeya, nindora maraayika owundi ˆneejungajunga ku‑rutumba. Maraayika oyo, aariga ari na Emisango ja Ekisi ja akajaanende okuraasisya abhaanu bhanu bheekaaye ku‑chaaro, abhaanu bha amaanga goone, jingʼanda joone, jinyaayika joone na abha jinyaami joone.

Bakolosai 1:6

Emisango ja Ekisi jinu ꞉jaakingire kw‑imwe, woori ejiswirana mu‑chaaro choone. Ejigenderera okukora abhaanu bhatwasye amatwasyo na okukura echinyamwoyo, rwa kutyo ꞉jaakorekeene kw‑imwe okusookerera orusuku runu ꞉mwoonguuwe inguru ya obhwitiriranya bhwa Nyamuwanga na okusombookerwa kisi kutyo obhwitiriranya bhwaye bhuri.

Barumi 10:18

Mbe, araabha ni kutyo, siga nibhuusye ribhuusyo. Angu, Abhayisirayeeri bhachaariga okuungwa emisango ejo? Ni chimari ati ꞉bhaajuunguuwe, kwa okubha Ebhikaame Ebhyeru ebhyayika ati, “Jinu ꞉bhaayikire, ꞉jeetabhirisiibhwe mu‑chaaro choone, na emisango jeebhwe ꞉jaakingire mbaara joone ja echaaro.”

Mariko 16:15

Niwo ˆnaabhabhwira ati, “Mugende mu‑chaaro choone, muraasisye abhaanu bhoone Emisango jaani ja Ekisi.

Barumi 15:19

꞉Bhaakongiibhwe okumugayuka, kwa okubha okutura kw‑anye ꞉bhaarorere amanaga ga Kirisito mu‑bhibharikisyo na ebhiruguusyo. ꞉Naabhikorere ku‑managa ga Mwoyo wa Nyamuwanga. Mbe, ꞉neeyindire bhuri rubhaara nindaasyaga Emisango ja Ekisi inguru ya Kirisito, okwambira mu‑musi gwa Yerusareemu okukingira mu‑mukoowa gwa Yiruriko.

Barumi 1:8

Nyabharinyabhari, enisiima Nyamuwanga okutura ku‑Yeesu Kirisito, inguru yeemwe bhoone, kwa okubha emisango inguru ya eriikirisya ryemwe ejimenyekana mu‑chaaro choone.

Matayo 12:41

“Ku‑rusuku rurya rwa indamu, abhaanu bha mu‑musi gwa Ninaawi bhariimereeguru imbere ya Nyamuwanga, aamwi na abhaanu bha riyimbo rinu. Abhaninaawi abho, bhariramura abhaanu bha riyimbo rinu ati, ni bhakosi bha ebhibhiibhi. Abheene ꞉bhaataaye ebhibhiibhi bhyebhwe, omwanya gunu ꞉bhoonguuwe Yoona ˆnaaraasyaga omusango okusooka ku‑Nyamuwanga. Woori enibhabhwira ati, anu, ari‑wo omuunu omukuru okukira Yoona.